Иоан 11:19 - Коми Библия 2023

¹⁹ Уна иудей вӧлі локтӧмаӧсь Марпа да Марья ордӧ, медым пальӧдны кулӧм вок вӧснаыс налысь шогсӧ.

Иоан 11:19 Referans Kwoze

Иов 2:11

Иовлӧн куим ёрт – Теманысь Элифаз, Шуахысь Вилдад да Наамаысь Софар – кывлісны сылӧн ыджыд шог йылысь. Найӧ мӧдӧдчисны быдӧн аслас оланінысь, медым паныдасьны да ӧтлаын мунны Иов дінӧ, юкны сыкӧд шогсӧ да бурӧдны сійӧс.

Иоан 11:31

Иудейяс, кодъяс вӧліны Марьякӧд керкаын да пальӧдісны сылысь шогсӧ, аддзисны Марьялысь тэрмасьӧмӧн мӧдӧдчӧмсӧ да петісны сы бӧрся. Найӧ чайтісны, мый сійӧ мунӧ дзебанінӧ бӧрдны.

1 Фессалоникаӧ 5:11

Сідзкӧ, ӧнія моз водзӧ ышӧдӧй да ёнмӧдӧй ӧта-мӧднытӧ.

1 Фессалоникаӧ 4:18

Сідзкӧ, ышӧдӧй ӧта-мӧднытӧ тайӧ кывъяснас.

2 Коринфӧ 1:4

Сійӧ бурӧдӧ миянӧс быд шог дырйи, медым ми тшӧтш вермим бурӧдны шогӧ усьӧмаясӧс Енсянь бурӧдӧмӧн.

Римӧ 12:15

Нимкодясьысьяскӧд нимкодясьӧй, бӧрдысьяскӧд бӧрдӧй.

Бӧрданкыв 2:13

Мый меным шуны тэныд, Ерусалим нылӧй, мыйӧн ӧткодявны тэнӧ? Кодкӧд ӧткодявны тэнӧ, Сион нылӧй, медым бурӧдны тэнӧ? Тэнад дойыд саридз кодь ыджыд – коді вермас бурдӧдны тэнӧ?

Бӧрданкыв 1:21

Йӧзыс кылӧны менсьым ойзӧмӧс, но бурӧдысьыс абу. Вӧрӧг кыліс менам сьӧкыдалӧм йылысь, сійӧ нимкодясьӧ, мый Тэ тайӧс вӧчин. Мед суас найӧс Тэӧн индӧм луныс, мед лоас накӧд, кыдзи лои мекӧд.

Бӧрданкыв 1:16

Та вӧсна ме бӧрда, синваӧй шорӧн визувтӧ. Ылын меысь бурӧдысьӧй, коді эськӧ ловзьӧдіс менӧ. Челядьӧс пасьвартӧма, ӧд вӧрӧг вӧлі вынаджык.

Бӧрданкыв 1:9

Бӧждорыс сылӧн няйтчӧма пежнас. Сійӧ эз мӧвпав, мый виччысьӧ сійӧс. Сійӧ дзикӧдз усис, но сійӧс бурӧдысьыс эз вӧв. «Господьӧй, видзӧдлы менам шогсьӧм вылӧ, ӧд вӧрӧг асьсӧ вылӧ кыпӧдӧ».

Бӧрданкыв 1:2

Войнас сійӧ ырзӧмӧн бӧрдӧ, синваыс чужӧмбанӧдыс тюрӧ. Сійӧс бурӧдысьыс абу, весиг на пӧвстын, кодъяслы сійӧ вӧлі муса. Ёртъясыс пӧрйӧдлісны сійӧс, кутісны мустӧмтны.

Иов 42:11

Иов дінӧ локтісны сылӧн чой-вокыс да важ тӧдсаясыс. Найӧ ӧтлаын сёйисны-юисны Иов ордын, бурӧдісны-ышӧдісны сійӧс став сьӧкыд нуӧмсьыс, мый сылы вӧлі ыстӧма Господь. Быдӧн козьналіс Иовлы зарни чунькытш да эзысь.

Ӧксыяслӧн 2 небӧг 10:2

Давид шуис: «Ме бурсьӧлӧмтча Ханун дінӧ, ӧд сылӧн Нахаш батьыс вӧлі бур сьӧлӧма ме дінӧ». Давид мӧдӧдіс кесйӧгъяссӧ, медым Ханункӧд тшӧтш юкны шогсӧ сылӧн батьыс вӧсна. Кор Давидлӧн кесйӧгъяс локтісны аммон войтырлӧн муӧ,

Олӧм 37:35

Ныв-пиыс чукӧртчисны бурӧдны сійӧс, но сійӧ эз сибӧд бурӧдӧмсӧ, а шуис: «Шог сьӧлӧмӧн ме вуджа кулӧмаяслӧн оланінӧ пиӧй дінӧ». Тадзи бӧрдіс батьыс Ӧсип вӧсна.

Исай 51:19

Кыкпӧвста шог суис тэнӧ: куштӧм да бырӧдӧм, тшыгъялӧм да шыпурт. Коді жалитас тэнӧ? Коді бурӧдас тэнӧ?

Еклесиаст 7:2

Гажӧдчанінӧ мунӧм дорысь бурджык мунны сэтчӧ, кӧні кулӧма вӧсна бӧрдӧны, ӧд сэні ловъя мортыс гӧгӧрвоӧ, мый виччысьӧ быдӧнӧс.

Ӧксыяслӧн 1 небӧг 31:13

Налысь лыяссӧ гуалісны тамариск пу улӧ. Та бӧрын сизим лун чӧж видзалісны.

1 Каднебӧг 10:12

сэки став збой йӧзыс петісны туйӧ. Найӧ босьтісны Сауллысь да пияныслысь шойяссӧ да вайисны Явис карӧ. Налысь лыяссӧ гуалісны тупу улӧ. Та бӧрын сизим лун чӧж видзалісны.

Лука 10:39

Марпалӧн вӧлі Марья нима чой. Сійӧ пуксис Господь Исуслӧн кок дорӧ да кутіс кывзыны Сылысь висьталӧмсӧ.

Лука 10:42

а коланаыс сӧмын ӧтитор. Марья бӧрйис бурджыксӧ, и тайӧс сылысь оз мырддьыны».

Иоан 1:19

Иудейяслӧн веськӧдлысьяс мӧдӧдісны Ерусалимысь попъясӧс да левитъясӧс юавны Иоанлысь, коді сійӧ.

Иоан 11:1

Вифания сиктын оліс Лазар нима морт, сійӧ висис. Сэні олісны тшӧтш Лазарлӧн Марья да Марпа чойясыс.

Иоан 11:8

Велӧдчысьясыс воча шуисны: «Велӧдысь, Иудея муын сӧмын на кӧсйисны вины Тэнӧ изъясӧн, а Тэ бара нин мунан сэтчӧ?»

Иоан 11:33

Марьялысь да сыкӧд локтӧм иудейяслысь бӧрдӧмсӧ аддзӧмысь Исуслӧн сьӧлӧмыс нормис. Сійӧ сьӧкыда ышловзис

Иоан 11:36

Сэки иудейяс ас костаныс сёрнитісны: «Видзӧдлӧй, кутшӧм муса Сылы вӧлӧма Лазарыс».

Иоан 11:45

Унаӧн иудейясысь, кодъяс волісны Марья дінӧ да аддзылісны, мый Исус вӧчис, пондісны эскыны Исуслы.