Иоан 11:54 - Коми Библия 2023

⁵⁴ Та вӧсна Исус эз нин ветлы восьсӧн Иудея муӧд. Сійӧ муніс сэтысь овтӧминлань Ефраим карӧ да кольччис сэтчӧ велӧдчысьясыскӧд.

Иоан 11:54 Referans Kwoze

Иоан 7:1

Та бӧрти Исус ветлӧдліс Галилеяті. Иудея муӧд Сійӧ эз кӧсйы ветлӧдлыны, ӧд иудейяслӧн веськӧдлысьяс кӧсйисны вины Сійӧс.

Иоан 7:4

Мортыс кӧ кӧсйӧ, медым тӧдісны сы йылысь, сійӧ оз кут дзебны ассьыс уджъяссӧ. Тэ сы ыджда уджъяс вӧчан, сідзкӧ, петкӧдчы йӧзыслы».

2 Каднебӧг 13:19

Авий вӧтчис Еровам бӧрся да босьтіс сылысь Вефиль, Ешана да Ефрон каръяс да нагӧгӧрса сиктъяс.

Иоан 18:20

Исус вочавидзис: «Ме ставсӧ висьтавлі восьсӧн. Ме велӧді иудейясӧс синагогаясын да крамын, кӧні найӧ пыр чукӧртчывлӧны. Ме нинӧм эг висьтавлы гусьӧн.

Иоан 10:40

Исус бара вуджис Йӧрдан ю мӧдлапӧлӧ, кӧні Иоан пыртліс йӧзсӧ, да кольччис сэтчӧ.

Иоан 7:13

Но йӧзыс сёрнитісны Исус йылысь гусьӧн, ӧд найӧ полісны иудейяслӧн веськӧдлысьясысь.

Иоан 7:10

Но кор вокъясыс мунісны гажӧдчанінӧ, Исус тшӧтш муніс сэтчӧ гусьӧн.

Ӧксыяслӧн 2 небӧг 13:23

Кык во мысти Ваал-Хацор карын Ефрем му дорын шырисны Авессаломлысь ыжъяссӧ. Авессалом лӧсьӧдіс гаж да корис сэтчӧ ӧксылысь став пиянсӧ.