Иоан 17:23 - Коми Библия 2023

²³ Ме кӧ на пытшкын, а Тэ – Ме пытшкын, сэки найӧ ставныс лоасны ӧтвыв. Тадзи муюгыдыс тӧдмалас, мый Тэ Менӧ мӧдӧдін, и найӧ мусаӧсь Тэныд, кыдзи Ме муса Тэныд.

Иоан 17:23 Referans Kwoze

Иоан 17:21

Кевмыся, мед найӧ ставныс лоасны ӧтвыв. Кыдзи Тэ, Батьӧй, Ме пытшкын, а Ме – Тэ пытшкын, тадзи мед найӧ лоасны ӧтвыв Миян пытшкын. Сэки муюгыдыс эскас, мый Тэ Менӧ мӧдӧдін.

Иоан 16:27

Ті асьныд мусаӧсь Батьлы, ӧд ті радейтанныд Менӧ да эсканныд, мый Ме локті Енсянь.

1 Иоан 3:1

Видзӧдӧй, кутшӧм мусаӧсь ми Батьлы: Сійӧ сетіс миянлы лоны да шусьыны Енлӧн ныв-пиӧн. Муюгыдсаыс оз тӧд миянӧс, Сійӧс оз тӧд да.

Иоан 13:35

Радейтанныд кӧ ӧта-мӧднытӧ, сэки быдӧн аддзас, мый ті – Менам велӧдчысьяс».

1 Иоан 1:3

Аддзывлӧм-кывлӧмыс йылысь висьталам тіянлы, мед эськӧ ті вӧлінныд миянкӧд ӧтув. А ми ӧтувъяӧсь Батькӧд да Сылӧн Исус Кристос Пиыскӧд.

1 Петыр 5:10

Тіянлы этша нин колис сьӧкыдавны. Та бӧрти буралӧмнас озыр Ен, коді корис тіянӧс Исус Кристос пыр Аслас бырлытӧм дзирдлунӧ, мед ёнмӧдас да зумыдмӧдас тіянӧс да вӧчас тыр-буръясӧн.

Колосӧ 3:14

Медвойдӧр кутчысьӧй муслунас, ӧд муслуныс ставсӧ йитӧ да вайӧдӧ тыр-бурӧдз.

Иоан 17:26

Ме велӧді найӧс тӧдны Тэнсьыд нимтӧ да нӧшта на велӧда, медым Ме вӧлі на пытшкын, и медым на пытшкын вӧлі сэтшӧм жӧ муслун, кутшӧм Тэнад муслуныд Ме дінӧ».

Иоан 17:24

Батьӧй, Ме кӧсъя, медым Меным сетӧмаясыд лоасны сэні, кӧні Ме лоа. Найӧ мед аддзасны Менсьым дзирдлунӧс, кодӧс Тэ сетін Меным, ӧд Ме муса вӧлі Тэныд му пуксьытӧдзыс на.

1 Коринфӧ 1:30

Енмыс йитіс тіянӧс Исус Кристоскӧд, коді лои миянлы мывкыдлуннас. Сы пыр Енмыс вештысис миян вӧсна, вӧчис миянӧс веськыдӧн да вежа войтырӧн.

Иоан 14:23

Исус вочавидзис: «Коді радейтӧ Менӧ, сійӧ олӧ Менам кывъяс серти. Менам Батьӧй радейтӧ сійӧс, и Ми Батькӧд локтам да овмӧдчам сы ордӧ.

Иоан 14:10

Ме – Бать пытшкын, а Бать – Ме пытшкын. Эскан-ӧ таӧ? Сійӧ кывъяссӧ, мый висьтала тіянлы, ог Ассянь висьтав. Ме пытшкын олысь Батьӧй вӧчӧ уджъяссӧ.

Колосӧ 2:2

Ме кӧсъя, медым муслуныс ӧтувтіс налысь сьӧлӧмнысӧ, и найӧ вӧліны повтӧмӧсь да тырвыйӧ тӧдісны Ен Батьлысь гусяторсӧ – Кристосӧс.

Филипӧ 3:15

Сідзкӧ, коді миян пиысь лыддьӧ асьсӧ тыр-бурас воысьӧн, сійӧ мед мӧвпалӧ миян моз. А мӧвпаланныд кӧ мӧд ногӧн, Енмыс восьтас тайӧс тіянлы.

Галатӧ 3:28

Иудей-ӧ тэ либӧ грек, кесйӧг-ӧ либӧ мездлуна морт, айлов-ӧ либӧ ань – Исус Кристос пытшкын торъялӧмыс абу.

2 Коринфӧ 5:21

Кристослӧн эз вӧв некутшӧм мыж, но Енмыс пуктіс Сы вылӧ миянлысь мыжъяснымӧс, медым Сы пыр ми лоим Ен водзын веськыдӧн.

Иоан 6:56

Менсьым яйӧс сёйысь да Менсьым вирӧс юысь олӧ Ме пытшкын, а Ме – сы пытшкын.

Иоан 3:17

Енмыс мӧдӧдіс Ассьыс Писӧ муюгыдас мездыны йӧзсӧ, а эз мыждыны.

1 Иоан 4:19

Кутамӧй радейтны Енмӧс, ӧд медводз Сійӧ радейтіс миянӧс.

Колосӧ 1:28

Сы йылысь ми висьтавлам быдӧнлы, велӧдам-туйдӧдам став мывкыдлунӧн, медым сувтӧдны быдӧнӧс Ен водзӧ Кристос пытшкын сӧвмӧмаясӧн.

Иоан 10:38

А вӧча кӧ, эскӧй кӧть Менам уджъясӧ, Меным онӧ эскӧй да. Сэки ті тӧдмаланныд да эсканныд, мый Батьӧй Ме пытшкын, а Ме – Сы пытшкын».

Иоан 15:9

Батьлы Ме ёна муса, ті Меным тшӧтш ёна мусаӧсь. Сідзкӧ, олӧй Менам муслун пытшкын.

Иоан 17:3

Помтӧм олӧмыс – тайӧ тӧдны Тэнӧ, ӧти збыль Енмӧс, да Тэӧн мӧдӧдӧм Исус Кристосӧс.

Иоан 17:8

Ме висьталі налы Тэнсьыд кывъястӧ. Найӧ сибӧдісны тайӧ кывъяссӧ да збыльысь тӧдӧны, мый Ме Тэсянь локті. Найӧ эскӧны, мый Тэ Менӧ мӧдӧдін.

Иоан 17:11

Ме абу нин муюгыдас. Ме локта Тэ дінӧ, а найӧ кольӧны на муюгыдас. Вежа Батьӧй, видз Меным сетӧмаястӧ Аслад нимӧн, медым найӧ вӧліны Миян моз ӧтвыв.

Восьтӧм 3:9

Со, Ме сета тэныд сӧтаналӧн йӧз чукӧрысь найӧс, кодъяс шуӧны асьнысӧ иудейясӧн, но найӧ абу иудейяс, а пӧръясьысьяс. Ме вӧча тадзи: найӧ локтасны да уськӧдчасны тэнад кок улӧ. Сэки тӧдмаласны, мый тэ – Меным муса.