Иоан 14:19 - Коми Библия 2023

¹⁹ Регыд муюгыдыс оз нин аддзы Менӧ, а ті кутанныд аддзыны Менӧ. Ме ола, та вӧсна ті тшӧтш кутанныд овны.

Иоан 14:19 Referans Kwoze

Иоан 16:16

«Регыд ті онӧ аддзӧй Менӧ, сэсся регыд бара аддзанныд Менӧ, ӧд Ме муна Бать дінӧ».

Еврейяслы 7:25

Та вӧсна Сійӧ дзикӧдз вермӧ мездыны найӧс, кодъяс Сы пыр локтӧны Ен дінӧ. Сійӧ помтӧг олӧ, медым кевмысьны на вӧсна.

Иоан 7:33

Исус шуис налы: «Ме ог нин дыр ло тіянкӧд, регыд муна Менӧ Мӧдӧдысь дінӧ.

Иоан 11:25

Исус шуис: «Ме эм Ловзьӧдысьыс да Олӧмыс. Меным эскысь весиг кулӧм бӧрас кутас овны.

1 Коринфӧ 15:45

Гижӧдыс висьталӧ: «Медводдза мортыс, Адам, лоис ловъя олысьӧн», а мӧд Адамыс лоис олӧм сетысь Лолӧн.

Иоан 16:22

Ӧні ті тшӧтш шогсянныд, но Ме бара аддзыся тіянкӧд. Сэки тіян сьӧлӧмныд тырас нимкодьлунӧн, и тіянлысь нимкодьлунтӧ некод оз мырддьы.

Римӧ 8:34

Коді вермас мыждыны найӧс? Сӧмын Исус Кристос. Но Сійӧ куліс, ловзис да ӧні Ен веськыдладорын кевмысьӧ миян вӧсна.

Римӧ 5:10

Ми кӧ, Енмыслы коркӧя паныд сувтысьяс, бурасим Сыкӧд Пиыслӧн кулӧм пыр, дерт нин, ӧні ми, бурасьӧмаяс, мездмам Кристослӧн олӧм пыр.

1 Коринфӧ 15:20

Но Кристос ловзис кулӧмысь, Сійӧ медводдзаӧн ловзис кулӧмаяс пӧвстысь.

Иоан 14:6

Исус шуис сылы: «Ме эм туйыс, збыльыс да олӧмыс. Бать дінӧ позьӧ локны сӧмын Ме пыр, мӧд туйыс абу.

Иоан 13:33

Челядь, Меным этша нин колис овны тіянкӧд, сэсся кутанныд корсьны Менӧ. Ӧні висьтала тіянлы сійӧ, мый коркӧ висьтавлі иудейяслы: кытчӧ Ме муна, сэтчӧ ті онӧ вермӧй локнысӧ.

Иоан 12:35

Сэки Исус шуис налы: «Этшаник кад югыдыс лоас на тіянкӧд. Сідзкӧ, ветлӧй югыдыс дырйи, медым пемыдыс эз пӧдты тіянӧс. Пемыдас ветлысь оз тӧд, кытчӧ мунӧ.

Иоан 8:21

Исус бара висьталіс йӧзыслы: «Ме регыд муна. Ті кутанныд корсьны Менӧ, но мыж пытшканыд куланныд. Кытчӧ Ме муна, сэтчӧ ті онӧ вермӧй локнысӧ».

Иоан 6:40

Менӧ Мӧдӧдысьӧй кӧсйӧ, медым быдӧнлы, коді аддзӧ Писӧ да эскӧ Сылы, вичмис помтӧм олӧм. Медбӧръя лунӧ Ме ловзьӧда найӧс».

Ап. уджъяс 10:41

но эз став йӧзыслы, а миянлы, кодъясӧс Енмыс водзысяньыс бӧрйис висьтавны та йылысь. Сійӧ тшӧктіс миянлы, кодъяс ӧтлаын сёйим-юим Сыкӧд ловзьӧм бӧрас,

Восьтӧм 20:4

Сэсся ме аддзи юралан пуклӧсъяс. Сэні пукалысьяслы вӧлі сетӧма мыждан вын. Ме аддзи ловъяссӧ налысь, кодъяслысь юрсӧ керыштісны Исус йылысь висьталӧм вӧсна да Ен кыв вӧсна. Найӧ эз копыртчывны зверлы да сылӧн серпаслы, эз сибӧдны зверлысь пассӧ плешканыс да кианыс. Найӧ ловзисны да юралісны Кристоскӧд сюрс во чӧж.