Индӧд 9:5 - Коми Библия 2023

⁵ Ті мунанныд босьтны налысь мусӧ онӧ асланыд веськыдлун вӧсна да сӧстӧм сьӧлӧмныд вӧсна, но Господь, тіян Енныд, вӧтлӧ найӧс тіян водзысь налӧн пеж олӧм вӧсна. Тадзи Господь збыльмӧдӧ Ӧвраамлы, Исааклы да Яковлы, тіян батьяслы, сетӧм кывсӧ.

Индӧд 9:5 Referans Kwoze

Титлы 3:5

Сійӧ мездіс миянӧс. Мездіс эз веськыд уджъясным серти, но Аслас буралӧмыс вӧсна. Ен мыськаліс миянӧс да сетіс миянлы выльысь чужны. Сійӧ выльмӧдіс миянӧс Вежа Ловнас.

Олӧм 26:4

Тэсянь чужысьяс лоӧны енэжвыв кодзувъяс мында. Ме содта налысь лыдсӧ да сета налы став тайӧ мусӧ. На пыр бурсиӧмыс вуджас мувывса быд войтырлы,

Олӧм 17:8

Тэныд да тэсянь чужысьяслы Ме сета тайӧ мусӧ, кӧні тэ ӧні локтысь морт моз олан. Ханаан мусӧ ставнас сета тэсянь чужысьяслы нэмъяс кежлӧ да лоа налӧн Енмӧн».

Олӧм 15:7

Господь шуис Ӧврамлы: «Ме Господь, коді петкӧдіс тэнӧ Калдея Урысь, медым сетны тайӧ мусӧ тэныд».

Олӧм 13:15

Тайӧ мусӧ, мый тэ аддзан, Ме сета тэныд да тэсянь чужысьяслы пыр кежлӧ.

Олӧм 12:7

Сэні Ӧврамлы петкӧдчис Господь да шуис: «Тайӧ мусӧ Ме сета тэсянь чужысьяслы». Ӧврам сувтӧдіс висьпуктанін Господьлы, коді петкӧдчис сылы.

Езекиль 20:14

Но Аслам нимӧй вӧсна Ме тайӧс эг вӧч, медым Менсьым нимӧс эз ло янӧдӧма мукӧд войтыръяс водзын, кодъяслӧн син водзын Ме петкӧді найӧс Египетысь.

Петӧм 32:13

Эн вунӧд Ассьыд Ӧвраам, Исаак да Израиль [Яков] кесйӧгъястӧ. Тэ ӧд Ачыд кыв сетӧмӧн шуин налы: ”Ме сета тіянлы уна чужысьӧс, найӧ лоӧны енэжвыв кодзувъяс мында. А муыс, мый Ме кӧсйыси сетны тіянсянь чужысьяслы, лоас налӧн пыр кежлӧ”».

Олӧм 28:13

Господь сулаліс сэні да шуис: «Ме Господь, тэнад Ӧвраам батьлӧн Ен да Исааклӧн Ен. [Эн пов.] Мусӧ, кӧні тэ куйлан, Ме сета тэныд да тэсянь чужысьяслы.

Римӧ 15:8

Ме тадзи гӧгӧрвоа: Исус Кристос локтіс кесъявны иудейяслы, медым збыльмӧдны батьяслы кӧсйысьӧмсӧ да петкӧдлыны, мый Енмыс кутӧ Ассьыс кывсӧ.

Римӧ 11:28

Найӧ эз сибӧдны Бур Юӧрсӧ, Енлы паныд сувтісны. Тайӧ лои тіян вӧсна. Но найӧ бӧрйӧм войтыр, и Енмыс радейтӧ найӧс батьясныс вӧсна.

Ап. уджъяс 3:25

Ті – пророкъяслӧн ныв-пи, тіянлы вуджӧ йитӧдыс, мый Ен кӧрталіс тіян батьяскӧд, кор шуис Ӧвраамлы: ”Тэсянь чужысь пыр вуджас бурсиӧмыс мувывса быд войтырлы”.

Микей 7:20

Яковлы сетӧм кывтӧ Тэ кутан, Тэ бур сьӧлӧма Ӧвраам дінӧ. Та йылысь Тэ водзысяньыс кыв сетін миян батьяслы.

Олӧм 19:29

Ковтысысь каръяссӧ бырӧдігӧн Ен эз вунӧд Ӧвраамӧс, и отсаліс Лотлы петны бырӧдан карысь, кӧні сійӧ оліс.

Левит 18:25

На вӧсна муыс пежасис. Ме мыжді мусӧ сэні олысьяслӧн мыжныс вӧсна, и муыс быликтіс найӧс.

Индӧд 12:31

Господьлы, асланыд Енлы, кесъялігӧн на моз энӧ вӧчӧй. Асланыс енъяслы кесъялігӧн найӧ ӧд вӧчӧны сійӧ, мый зывӧктӧ-мустӧмтӧ Господь. Найӧ весиг ассьыныс ныв-писӧ сотӧны асланыс енъяслы.

Индӧд 18:9

«Кор ті локтанныд сійӧ муас, мый Господь, тіян Енныд, сетас тіянлы, сэтчӧс войтыръяс моз зывӧксӧ энӧ вӧчӧй.

Индӧд 20:18

Но онӧ кӧ бырӧдӧй найӧс, найӧ велӧдасны тіянӧс быдпӧлӧс зывӧкторйӧ, мый найӧ вӧчӧны асланыс енъяслы юрбитігӧн. Тадзи ті асланыд Господь Енлы паныд мыж вӧчанныд.

Езекиль 36:22

Та вӧсна шу Израиль войтырлы, мый Господь Ыджыдыс тадзи висьталӧ: Израиль войтыр, ог тіян вӧсна вӧч сійӧс, мый водзӧ кута вӧчны, а Аслам вежа нимӧй вӧсна. Ӧд ті янӧдінныд Менсьым нимӧс войтыръяс пӧвстын.

Езекиль 36:32

Тӧдӧй, мый тайӧс вӧча ог тіян ради, – висьталӧ Господь Ыджыдыс. – Яналӧй-гӧрдӧдӧй асланыд олан туйсьыныд, Израиль войтыр!

Олӧм 15:16

Сӧмын нёльӧд чужанвужйын тэсянь чужысьяс бӧр локтасны татчӧ, ӧд аморейяслӧн мыж лыдыс эз на тыр».

Левит 18:24

Тадзи вӧчӧмнаныд асьнытӧ энӧ пежалӧй, ӧд тадзи вӧчигӧн асьнысӧ пежалісны войтыръяс, кодъясӧс Ме вӧтла тіян водзысь.

Индӧд 1:8

Тайӧ мусӧ Ме сета тіянлы. Ме, Господь, кыв сетӧмӧн кӧсйыси сетны сійӧс тіян батьяслы – Ӧвраамлы, Исааклы, Яковлы да насянь чужысьяслы. Мунӧй да босьтӧй сійӧс”.

Индӧд 18:12

Быдӧн, коді тадзи вӧчӧ, зывӧк Господьлы. Татшӧм зывӧксӧ вӧчӧмысь Господь, тіян Енныд, вӧтлас сэтчӧс войтыръяссӧ тіян водзысь.