31 Сэки иудейяс босьтісны изъяс, медым лыйлыны Исусӧс.
Сэки найӧ босьтісны изъяс да кӧсйисны лыйлыны Исусӧс, но Исус саймовтчӧмӧн петіс крамсьыс да муніс сэтысь.
Сэки иудейяслӧн веськӧдлысьяс ёнджыка на кӧсйисны вины Исусӧс, ӧд Сійӧ торкис шойччан лунсӧ да шуис Енсӧ Аслас Батьӧн. Тадзи ӧткодяліс Асьсӧ Енкӧд.
Велӧдчысьясыс воча шуисны: «Велӧдысь, Иудея муын сӧмын на кӧсйисны вины Тэнӧ изъясӧн, а Тэ бара нин мунан сэтчӧ?»
Став йӧзыс ёна шогсисны, быдӧн шогсис аслас ныв-пиыс вӧсна. Найӧ весиг кӧсйисны изъявны Давидӧс, та вӧсна сылы вӧлі вывті сьӧкыд.
Мӧисей шыасис Господь дінӧ: «Мый меным вӧчны тайӧ войтырыскӧд? Регыд менӧ изъяласны».
Эз вӧв пророк, кодӧс эськӧ эз вӧтлыны тіян батьяс. Найӧ виисны пророкъясӧс, кодъяс висьталісны Веськыда Олысьлӧн локтӧм йылысь. Тайӧ Веськыда Олысьсӧ ті вузалінныд да виинныд.
Тадзи тіянӧс мыждасны став веськыда олысьыслӧн вирысь: веськыда олысь Авель вирсянь да Варакейлӧн Закар пи вирӧдз, кодӧс ті виинныд крам да висьпуктанін костын.
Виноград быдтысьяс кутасны кесйӧгъяссӧ: ӧтиӧс нӧйтасны, мӧдӧс виасны, мукӧдсӧ изъяласны.
Сэки фарисейяс петісны да пондісны сёрнитны Исусӧс виӧм йылысь.
Иудейяслӧн веськӧдлысьяс мӧдӧдісны Ерусалимысь попъясӧс да левитъясӧс юавны Иоанлысь, коді сійӧ.
Сэки иудейяс кытшалісны Исусӧс да шуисны: «Тэ дыр на кутан миянӧс бӧбйӧдлыны? Тэ кӧ Кристос, веськыда висьтав миянлы».
Сійӧ шуис налы: «Батьлӧн тшӧктӧм серти Ме уна бур удж вӧчи тіян пӧвстын. Кутшӧм уджысь нӧ кӧсъянныд изъявны Менӧ?»
