Иоан 1:45 - Коми Библия 2023

⁴⁵ Филип аддзис Нафанаилӧс да шуис сылы: «Ми аддзим Сійӧс, код йылысь вӧлі висьталӧма Мӧисей Индӧдын да пророк гижӧдъясын. Тайӧ Назаретысь Исус, Ӧсиплӧн пи».

Иоан 1:45 Referans Kwoze

Лука 24:27

Мӧисей да пророк небӧгъяссянь Исус пондіс гӧгӧрвоӧдны налы став Гижӧдсьыс Ас йывсьыс шуӧмсӧ.

Микей 5:2

Виплием-Епрафа, тэ Иуда рӧдысь медічӧтыс! Но Виплием карысь петас Меным Сійӧ, коді лоӧ Израильын Юралысьӧн. Сылӧн петӧм-чужӧмыс важысянь на, нэмъяс пуксьытӧдз.

Матвей 2:23

Сэтчӧ воӧм бӧрын найӧ овмӧдчисны Назарет карӧ. Тадзи иніс пророкъяс пыр шуӧмыс, мый Сійӧс шуасны Назаретсаӧн.

Лука 24:44

Сэсся Исус шуис налы: «Кор на Ме вӧлі тіянкӧд, Ме висьтавлі, мый инас ставыс, мый гижӧма Ме йылысь Мӧисей Индӧдын, пророк гижӧдъясын да псаломъясын».

Исай 7:14

Но Господь Ачыс петкӧдлас тіянлы пас: со, ныв сьӧктас, сэсся пи чужтас, Эммануил ним Сылы пуктас.

Лука 4:22

Ставӧн ошкисны Исусӧс да шензисны Сы вомысь петӧм буралан кывъясысь да шуалісны: «Абу-ӧ Сійӧ Ӧсиплӧн пи?»

Закар 9:9

Долыда нимкодясь, Сион ныв, кыпыда гажӧдчы, Ерусалим ныв! Видзӧд, Ӧксыыд локтӧ тэ дінӧ! Сійӧ веськыда вӧчысь да вына мездысь, Сійӧ рам сьӧлӧма, локтӧ осёл вылын, пукалӧ осёл чань вылын.

Исай 9:6

Ӧд миянлы чужис кага, миянлы сетӧма пи. Ыджыдалӧмсӧ пуктӧма Сылы пельпом вылас. Сылы сетӧма ним: Шензьӧдана Туйдӧдысь, Вына Ен, Пыр олысь Бать, Лӧньлунсӧ вайысь Ӧксы.

Закар 6:12

Шу сылы, мый Господь Саваоф тадзи висьталӧ: Выль Вож нима морт петас тайӧ муысь да лэптас Господьлысь крамсӧ.

Исай 53:2

Веж петас моз Сійӧ быдмис Господь водзын, быдмис кос муысь чепӧсйӧм турун моз. Сылӧн эз вӧв мичлун ни тӧдчанлун, медым ми видзӧдім Сы вылӧ. Чужӧм-мыгӧрнас Сійӧ эз вӧв сэтшӧм морт, коді эськӧ кыскис миянӧс Ас дінас.

Иоан 18:7

Исус бара юаліс: «Кодӧс ті корсянныд?» Найӧ вочавидзисны: «Назаретса Исусӧс».

Исай 4:2

Сійӧ лунӧ Господьлӧн петасыс петкӧдчас став аслас мичлуннас да дзирдлуннас. Мулӧн вотӧсыс лоӧ ошйысянторйӧн да мичмӧданторйӧн Израильлӧн коляс войтырлы.

Олӧм 22:18

Сыысь, мый тэ кывзысин Менсьым, тэсянь чужысьяс пыр вуджас бурсиӧмыс быд войтырлы».

Марк 6:3

Сійӧ ӧд тшупсьысь! Абу-ӧ Сійӧ Мариялӧн пиыс, абу-ӧ Яковлӧн, Иосейлӧн, Иудалӧн да Симонлӧн вокыс? Оз-ӧ тані овны Сылӧн чойясыс?» Тадзи Сійӧс ӧтдортісны.

Матвей 21:11

Йӧзыс шуалісны: «Тайӧ Исус, галилеяса Назарет карысь Пророк».

Олӧм 49:10

Иуда киын пыр лоӧ юралан беддьыс, сылӧн кок бердын – ыджыдалан беддьыс, кытчӧдз оз лок Бурӧдысь, кодлысь кывзысьӧны войтыръяс.

Олӧм 3:15

Тэ да ань костӧ, тэсянь чужысь да аньсянь чужысь костӧ пукта лӧгалӧм: сійӧ пасьвартас юртӧ, а тэ сылы коклябӧрас чушкан».

Ап. уджъяс 22:8

Ме юалі: ”Коді Тэ, Господьӧй?” Сійӧ шуис меным: ”Ме – Назаретса Исус, кодӧс тэ вӧтлан”.

Ап. уджъяс 10:38

Ен мавтыштіс Назаретса Исусӧс Вежа Лолӧн да вынӧн. Исус быдлаті ветлӧдліс, уна бур вӧчис йӧзыслы, бурдӧдаліс да мездіс йӧзсӧ омӧльыслӧн киысь. Енмыс вӧлі Сыкӧд.

Иоан 21:2

Симон-Петыр, Двӧйнипӧв Фома, Канаысь, галилеяса карысь, Нафанаил, Зеведейлӧн пияныс да нӧшта кык велӧдчысь вӧліны ӧтлаынӧсь.

Лука 2:4

Ӧсип вӧлі Давид чужанвужйысь. Та вӧсна аслас Мария гӧтырпукӧд, коді вӧлі нӧбасьӧ, сійӧ муніс гижасьнысӧ Назаретысь, галилеяса карысь, Иудея муӧ, Виплием нима Давид карӧ.

Марк 14:67

Сійӧ аддзис би дорын шонтысьысь Петырӧс да сы вылӧ видзӧдлӧмӧн шуис: «Тэ тшӧтш Назаретса Исускӧд вӧлін».

Матвей 13:55

Сійӧ ӧд тшупсьысьлӧн пи! Мамыс – Мария, а вокъясыс – Яков, Иосей, Симон да Иуда.

Ап. уджъяс 26:9

Ме ачым быд ногыс паныд сувтлі Назаретса Исус нимлы. Чайті, тадзи колӧ вӧлі.

Ап. уджъяс 3:6

Петыр шуис: «Эзысь-зарни менам абу, но мый эм, сета тэныд. Назаретса Исус Кристос нимӧн чеччы да ветлӧдлы».

Ап. уджъяс 2:22

Израиль войтыр, кывзӧй! Назаретса Исусӧс сувтӧдіс тіянлы Ачыс Енмыс. Сійӧ петкӧдліс тайӧс тіянлы шензьӧданаторъясӧн да индысьпасъясӧн, кодъясӧс вӧчис тіян пӧвстын Исус пыр. Тайӧс ті асьныд тӧданныд.

Иоан 19:19

Пӧвтор вылӧ Пилат тшӧктіс гижны: «Назаретса Исус, иудейяслӧн Ӧксы». Гижӧдсӧ ӧшӧдісны крест вылас.

Иоан 18:5

Сылы вочавидзисны: «Назаретса Исусӧс». Исус шуис: «Тайӧ Ме». Накӧд орччӧн сулаліс тшӧтш Иуда, Исусӧс вузалысь.

Иоан 6:42

Найӧ сёрнитісны: «Абу-ӧ тайӧ Исус, Ӧсиплӧн пи? Ми ӧд тӧдам Сылысь бать-мамсӧ. Мыйла нӧ Сійӧ шуӧ, Ме пӧ лэччи енэжсянь?»

Лука 3:23

Комын арӧссянь Исус пондіс кесъявны. Йӧзыс лыддисны Сійӧс Ӧсиплӧн пиӧн. Ӧсип вӧлі Илийлӧн пи,

Матвей 10:3

Филип, Варфоломей, Фома, вот перйысь Матвей, Алфей Яков, Леввей – мӧд нимыс Фаддей,

Лука 2:48

Исусӧс аддзӧм бӧрын бать-мамыс чуймисны. Мамыс шуис Сылы: «Пиӧй, мыйла нӧ Тэ тадзи вӧчин? Ми батьыдкӧд сьӧлӧм потмӧн корсим Тэнӧ».

Иоан 1:44

Ӧндрей да Петыр моз Филип вӧлі Випсаида карысь.

Иоан 6:5

Исус видзӧдліс да аддзис, мый Сы дінӧ локтӧ уна йӧз. Сійӧ шуис Филиплы: «Кытысь миянлы ньӧбны найӧс вердмӧн няньсӧ?»

Иоан 6:7

Филип вочавидзис: «Кыксё динар вылӧ ньӧбӧм няньыс этша лоӧ, весиг ичӧтиктор оз вичмы быдӧнлы».

Иоан 12:21

Найӧ матыстчисны Филип дінӧ, коді вӧлі Випсаидаысь, галилеяса карысь, да шыасисны: «Ыджыдӧй, ми кӧсъям аддзывны Исусӧс».

Иоан 14:8

Филип шуис Сылы: «Господьӧй, петкӧдлы миянлы Батьтӧ. Унджыксӧ ми огӧ кӧсйӧй».

Лука 18:37

Сылы висьталісны, Назаретса Исус пӧ локтӧ.