Biblia Todo Logo
Bib sou entènèt

- Piblisite -




Иоан 14:26 - Коми Библия 2023

26 Менам Батьӧй мӧдӧдас Менам ним кузя Дорйысьӧс – Вежа Лолӧс. Сійӧ велӧдас тіянӧс быдторйӧ да казьтыштас тіянлы ставсӧ, мый Ме висьтавлі тіянлы.

Gade chapit la Kopi




Иоан 14:26
75 Referans Kwoze  

Ме мӧдӧда тіянлы Батьсянь Дорйысьӧс, Сійӧ – Збыльыслӧн Лолыс. Сійӧ локтас Батьсянь да висьталас Ме йылысь.


Ме кора Батьлысь, и Бать сетас тіянлы мӧд Дорйысьӧс. Сійӧ пыр лоас тіянкӧд.


Но тіян эм Вежасянь мавтыштӧм. Та вӧсна абу колана, мед кодкӧ велӧдіс тіянӧс. Ӧд мавтыштӧмыс велӧдӧ тіянӧс быдторйӧ, висьталӧ збыльсӧ да оз пӧръясь. Сідзкӧ, олӧй велӧдӧм сертиыс.


Ме висьтала тіянлы збыльсӧ: бурджык лоӧ, Ме кӧ муна. Ог кӧ мун, сэки Дорйысь оз лок тіян дінӧ, а муна кӧ, мӧдӧда Сійӧс тіян дінӧ.


А тіянӧс мавтыштӧма Вежаыс, да ті тӧданныд ставсӧ.


Ті ӧмӧй онӧ тӧдӧй, мый тіян вир-яйныд – Вежа Ловлӧн крамыс, мый Вежа Лолыс олӧ тіян пытшкын. Тайӧ Ловсӧ Енмыс сетіс тіянлы, ӧні ті абу нин асланыдӧсь.


Енмыс кыпӧдіс Сійӧс да пуксьӧдіс веськыдладорас. Батьсяньыс Сійӧ сибӧдіс кӧсйысьӧм Вежа Лолӧс да кисьтіс миян вылӧ, кыдзи ті ӧні аддзанныд да кыланныд.


Ме кора, мед миян Господь Исус Кристослӧн Ен, дзирдлуныслӧн Бать, сетас тіянлы мывкыдлуныслысь да восьтӧмыслысь Ловсӧ, медым ті верминныд тӧдны Сійӧс.


Лачасӧ сетысь Ен мед тыртас тіянӧс нимкодьлунӧн да лӧньлунӧн эскӧманыд, медым Вежа Лов вынӧн ті зумыда сулалінныд лача кутӧмас.


Сэки ставныс найӧ тырисны Вежа Лолӧн да пондісны сёрнитны мукӧд кывъяс вылын, кыдзи Лов сетіс налы висьтавнысӧ.


Исуслӧн ловзьӧм бӧрын велӧдчысьясыслы тӧд выланыс усины Сылӧн кывъясыс. Сэки найӧ эскисны Гижӧдӧ да Исуслӧн кывъясӧ.


Ачыс Господь велӧдӧ тэнсьыд пиянтӧ, найӧс виччысьӧ ыджыд шуд да лӧньлун.


Кор найӧ видзалӧмӧн кесъялісны Господьлы, Вежа Лов шуис: «Торйӧдӧй Меным Варнаваӧс да Савлӧс, Ме кори найӧс торъя удж вӧчны».


Енмыс восьтіс пророкъяслы, мый тайӧс юӧртігӧн найӧ кесъялісны миянлы, а эз аслыныс. Ӧні тайӧс юӧртісны найӧ, кодъяс висьталісны тіянлы Бур Юӧрсӧ енэжсянь мӧдӧдӧм Вежа Лов вынӧн. Весиг анделъяс кӧсйӧны тӧдны тайӧ гусяторсӧ.


Енэжас эскӧдӧны-висьталӧны та йылысь куимӧн: Бать, Кыв да Вежа Лов. Тайӧ куимыс ӧти.


Сійӧ мездіс миянӧс. Мездіс эз веськыд уджъясным серти, но Аслас буралӧмыс вӧсна. Ен мыськаліс миянӧс да сетіс миянлы выльысь чужны. Сійӧ выльмӧдіс миянӧс Вежа Ловнас.


Ме мӧдӧда тіянлы Батьӧйлысь кӧсйысьӧмасӧ. Ті кольччӧй Ерусалимӧ, кытчӧдз тіян вылӧ оз лэччы енэжсянь вын».


Но ті, мусаяс, ёнмӧдӧй асьнытӧ вежа эскӧмнаныд, кевмысьӧй Вежа Лов нуӧдӧм улын.


Тайӧн Вежа Лов петкӧдлӧ, мый кытчӧдз сулалӧ воддза вежӧсыс, Вежасьыс-вежаинӧ туйыс тупкыса на.


Вежа Лов висьталӧ: – Талун, гӧлӧс шыӧс кылігӧн,


Сідзкӧ, тайӧ тшӧктӧмсӧ ӧтдортысь оз мортӧс ӧтдорт, а Енсӧ, коді сетіс миянлы Ассьыс Вежа Ловсӧ.


Та вӧсна висьтала тіянлы: морт пытшкас кӧ эм Енлӧн Лолыс, сійӧ некор оз кут ёрны Исусӧс. И мӧдарӧ, некод оз вермы шуны Исусӧс Господьӧн, абу кӧ сы пытшкын Вежа Лов.


Ӧд пророкалӧм некор эз вӧв мортлӧн кӧсйӧмсянь, сійӧс висьтавлісны Вежа Лов ышӧдӧмсянь Енлӧн вежа йӧзыс.


Ті лёкӧсь, а сямманныд бурсӧ сетны асланыд ныв-пилы. Дерт нин, енэжвыв Батьныд сетас Вежа Ловсӧ Сылысь корысьяслы».


Енмӧй, кута помтӧг ошкыны Тэнӧ став уджсьыд. Тэнад эскана войтырыдкӧд понда лача кутны бур нимыд вылӧ.


кесъявны Исус Кристослы ентӧдтӧмъяс пӧвстын. Менӧ сувтӧдӧма вӧчны вежа удж: висьтавны Енлысь Бур Юӧрсӧ да вайны ентӧдтӧмъясӧс Ен водзӧ шогмана да Вежа Лолӧн вежӧдӧм вись пыдди.


Мариялӧн чолӧмалӧмысь Елизаветалӧн кынӧмас кагаыс чеччыштліс. Елизавета тырис Вежа Лолӧн


Ме пырта тіянӧс ваӧн. Тайӧ петкӧдлас мыжъяссьыныд бергӧдчӧмнытӧ. Ме бӧрын Локтысьыс ме дорысь вынаджык, ме ог шогмы пӧрччӧдны Сылысь кӧмсӧ. Сійӧ пыртас тіянӧс Вежа Лолӧн да биӧн.


Тайӧ висьталӧмсӧ Енмыс ёнмӧдіс тадзи: висьталысьяс пыр Сійӧ петкӧдліс индысьпасъяс, вӧчис шензьӧданаторъяс да быдпӧлӧс ыджыд уджъяс, Ас кӧсйӧм сертиыс Сійӧ юкліс Вежа Ловсянь сетӧмторъяс.


Видз тэныд сетӧм бурсӧ Вежа Лов отсӧгӧн, коді олӧ сьӧлӧманым.


Энӧ шогӧдӧй Ен Вежа Лолӧс, кодӧн пасйӧма тіянӧс вештысян лун кежлӧ.


Ӧд Енлӧн Юралӧмыс абу сёйӧм да юӧм, тайӧ – Вежа Ловсянь веськыдлун, лӧньлун да нимкодьлун.


А лачаыс миян абу весьшӧрӧ, ӧд Ен сетӧма миянлы Вежа Ловсӧ да Сы пыр кисьтӧма сьӧлӧманым Ассьыс муслунсӧ.


Тӧждысьӧй ас вӧснаныд да став чукӧрыс вӧсна. Ӧд Вежа Лов пуктіс тіянӧс, мед видзны Господь Енлысь вичкосӧ. На вӧсна Сійӧ мынтысис Аслас вирӧн.


Сэки меным тӧд вылӧ уси Господьлӧн шуӧмыс: ”Иоан пыртіс ваӧн, но тіянӧс лоӧ пыртӧма Вежа Лолӧн”.


Но кор лэччас тіян вылӧ Вежа Лов, тіянлы лоӧ сетӧма вын. Сэки понданныд висьтавлыны Ме йылысь Ерусалимын, став Иудеяын, Самарияын да став му пасьталаыс».


Тайӧс шуӧм бӧрын Сійӧ пӧльыштіс налань да шуис: «Сибӧдӧй Вежа Лолӧс.


Пророкъяслӧн гижӧма: ”Енмыс быдӧнӧс велӧдас”. Быдӧн, коді кывзӧ Батьӧс да Сысянь велӧдчӧ, локтӧ Ме дінӧ.


Кор тіянӧс нуӧдасны ёрдӧ, водзвыв энӧ майшасьӧй, мый шуны. Висьталӧй сійӧ, мый лоӧ сетӧма тіянлы сійӧ кадас. Сэки онӧ ті кутӧй сёрнитны, а Вежа Лов.


Кор Ӧсип мӧвпаліс тадзи, Господьлӧн андел петкӧдчис сылы вӧтас да шуис: «Ӧсип, Давид пи, эн пов босьтны Мариятӧ гӧтырӧ. Сьӧлӧм улас сылӧн кагаыс Вежа Ловсянь.


Та йылысь висьталӧ миянлы Вежа Лов:


Сэки велӧдчысьясыс эз на гӧгӧрвоны тайӧс. Но Исуслӧн дзирдлуныс воссьӧм бӧрын налы тӧд выланыс уси, мый тадзи вӧлі гижӧма Сы йылысь, и татшӧм ногӧн найӧ паныдалісны Сійӧс.


Вежа Ловсянь сёрнитігас Давид ачыс шуӧ: – Господь шуис менам Ыджыдлы: ”Пукав Менам веськыдладорын, кытчӧдз ог пукты Тэнад кок улӧ Тэнӧ мустӧмтысьясӧс”.


Кодлӧн эм пель, мед кылӧ, мый Лов висьталӧ вичкояслы. Вермысьлы мӧд кулӧмыс нинӧм оз вӧч».


Кор ті кылінныд збыльсӧ, тіянӧс мездӧм йылысь Бур Юӧрсӧ, ті тшӧтш кутінныд эскыны Кристослы. Сэки Енмыс пасйис тіянӧс кӧсйысьӧм Вежа Лолӧн.


Ми олам сӧстӧма. Миян эм тӧдӧмлун, терпитӧм, бурлун. Миянӧн веськӧдлӧ Вежа Лов да сьӧлӧмсянь муслун.


Ме быдторйын петкӧдлі тіянлы, мый татшӧм ногӧн – уджалӧмӧн да Господь Исуслысь кывъяссӧ тӧд вылын кутӧмӧн – колӧ тӧждысьны вынтӧмъяс вӧсна. Сійӧ Ачыс шуліс: ”Босьтӧм дорысь бурджык сетны”».


Сьӧлӧмтӧдысь Ен сетіс налы миянлы моз Вежа Ловсӧ, тайӧн петкӧдліс, мый Сійӧ сибӧдӧ найӧс.


Асныралысьяс, тіян сьӧлӧмныд оз тӧд Енсӧ да тіян пельныд оз кыв Сійӧс! Асланыд батьяс моз ті век паныд сувтанныд Вежа Ловлы.


Апостолъяскӧд ӧтлаын сёйигӧн Исус шуис: «Ерусалимысь энӧ мунӧй. Виччысьӧй Батьлысь кӧсйысьӧмасӧ, мый йылысь Ме висьтавлі тіянлы.


да сійӧ лунӧдзыс, кор кыпӧдчис енэжӧ. Кыпӧдчытӧдзыс на Сійӧ Вежа Ловсянь сетіс Аслас бӧрйӧм апостолъяслы тшӧктӧмъяс.


Исус висьталіс тайӧс Лов йылысь, кодӧс сибӧдасны Сылы эскысьяс. Налы абу на вӧлі сетӧма Вежа Ловсӧ, ӧд Исуслӧн дзирдлуныс эз на воссьы.


Вежа Лов гулю кодьӧн лэччис Сы вылӧ. Енэжсянь кыліс гӧлӧс шы: «Тэ Менам муса Пиӧй, Ме нимкодяся Тэӧн».


Кагалӧн Закар батьыс тырис Вежа Лолӧн да пондіс пророкавны:


Андел вочавидзис: «Вежа Лов лэччас тэ вылӧ, Медвылыссалӧн выныс вевттяс тэнӧ. Та вӧсна тайӧ чужысьыс вежа, Сійӧс шуасны Ен Пиӧн.


Господь водзын сійӧ лоас ыджыд мортӧн, вина-сур оз кут юны, мам кынӧмас на сійӧ тырас Вежа Лолӧн.


Мунӧй войтыръяс дінӧ, вӧчӧй найӧс Менам велӧдчысьясӧн да пыртӧй найӧс Бать, Пи да Вежа Лов нимӧн.


Но найӧ паныд кыпӧдчисны да шогӧдісны Господьлысь Вежа Ловсӧ, та вӧсна Сійӧ лӧгаліс на вылӧ, тышкасис налы паныд.


Тадзи найӧ ас костаныс эз вермыны воны ӧти кывйӧ. Муналіганыс Павел шуис налы татшӧм кывъяс: «Бура шулӧма Вежа Лов миян батьяслы Исай пророк пыр:


Асияын Вежа Лов эз сет налы висьтавны Енлысь кывсӧ, та вӧсна найӧ мунісны Фригия да Галат муяс пыр


Вежа Лов да ми тшӧтш огӧ кӧсйӧй сьӧктӧдны тіянӧс, тшӧктам вӧчны сӧмын коланасӧ.


Тадзи Варнава да Савл, Вежа Лолӧн мӧдӧдӧмаяс, локтісны Селевкияӧ. Сэсянь кывтісны Кипрӧ.


Вежа Лолӧн тырӧм Степан видзӧдліс енэжӧ. Сійӧ аддзис Енлысь дзирдлунсӧ да Ен веськыдладорын сулалысь Исусӧс.


Петыр шуис сылы: «Ананий, мыйла тэ лэдзин сӧтанаыслы ыджыдавны сьӧлӧмад? Вузалӧм муыдлысь донсӧ дзебӧмнад тэ пӧръялін Вежа Лолӧс.


Сэки Ерусалимын вӧлі Симеон нима вежавидзысь морт. Сійӧ оліс веськыда да виччысис Израильӧс мездӧм. Вежа Лов вӧлі сы вылын.


Исус Кристос чужис тадзи. Исуслӧн Мария мамыс вӧлі кикутӧма Ӧсипкӧд. Налӧн ӧтлаасьтӧдз на Мария, вӧлӧмкӧ, сьӧктӧма Вежа Ловсянь.


Ме эг тӧдлы Сійӧс, но ваӧн пыртны менӧ Мӧдӧдысь шуис меным: ”Кор Тэ аддзан, мый код вылӧ кӧ лэччас Лов да кольччас Сы вылӧ, буретш Сійӧ кутас пыртны Вежа Лолӧн”.


Тайӧс висьталі тіянлы, кор Ме тані тіянкӧд на.


Swiv nou:

Piblisite


Piblisite