Иоан 17:15 - Коми Библия 2023

¹⁵ Ог кевмы босьтны найӧс муюгыдсьыс, но кевма, мед Тэ видзин найӧс омӧльысь.

Иоан 17:15 Referans Kwoze

Псалтыр 121:7

Тэнад карса стенъяс вылын мед лоӧ лӧнь олӧм, тэнад изкарын – бур олӧм.

1 Иоан 5:18

Ми тӧдам, мый Енсянь чужысьяс мыжсӧ оз вӧчны. Енсянь чужысь видзӧ асьсӧ, да омӧльыс оз вермы инмӧдчыны сы дінӧ.

2 Фессалоникаӧ 3:3

Но Господь эскана, Сійӧ ёнмӧдас тіянӧс да видзас омӧльысь.

Галатӧ 1:4

Ен Батьнымлӧн кӧсйӧмыс серти Кристос сетіс Асьсӧ миян мыжъяс вӧсна, медым мездыны миянӧс лёкнас тырӧм муюгыдсьыс.

Матвей 6:13

Эн сет миянлы ылавны, но видз миянӧс омӧльысь. Ӧд Тэнад Юралӧмыд, выныд да дзирдлуныд помасьлытӧм. Аминь.

1 Каднебӧг 4:10

Явис шыасис Израильлӧн Ен дінӧ: «Енмӧй, Тэ кӧ эськӧ бурсиин менӧ да ыдждӧдін менсьым муӧс, Тэнад киыд кӧ эськӧ кутыштіс менӧ да видзис, медым лёкыс эз су менӧ!» И Енмыс мӧдӧдіс Явислы сійӧ, мый корис.

Лука 11:4

И прӧстит миянлысь мыжъяснымӧс, ӧд ми прӧститам миян водзын мыжаясӧс. Эн сет миянлы ылавны, но видз миянӧс омӧльысь».

Псалтыр 30:9

Тэ эн сет менӧ мустӧмтысьяслӧн киӧ, Тэ петкӧдін менӧ паськыдінӧ.

2 Тимофейлы 4:8

Ӧні менӧ виччысьӧ веськыдлуныслӧн юркытш. Веськыда мыждысь Господь Аслас лунӧ сетас сійӧс меным да быдӧнлы, коді став сьӧлӧмнас виччысьӧ Сылысь локтӧмсӧ.

Исай 57:1

Веськыда олысь кулӧ, и некод оз босьт тайӧс сьӧлӧмас. Вежавидзысь йӧз мунӧны мӧдаръюгыдас, и некод оз мӧвпыштлы та йылысь. Веськыда олысь ылыстчӧ лёксьыс,

Олӧм 48:16

Андел, коді мездіс менӧ быдпӧлӧс лёкысь, мед бурсиас тайӧ зонъяссӧ. На пыр мед нималас менам нимӧй, тшӧтш Ӧвраам да Исаак батьяслӧн нимъясыс. Насянь мед уна чужысь лоас му вылын.

Матвей 5:37

Тіян ”да”-ныд мед лоӧ сӧмын ”да”, тіян ”ог”-ныд мед лоӧ сӧмын ”ог”, а содтӧд кывъясыс – омӧльсяньыс».

Еклесиаст 9:10

Ставсӧ, мый верман, вӧч выныд серти. Ӧд кулӧмаяслӧн оланінас, кытчӧ тэ мунан, оз ло уджалӧмыс, мӧвпалӧмыс, тӧдӧмлуныс да мывкыдлуныс.

Лука 22:32

Но Ме кевмыси тэ вӧсна, медым эскӧмыд эз быр. Кор тэ бергӧдчан бӧр, ёнмӧд вокъястӧ».

1 Иоан 5:19

Тӧдам, мый ми Енсянь, а став муюгыдыс омӧльыслӧн кипод улын.