Иоан 1:15 - Коми Библия 2023

¹⁵ Иоан гораа юӧртліс Сы йылысь: «Тайӧ дзик сійӧ Мортыс, код йылысь ме висьтавлі, мый ме бӧрся Локтысьыс меысь ыджыдджык, ӧд Сійӧ меысь водзджык вӧлӧма».

Иоан 1:15 Referans Kwoze

Матвей 3:11

Ме пырта тіянӧс ваӧн. Тайӧ петкӧдлас мыжъяссьыныд бергӧдчӧмнытӧ. Ме бӧрын Локтысьыс ме дорысь вынаджык, ме ог шогмы пӧрччӧдны Сылысь кӧмсӧ. Сійӧ пыртас тіянӧс Вежа Лолӧн да биӧн.

Колосӧ 1:17

Сійӧ ставсьыс Медводдзаыс, Сы вылын кутчысьӧ ставыс.

Иоан 17:5

Батьӧй, ӧні сет Меным сійӧ жӧ дзирдлунсӧ, кутшӧм вӧлі Менам дзирдлунӧй му пуксьытӧдзыс на, кор Ме вӧлі Тэкӧд.

Лука 3:16

Иоан шуис налы: «Ме пырта тіянӧс ваӧн, но локтӧ меысь вынаджык, ме ог шогмы разьны Сылысь кӧмкот кӧвсӧ. Сійӧ пыртас тіянӧс Вежа Лолӧн да биӧн.

Микей 5:2

Виплием-Епрафа, тэ Иуда рӧдысь медічӧтыс! Но Виплием карысь петас Меным Сійӧ, коді лоӧ Израильын Юралысьӧн. Сылӧн петӧм-чужӧмыс важысянь на, нэмъяс пуксьытӧдз.

Иоан 8:58

Исус шуис налы: «Веськыда, веськыда висьтала тіянлы: Ӧвраам чужтӧдз на Ме вӧлі».

Восьтӧм 2:8

«Смирна вичкоса анделлы тадзи гиж: Со мый висьталӧ тіянлы Медводдзаыс и Медбӧръяыс, коді вӧлі кулӧма, но ӧні ловъя.

Еврейяслы 13:8

Исус Кристос тӧрыт, талун да нэмъяс чӧж Сійӧ жӧ.

Иоан 1:27

Сійӧ ме бӧрын локтӧ, но Сійӧ меысь водзджык нин вӧлӧма. Ме ог шогмы разьны Сылысь кӧмкот кӧвсӧ».

Марк 1:7

Сійӧ юӧртіс: «Ме бӧрын локтӧ меысь вынаджык, ме ог шогмы копыртчыны да разьны Сылысь кӧмкот кӧвсӧ.

Восьтӧм 1:11

Сійӧ, мый аддзан, гиж да мӧдӧд асияса вичкоясӧ: Ефесӧ, Смирнаӧ, Пергамӧ, Фиатираӧ, Сардисӧ, Филадельфияӧ да Лаодикияӧ».

Исай 9:6

Ӧд миянлы чужис кага, миянлы сетӧма пи. Ыджыдалӧмсӧ пуктӧма Сылы пельпом вылас. Сылы сетӧма ним: Шензьӧдана Туйдӧдысь, Вына Ен, Пыр олысь Бать, Лӧньлунсӧ вайысь Ӧксы.

Шусьӧгъяс 8:22

Ме вӧлі Господькӧд, кор Сійӧ паніс уджсӧ, кор Сылӧн вӧчӧмторъясыс эз на вӧвны.