Иоан 15:16 - Коми Библия 2023

¹⁶ Энӧ ті Менӧ бӧрйӧй. Ме бӧрйи тіянӧс да мӧдӧді, медым вайинныд бырлытӧм вотӧс. Тадзи кӧ вӧчанныд, Бать сетас тіянлы ставсӧ, мый коранныд Сылысь Менам нимӧн.

Иоан 15:16 Referans Kwoze

Иоан 15:19

Ті кӧ вӧлінныд муюгыдсьыс, сэки эськӧ мусаӧсь вӧлінныд муюгыдыслы. Но ті абу муюгыдсьыс, ӧд Ме бӧрйи тіянӧс сэтысь, сійӧн муюгыдыс мустӧмтӧ тіянӧс.

Ефесӧ 2:10

Ми – Енлӧн вӧчӧмторъяс. Сійӧ ӧтувтӧма миянӧс Исус Кристоскӧд, медым ми вӧчим бур уджъяс, мый Енмыс водзвыв дасьтӧма миянлы.

Лука 6:13

Луннас Сійӧ корис Ассьыс велӧдчысьяссӧ да бӧрйис на пӧвстысь дас кыкӧс, кодъясӧс нимтіс апостолъясӧн. Тайӧ вӧліны:

Галатӧ 1:15

Но Енмыс менӧ мам кынӧмсянь нин бӧрйӧма да Аслас буралӧмнас корӧма.

1 Иоан 4:19

Кутамӧй радейтны Енмӧс, ӧд медводз Сійӧ радейтіс миянӧс.

Ап. уджъяс 22:14

Сійӧ шуис меным: ”Миян батьяслӧн Ен бӧрйӧма тэнӧ, медым тэ тӧдін Сылысь кӧсйӧмсӧ, аддзин Веськыда Олысьӧс да кылін Сы вомсянь шуӧмсӧ.

2 Тимофейлы 2:2

Ставсӧ, мый тэ кывлін месянь уна йӧз дырйи, юксьы эскана йӧзкӧд, кодъяс сяммасны велӧдны мукӧдӧс.

Иоан 13:18

Ме ог висьтав ставныд йылысь, ӧд Ассьым бӧрйӧмаясӧс Ме тӧда. Но гижӧма: ”Мекӧд сёйысьыс сувтас Меным паныд”. Тайӧ кывъясыслы колӧ инны.

Иоан 6:70

Исус шуис налы: «Эг ӧмӧй Ме бӧрйы тіянӧс дас кыкнаннытӧ? Но тіян пиысь ӧтиыс – сӧтана».

1 Петыр 3:15

Господь Енмӧс вежавидзӧмӧн медвылӧ пуктӧй сьӧлӧманыд. Юалас кӧ кодкӧ лачаныд йылысь, пыр лоӧй дасьӧсь вочавидзны сылы. Вочавидзӧй рам сьӧлӧмӧн да Енсьыс полӧмӧн.

Псалтыр 71:18

Ошкӧм Господь Енлы, Израильлӧн Енлы, Сійӧ ӧтнасӧн вӧчӧ шензьӧданаторъяс.

1 Иоан 4:10

Муслуныс абу сыын, мый Енмыс вӧлі муса миянлы, но сыын, мый ми вӧлім мусаӧсь Сылы. Сійӧ сетіс Ассьыс Писӧ вись пыдди, медым вештыны миянлысь мыжнымӧс.

Шусьӧгъяс 11:30

Веськыда олысьлӧн вотӧсысь быдмӧ олӧмыслӧн пу, мывкыд морт кыскӧ йӧзӧс ас дінас.

Ап. уджъяс 1:24

Кевмысиганыс шуисны: «Господьӧй, Тэ быдӧнлысь тӧдан сьӧлӧмсӧ. Инды тайӧ кыксьыс Ассьыд бӧрйӧматӧ,

Исай 27:6

Локтана кадӧ Яков вужъясяс, Израиль сетас вож да кутас дзоридзавны. Муюгыдыс тырас вотӧсӧн.

1 Петыр 3:2

Ӧд найӧ аддзасны тіянлысь сӧстӧм да Енсьыс полана оласногнытӧ.

Римӧ 15:4

Став воддза гижӧдсӧ вӧлі гижӧма миянӧс велӧдӧм да бурӧдӧм могысь, медым Гижӧд пырыс ми вермим ёнмыны да зумыд лача кутны.

Ап. уджъяс 9:15

Господь шуис: «Мун. Ме бӧрйи сійӧс кесъявны Меным, юӧртны Менсьым нимӧс войтыръяслы да ӧксыяслы, тшӧтш Израиль войтырлы.

Матвей 21:22

Мый коранныд кевмысиганыд эскӧмӧн, лоӧ тіянлы».

Псалтыр 145:4

Лолыс петас сы пытшкысь, а вир-яйыс бӧр лоӧ муӧн, сійӧ лунӧ бырасны сылӧн мӧвпъясыс.

2 Тимофейлы 1:11

Та вылӧ менӧ и пуктӧма, медым висьтавлыны Бур Юӧрсӧ, апостолавны да велӧдны мукӧд войтырӧс.

1 Коринфӧ 10:11

Ставыс тайӧ вӧлі накӧд, медым ӧлӧдны йӧзсӧ. Тайӧс гижӧма, медым велӧдны миянӧс, бӧръя кадас олысьясӧс.

Римӧ 9:21

Гырнич вӧчысь абу ӧмӧй вына сёй вылас? Оз-ӧ сійӧ ӧти лятисьыс вермы вӧчны быд лунӧ вӧдитчан и торъя лунъясӧ вӧдитчан доз?

Яков 3:18

Лӧньлунсӧ вайысьяс кӧдзӧны лӧньлунлысь кӧйдыс, а тайӧ кӧйдысыс вайӧ веськыда олӧмыслысь вотӧс.

Еврейяслы 11:4

Эскӧмӧн Авель вайис Енлы бурджык вись Каин дорысь. Авельлӧн эскӧм вӧсна Енмыс сибӧдіс сылысь висьсӧ да лыддис сійӧс веськыдӧн. Эскӧмыс вӧсна Авель весиг кулӧм бӧрас сёрнитӧ.

Титлы 1:5

Ме коли тэнӧ Критӧ, мед тэ эштӧдін сэні помавтӧмторсӧ да быд карын индін вичкоса юрнуӧдысьясӧс, кыдзи тай ме тэныд тшӧктылі.

Колосӧ 1:6

Тайӧ кывйыс паськалӧ став му пасьталаыс да вайӧ вотӧс. Ӧні сійӧ паськалӧ да вайӧ вотӧссӧ тшӧтш тіян пӧвстын. Бур Юӧрсӧ кылӧм бӧрын ті збыльысь гӧгӧрвоинныд Енлысь буралӧмсӧ.

Римӧ 1:5

Сы пыр миянлы вичмис буралӧм. Сійӧ пуктіс миянӧс апостолавны, медым вайӧдны войтыръясӧс Сылӧн нимлы эскӧмас да кывзысьӧмас.

Ап. уджъяс 10:41

но эз став йӧзыслы, а миянлы, кодъясӧс Енмыс водзысяньыс бӧрйис висьтавны та йылысь. Сійӧ тшӧктіс миянлы, кодъяс ӧтлаын сёйим-юим Сыкӧд ловзьӧм бӧрас,

1 Тимофейлы 2:7

Та йылысь юӧртны сувтӧдіс менӧ Ен. Сійӧ индіс менӧ апостолӧн да ентӧдӧмъясӧс збыляс-эскӧмас велӧдысьӧн. Кристос водзын збыль висьтала, ог пӧръясь.

Колосӧ 1:23

Сӧмын тіянлы колӧ вӧрзьывтӧг сулавны эскӧмас да зумыда кутчысьны Бур Юӧрӧн сетӧм лачаас. Бур Юӧрсӧ ті кывлінныд, сійӧс юӧртӧма енэж улын став олысьыслы. Ме, Павел, лои тайӧ Бур Юӧрыслы кесъялысьӧн.

Микей 5:7

Яков рӧдлӧн колясыс лоӧ войтыръяс пӧвстын Господьсянь мӧдӧдӧм лысва кодь, турунсӧ киськалӧм зэр кодь. Найӧ оз нин пондыны видзӧдны морт вылӧ, оз нин пондыны лача кутны йӧз вылӧ.

Олӧм 18:18

Ӧвраамсянь збыльысь чужас ыджыд да ён войтыр. Сы пыр вуджас бурсиӧмыс быд войтырлы.

Римӧ 1:13

Вокъяс, тӧдӧй: ме унаысь лӧсьӧдчывлі волыны тіян дінӧ, но пыр кутшӧмкӧ мытшӧдъяс паныдасьӧны. Мукӧд войтыръяс пӧвстын моз ме кӧсъя аддзыны тшӧтш тіян олӧмын бур вотӧс.

Ап. уджъяс 1:8

Но кор лэччас тіян вылӧ Вежа Лов, тіянлы лоӧ сетӧма вын. Сэки понданныд висьтавлыны Ме йылысь Ерусалимын, став Иудеяын, Самарияын да став му пасьталаыс».

Матвей 7:7

«Корӧй, и тіянлы сетасны, корсьӧй, и ті аддзанныд, игӧдчӧй, и тіянлы восьтасны.

Иоан 15:5

Ме эм виноград пуыс, ті – увъясыс. Коді олӧ Ме пытшкын, а Ме сы пытшкын, сійӧ вайӧ уна вотӧс. Ӧд Метӧг ті нинӧм онӧ вермӧй вӧчнысӧ.