Индӧд 9:4 - Коми Библия 2023

⁴ Кор Господь, тіян Енныд, вӧтлас найӧс тіян водзысь, энӧ мӧвпалӧй, мый тіян веськыдлунныд вӧсна Господь вайӧдіс тіянӧс татчӧ, медым ті босьтінныд тайӧ [бур] мусӧ. Ӧд тайӧ войтыръяслӧн пеж олӧм вӧсна Господь вӧтлӧ найӧс тіян водзысь.

Индӧд 9:4 Referans Kwoze

Индӧд 8:17

Энӧ мӧвпалӧй, мый ті асланыд вынӧн да ас киӧн озырлуннытӧ лӧсьӧдінныд.

2 Тимофейлы 1:9

Енмыс мездіс миянӧс да корис вежа олӧмас эз миян уджъясным вӧсна. Сійӧ сетіс миянлы Ассьыс буралӧмсӧ олӧм пуксьытӧдзыс на Исус Кристос пытшкын.

Индӧд 9:5

Ті мунанныд босьтны налысь мусӧ онӧ асланыд веськыдлун вӧсна да сӧстӧм сьӧлӧмныд вӧсна, но Господь, тіян Енныд, вӧтлӧ найӧс тіян водзысь налӧн пеж олӧм вӧсна. Тадзи Господь збыльмӧдӧ Ӧвраамлы, Исааклы да Яковлы, тіян батьяслы, сетӧм кывсӧ.

1 Коринфӧ 4:7

Тэ ӧмӧй бурджык мукӧдсьыс? Енлӧн сетӧмыс кындзи тэнад ӧмӧй эм мыйкӧ аслад? Абу кӧ, сідзкӧ, мыйла ошйысян, мый ставыс тэнад.

Римӧ 11:6

Бӧрйӧмыс – буралӧмыс кузя, абу уджъяс серти. Бӧрйӧмыс кӧ вӧлі уджъяс серти, сэки эськӧ буралӧмыс эз вӧв буралӧмӧн.

Индӧд 12:31

Господьлы, асланыд Енлы, кесъялігӧн на моз энӧ вӧчӧй. Асланыс енъяслы кесъялігӧн найӧ ӧд вӧчӧны сійӧ, мый зывӧктӧ-мустӧмтӧ Господь. Найӧ весиг ассьыныс ныв-писӧ сотӧны асланыс енъяслы.

Олӧм 15:16

Сӧмын нёльӧд чужанвужйын тэсянь чужысьяс бӧр локтасны татчӧ, ӧд аморейяслӧн мыж лыдыс эз на тыр».

1 Коринфӧ 4:4

Сьӧлӧмӧй оз мыжды менӧ, но тайӧ оз на висьтав менам веськыдлун йылысь, ӧд менӧ мыждысьыс – Господь.

Римӧ 11:20

Тайӧ тадз. Найӧс чегисны эскытӧмысла, а тэ кутчысян эскӧмнад. Асьтӧ вылӧ эн пукты, но полӧмпырысь ов.

Езекиль 36:32

Тӧдӧй, мый тайӧс вӧча ог тіян ради, – висьталӧ Господь Ыджыдыс. – Яналӧй-гӧрдӧдӧй асланыд олан туйсьыныд, Израиль войтыр!

Езекиль 36:22

Та вӧсна шу Израиль войтырлы, мый Господь Ыджыдыс тадзи висьталӧ: Израиль войтыр, ог тіян вӧсна вӧч сійӧс, мый водзӧ кута вӧчны, а Аслам вежа нимӧй вӧсна. Ӧд ті янӧдінныд Менсьым нимӧс войтыръяс пӧвстын.

Левит 18:3

Энӧ вӧчӧй Египет муын олысьяс моз, кодъяс пӧвстын ті олінныд. Ме нуӧда тіянӧс Ханаан муӧ, но энӧ вӧчӧй сэні олысьяс моз, энӧ олӧй налӧн оласног серти.

Индӧд 9:7

«Энӧ вунӧдӧй, кыдзи овтӧминын ті скӧрмӧдлінныд Господьӧс, ассьыныд Ентӧ. Египет муысь петан лунсянь да татчӧ вотӧдз ті пыр пыксинныд Господьлы.

Индӧд 9:24

Мыйта тӧда тіянӧс, ті пыр кыпӧдчинныд Господьлы паныд.

Индӧд 31:27

Ме тӧда тіянлысь асныралӧмнытӧ да паныд кыпӧдчӧмнытӧ. Весиг ӧні, кор ме ловъя на, ті онӧ кывзысьӧй Господьлысь. А мый лоӧ менам кулӧм бӧрын?