Иоан 18:1 - Коми Библия 2023

¹ Тайӧс шуӧм бӧрын Исус муніс велӧдчысьясыскӧд Кедрон ковтыс сайӧ да пырис накӧд сад йӧрӧ.

Иоан 18:1 Referans Kwoze

Марк 14:32

Исус велӧдчысьясыскӧд локтіс Гефсиманӧ. Сійӧ шуис налы: «Пукалыштӧй тані Менам кевмысигкості».

Матвей 26:36

Сэсся Исус велӧдчысьясыскӧд локтіс Гефсиманӧ. Сійӧ шуис налы: «Пукалыштӧй тані, Ме ветла кевмысьны».

Ӧксыяслӧн 2 небӧг 15:23

Ерусалимын кольӧм йӧзыс видзӧдісны мунысьяс вылӧ да ырзӧмӧн бӧрдісны. Давид аслас йӧзкӧд вуджисны Кедрон ковтыс, сэсся мӧдӧдчисны овтӧминлань.

Иоан 18:26

Сэні вӧлі аркирейлӧн кесйӧг. Тайӧ кесйӧгыс вӧлі рӧдвуж сылы, кодлысь пельсӧ Петыр керыштіс. Сійӧ юаліс Петырлысь: «Эн-ӧ тэ вӧв Сыкӧд тшӧтш сад йӧрас?»

Иоан 14:31

Но медым муюгыдыс тӧдіс, мый Батьӧй Меным муса, Ме ставсӧ вӧча Батьлӧн тшӧктӧм серти. Чеччӧй, мунамӧй татысь».

Еремей 31:40

Став ковтысыс, кытчӧ гуалӧма морт шойяс да шыблалӧма сотӧм висьяслысь пӧимсӧ, тшӧтш асыввылын став видз-муыс Кедрон ковтысӧдз да Вӧв дзиръя пельӧсӧдз лоӧны Господьлӧн вежа карӧн. Тайӧ карсӧ сэсся некор оз ло пазӧдӧма-бырӧдӧма.

2 Каднебӧг 30:14

Найӧ петкӧдісны Ерусалимысь идолъяслы сувтӧдӧм висьпуктанінъяс да тшынӧдчан висьпуктанінъяс, жугӧдісны да шыбитісны найӧс Кедрон ковтысӧ.

2 Каднебӧг 15:16

Аслас Маака пӧчыслы Аса ӧксы эз лэдз водзӧ лоны ӧксы-мамӧн, ӧд сійӧ сувтӧдіс Астарталы сиӧм зывӧк бӧлбанӧс. Аса кераліс тайӧ зывӧк бӧлбансӧ торпыригӧдз да сотіс сійӧс Кедрон ковтысын.

Ӧксыяслӧн 4 небӧг 23:12

Сійӧ бырӧдіс висьпуктанінъяс, кодъясӧс иудаса ӧксыяс сувтӧдісны Ахазлӧн керка вевт вылӧ. Бырӧдіс тшӧтш Господьлӧн крам кыкнан йӧрысь Манассейӧн сувтӧдӧм висьпуктанінъяс. Жугліс найӧс торпыригӧдз, нырис пызьӧдз да шыблаліс Кедрон ковтысӧ.

Ӧксыяслӧн 4 небӧг 23:6

Сійӧ петкӧдіс Астарта бӧлбанӧс Господьлӧн крамысь Ерусалим кар сайӧ Кедрон ковтысӧ да сотіс сэні. Сэсся пызьӧдз нырис, а пызьсӧ койыштіс шойна вылӧ.

Ӧксыяслӧн 3 небӧг 15:13

Аслас Маака пӧчыслы Аса эз лэдз водзӧ лоны ӧксы-мамӧн, ӧд сійӧ сувтӧдіс Астарталы сиӧм зывӧк бӧлбанӧс. Аса кераліс тайӧ зывӧк бӧлбансӧ да сотіс сійӧс Кедрон ковтысын.

Олӧм 3:23

Та вӧсна Господь Ен вӧтліс мортӧс Эдэм сад йӧрысь да тшӧктіс вӧдитны му, мыйысь сійӧс вӧлі вӧчӧма.

Марк 14:26

Енлы сьылӧм бӧрын найӧ кайисны Олив керӧсӧ.

Матвей 26:30

Енлы сьылӧм бӧрын найӧ кайисны Олив керӧсӧ.

Олӧм 2:15

Господь Ен овмӧдіс мортӧс Эдэм мулӧн сад йӧрӧ, медым дӧзьӧритны сійӧс.

Ӧксыяслӧн 3 небӧг 2:37

Тӧд, тэ кӧ петан Ерусалимысь да вуджан Кедрон ковтыс сайӧ, тэнӧ виасны. Аслад кулӧмысь ачыд лоан мыжа».

Ӧксыяслӧн 4 небӧг 23:4

Ӧксы тшӧктіс Хилки аркирейлы, попъяслы да крам пыранін видзысьяслы петкӧдны Господьлӧн крамысь став юрбитанторсӧ, мый вӧлі вӧчӧма Ваал да Астарта идолъяслы да енэжвыв вынъяслы. Сійӧ сотіс ставсӧ Ерусалим кар сайын Кедрон ковтысын да нуис пӧимсӧ Вефильӧ.

2 Каднебӧг 29:16

Попъяс пырисны Господьлӧн крам пытшкӧ, медым весавны-сӧстӧммӧдны сійӧс. Став пежсӧ, мый аддзисны Господьлӧн крамысь, найӧ петкӧдісны йӧрас. А левитъяс нуисны ставсӧ Кедрон ковтысӧ.

Неемий 2:15

Та вӧсна ме муні войнас ковтысӧд да сэтысянь видзӧдалі карлысь стенсӧ. Карас ме бӧр пыри Ковтыс дзиръяӧд.

Ап. уджъяс 21:11

Кор сійӧ пырис миян дінӧ, босьтіс Павеллысь тасмасӧ да кӧрталіс ассьыс ки-коксӧ, сэсся шуис: «Тадзи висьталӧ Вежа Лов: тайӧ тасма новлысьсӧ иудейяс тадзи жӧ кӧрталасны Ерусалимын да сетасны ентӧдтӧмъяс киӧ».

Левит 2:6

Няньсӧ чегъялӧй торпыригӧдз да киськалӧй олив выйӧн. Тайӧ лоӧ [Господьлы] нянь вись.

Марк 14:42

Чеччӧй, мунамӧй. Менӧ вузалысь матын нин».