Индӧд 8:9 - Коми Библия 2023

⁹ Сэні ті онӧ кутӧй овны тшыг нисьӧ пӧт, тіян ставыс лоӧ тырмана. Сэтчӧс изкыртаысь перъянныд кӧрт, керӧсъясысь – ыргӧн.

Индӧд 8:9 Referans Kwoze

1 Каднебӧг 22:14

Сьӧкыдлунъяс вылӧ видзӧдтӧг ме дасьті Господьлысь крамсӧ вӧчӧм вылӧ сё сюрс талант зарни да миллион талант эзысь, а ыргӧнсӧ да кӧртсӧ ме дасьті сы мында, мый веситнысӧ он вермы. Ме дасьті керъяс да изъяс, но тэ чукӧрт нӧшта на унджык.

Нав Исус 22:8

сійӧ шуис налы: «Ыджыд озырлунӧн ті мунанныд асланыд гортӧ. Ӧні тіян эм унасьыс-уна ыж-мӧс, эзысь-зарни, кӧрт-ыргӧн да паськӧм. Вӧрӧглысь тышын босьтӧм эмбурнас юксьӧй вокъясныдкӧд».

Индӧд 33:25

Кӧртысь да ыргӧнысь сылӧн иганыс, став олан лунъяс чӧжыс сійӧ лоӧ вына.

Иов 28:2

Кӧрт перйӧны муысь, ыргӧн сывдӧны изйысь.

Индӧд 8:8

кӧні визувтӧ ма, кӧні быдмӧны шобді да ид, виноград да инжир, гранат да олив пуяс.

Индӧд 8:10

Кор ті пӧттӧдзныд сёянныд, ошкӧй Господьӧс, ассьыныд Ентӧ, тайӧ бур мусьыс, мый Сійӧ сетіс тіянлы.

Ёрдысьяс 18:10

Кор воанныд сэтчӧ, ті аддзанныд повтӧг олысь войтырӧс да налысь паськыд мусӧ. Енмыс сетас тіян киӧ тайӧ мусӧ, кӧні абу некутшӧм тырмытӧмтор».

1 Каднебӧг 22:3

Давид дасьтіс дзиръяяслы кӧрттув-потш вӧчӧм могысь уна кӧрт, дасьтіс тшӧтш сы мында ыргӧн, мый эз позь веситнысӧ.