Иоан 10:10 - Коми Библия 2023

¹⁰ Гусясьысь локтӧ сӧмын гусявны, вины да бырӧдны. А Ме локті сетны олӧм, тырвыйӧ олӧм.

Иоан 10:10 Referans Kwoze

Лука 19:10

Морт Пи локтіс корсьны да мездыны вошӧмаӧс».

Иоан 6:51

Ме эм енэжсянь лэччӧм ловъя нянь. Тайӧ няньсӧ сёйысь помтӧг олӧ. Няньыс, кодӧс Ме сета, – тайӧ Менам яй. Ме сета сійӧс йӧзыслӧн олӧм вӧсна».

Иоан 12:47

Менсьым кывъясӧс кылысь кӧ оз эскы, Ме сійӧс ог мыжды. Ме ӧд локті муюгыдсӧ мездыны, а эг мыждыны.

Иоан 6:33

Енлӧн няньыс лэччӧ енэжсянь да сетӧ йӧзыслы олӧм».

Иоан 3:17

Енмыс мӧдӧдіс Ассьыс Писӧ муюгыдас мездыны йӧзсӧ, а эз мыждыны.

1 Тимофейлы 1:15

Мый ӧні висьтала тіянлы – тайӧ эскана да шогмӧ сибӧдны сьӧлӧманыд: Исус Кристос локтіс муюгыдас, медым мездыны мыжаясӧс, и на пиысь ме медся мыжаыс.

Иоан 10:1

«Веськыда, веськыда висьтала тіянлы: коді пырӧ ыж йӧрӧ оз ӧдзӧсӧд, а мӧдлаті, сійӧ – гусясьысь да лёк вӧчысь.

Матвей 20:28

Ӧд Морт Пи эз лок, медым Сылы кесъялісны. Сійӧ локтіс кесъявны да сетны Ассьыс олӧмсӧ уна вӧсна вештысьӧм могысь».

Еврейяслы 7:25

Та вӧсна Сійӧ дзикӧдз вермӧ мездыны найӧс, кодъяс Сы пыр локтӧны Ен дінӧ. Сійӧ помтӧг олӧ, медым кевмысьны на вӧсна.

Исай 56:11

Найӧ горш понъяс, некор оз пӧтлыны. Найӧ мывкыдтӧм ыж видзысьяс, быдӧн мунӧ аслас туйӧд, быдӧн корсьӧ мыйкӧ аслыс курыштны.

2 Петыр 1:11

Сэки ті восьса ӧдзӧсӧд верманныд пырны миян Мездысь Господь Исус Кристослӧн помтӧм Юраланінӧ.

Еврейяслы 6:17

Та вӧсна Ассьыс кӧсйысьӧмсӧ Енмыс вынсьӧдіс кыв сетӧмӧн, медым Сысянь кӧсйысьӧмсӧ босьтысьяслы бурджыка петкӧдлыны, мый Сылӧн мӧвпъясыс вежсьывлытӧмӧсь.

Матвей 23:13

«Курыд шог тіянлы, Индӧдӧ велӧдысьяс да фарисейяс! Кык бана шаньгаяс! Ті Енэжвыв Юраланінысь ӧдзӧссӧ йӧз водзын пӧдлаланныд. Асьныд онӧ пырӧй да пырны кӧсйысьясӧс онӧ лэдзӧй.

Римӧ 2:21

Мӧдӧс велӧдан, а асьтӧ он велӧд?

Осий 7:1

Кор Ме бурдӧда Израильӧс, тыдовтчас Ефремлӧн мыжыс, мыччысясны Самариялӧн лёк уджъясыс, ӧд йӧзыс пӧръясьӧны, гусясьысьяс керкаяс куштӧны, туйяс вылын мырддялӧны.

Матвей 18:10

«Кывзӧй, тайӧ ичӧтъясысь весиг ӧтикӧс энӧ ӧтдортӧй. Висьтала тіянлы: енэжын налӧн анделъясныс век енэжвыв Батьлӧн чужӧмбан водзынӧсь.

Марк 11:17

Сійӧ велӧдіс найӧс шуалӧмӧн: «Абу-ӧ гижӧма, мый Менам керкаӧй кутас шусьыны став войтыръяслӧн кевмысян керкаӧн? А ті сыысь лёк вӧчысьяслы дзебсянін вӧчинныд».

Иоан 12:6

Дерт, Иуда эз тӧждысь гӧльяс вӧсна. Сійӧ шуис тадзи, ачыс вӧлі гусясьысь да. Сы ордын вӧлі ӧтувъя сьӧм кудйыс, кытысь сійӧ босьтлывліс аслыс.

Матвей 21:13

Сійӧ шуис налы: «Гижӧма: ”Менам керкаӧй кутас шусьыны став войтыръяслӧн кевмысян керкаӧн”. А ті сыысь лёк вӧчысьяслы дзебсянін вӧчинныд».

Иоан 5:40

Но ті онӧ кӧсйӧй локны Ме дінӧ, медым тіянлы вичмис олӧм.

Иоан 10:11

Ме эм ыжъяслы бур видзысь. Бур видзысь сетӧ ассьыс олӧмсӧ ыжъясыс вӧсна.

Матвей 18:11

Морт Пи локтіс корсьны да мездыны вошӧмаясӧс.