Иоан 16:13 - Коми Библия 2023

¹³ Збыльыслӧн Лолыс локтас да велӧдас тіянӧс збыляс. Сійӧ оз Ассяньыс кут висьтавны, а висьталас кывлӧмсӧ да юӧртас тіянлы водзӧ лоанасӧ.

Иоан 16:13 Referans Kwoze

Иоан 14:26

Менам Батьӧй мӧдӧдас Менам ним кузя Дорйысьӧс – Вежа Лолӧс. Сійӧ велӧдас тіянӧс быдторйӧ да казьтыштас тіянлы ставсӧ, мый Ме висьтавлі тіянлы.

Иоан 14:17

Тайӧ Дорйысьыс – Збыльыслӧн Лолыс. Муюгыдыс оз аддзы да оз тӧд Сійӧс, та вӧсна оз вермы сибӧдны. Ті тӧданныд Сійӧс, ӧд Сійӧ тіянкӧд да тіян пытшкын.

Иоан 15:26

Ме мӧдӧда тіянлы Батьсянь Дорйысьӧс, Сійӧ – Збыльыслӧн Лолыс. Сійӧ локтас Батьсянь да висьталас Ме йылысь.

1 Иоан 2:27

Но тіян эм Вежасянь мавтыштӧм. Та вӧсна абу колана, мед кодкӧ велӧдіс тіянӧс. Ӧд мавтыштӧмыс велӧдӧ тіянӧс быдторйӧ, висьталӧ збыльсӧ да оз пӧръясь. Сідзкӧ, олӧй велӧдӧм сертиыс.

1 Иоан 2:20

А тіянӧс мавтыштӧма Вежаыс, да ті тӧданныд ставсӧ.

Иоан 12:49

Ме висьталі эг Ассянь. Менӧ мӧдӧдысь Батьӧй Ачыс велӧдіс Менӧ, мый шуны-юӧртны.

1 Иоан 4:6

А ми Енсянь. Енсӧ тӧдысь кывзӧ миянӧс, а коді абу Енсянь, сійӧ оз кывзы миянӧс. Та серти тӧдам збыльыслысь ловсӧ да ылӧгыслысь ловсӧ.

Иоан 14:6

Исус шуис сылы: «Ме эм туйыс, збыльыс да олӧмыс. Бать дінӧ позьӧ локны сӧмын Ме пыр, мӧд туйыс абу.

Восьтӧм 1:19

Сідзкӧ, гиж, мый аддзылін, мый эм да мый лоӧ бӧрыннас.

Иоан 8:38

Ме висьтала сы йылысь, мый аддзылі Аслам Бать ордысь. А ті вӧчанныд сы серти, мый аддзылінныд асланыд бать ордысь».

2 Фессалоникаӧ 2:3

Энӧ сетӧй асьнытӧ ылӧдлыны некодлы, ӧд сійӧ луныс воас сӧмын сэки, кор йӧзыс кежасны Енсьыс. Сэки локтас мыжыслӧн морт, кулӧмыслӧн пи,

Восьтӧм 1:1

Тайӧ – Исус Кристослы Енсянь восьтӧм. Тайӧн Енмыс петкӧдліс Аслас кесйӧгъяслы, мый колӧ лоны регыдъя кадӧ. Аслас андел пыр Кристос восьтіс тайӧс Аслас Иоан кесйӧглы.

2 Фессалоникаӧ 2:12

Тадзи лоӧ мыждӧма быдӧнӧс, коді радейтӧ ылӧгсӧ да оз эскы збыльыслы.

Ап. уджъяс 27:24

Андел шуис: ”Эн пов, Павел. Тэныд ковмас на сувтны кесар водзӧ. Тэ ради Енмыс тшӧтш видзас тэкӧд кывтысьясӧс”.

Йоиль 2:28

– Тайӧ лунъяс бӧрын Ме кисьта Ассьым Лолӧс быд морт вылӧ. Тіян пиянныд да нывъясныд пондасны пророкавны, олӧмаяс пондасны вӧтавны збыльмана вӧтъяс, зонъясныд кутасны аддзыны Енсянь петкӧдчылӧмъяс.

Ап. уджъяс 20:23

Тӧда сӧмын, Вежа Лов быд карын эскӧдӧ, мый дзескыдін да сьӧкыдлунъяс виччысьӧны менӧ.

Иоан 3:32

Сійӧ висьталӧ, мый аддзыліс да кывліс, но Сылысь висьталӧмсӧ йӧзыс сьӧлӧманыс оз сибӧдны.

Ап. уджъяс 11:28

На пиысь Агав нима пророк Ловсянь водзвыв висьталіс, мый став му пасьтала лоас ыджыд тшыгъялӧм. Клавдий кесар дырйи тадзи и лоис.

Исай 11:2

Сы вылӧ лэччас Господьлӧн Лов, мывкыдлуныслӧн да гӧгӧрвоӧмлуныслӧн лов, туйдӧдӧмыслӧн да выныслӧн лов, тӧдӧмлуныслӧн да Господьысь полӧмыслӧн лов.

Иоан 16:12

Унатор на верма висьтавны тіянлы, но ӧні ті онӧ вермӧй ставсӧ тӧрӧдны.

Еврейяслы 1:1

Енмыс важысянь унаысь да уна ногӧн шыасьліс миян батьяс дінӧ пророкъяс пыр.

1 Иоан 5:6

Исус Кристос локтіс ваӧн, вирӧн да Лолӧн, эз сӧмын ваӧн, но ваӧн да вирӧн. Та йылысь Лов висьталӧ, ӧд Лолыс эм збыльыс.