Иоан 12:36 - Коми Библия 2023

³⁶ Кытчӧдз югыдыс тіянкӧд, эскӧй югыдыслы. Сэки лоанныд югыдыслӧн ныв-пиӧн». Тайӧс висьталӧм бӧрын Исус ылыстчис на дінысь да саяліс.

Иоан 12:36 Referans Kwoze

Ефесӧ 5:8

Коркӧ ті вӧлінныд пемыдӧн, ӧні ті Господь пытшкынӧсь да лоинныд югыднас. Сідзкӧ, олӧй югыдыслӧн ныв-пи моз.

1 Фессалоникаӧ 5:5

ӧд ті – луныслӧн да югыдыслӧн ныв-пи. Ми абу пемыдыслӧн, абу войыслӧн ныв-пи.

Иоан 8:59

Сэки найӧ босьтісны изъяс да кӧсйисны лыйлыны Исусӧс, но Исус саймовтчӧмӧн петіс крамсьыс да муніс сэтысь.

Лука 16:8

Ыджыдыс ошкыштас пӧръялысь овмӧс нуӧдысьӧс сылӧн сюсьлунысь. Тайӧ муюгыдса пияныс ас костаныс сюсьджыкӧсь югыдыслӧн пиян дорысь.

Иоан 11:54

Та вӧсна Исус эз нин ветлы восьсӧн Иудея муӧд. Сійӧ муніс сэтысь овтӧминлань Ефраим карӧ да кольччис сэтчӧ велӧдчысьясыскӧд.

Иоан 1:7

Сійӧ локтіс висьтавны Югыдыс йылысь, медым быдӧн эскис Югыдыслы.

Исай 60:1

Чеччы, югъяв, Ерусалим, ӧд тэнад югыдыд ӧзйис, тэ весьтын Господьлӧн дзирдлуныс тыдовтчис.

1 Фессалоникаӧ 5:8

А ми – луныслӧн ныв-пи. Сідзкӧ, кутам овны садь вежӧрӧн. Пасьталам ас выланым муслуныслысь да эскӧмыслысь кӧрт кышӧдсӧ, а юртупкӧд пыдди босьтам мездмӧм вылӧ лачасӧ.

Иоан 3:21

Збыль серти олысь локтӧ югыдас, медым тыдовтчисны сылӧн Енсянь уджъясыс».

Матвей 21:17

Сэсся Исус эновтіс найӧс, петіс карсьыс да муніс вой кежлас Вифания сиктӧ.

Матвей 5:14

Ті – йӧзыслы югыдыс. Керӧсын сулалысь кар оз вермы саявны.

Иоан 8:12

Исус бара сёрнитіс йӧзыскӧд. Сійӧ шуис: «Ме эм йӧзыслы югыдыс. Ме бӧрся мунысь оз кут ветлыны пемыдас, сылӧн лоӧ олӧмыслӧн югыдыс».

Иоан 12:37

Сы мында шензьӧданатор Исус вӧчис йӧзыс водзын, но найӧ эз эскыны Сылы.

Иоан 12:46

Ме эм югыдыс. Ме локті му вылӧ, медым Меным эскысь эз коль пемыдас.