Индӧд 7:25 - Коми Библия 2023

²⁵ Сотӧй налысь бӧлбанъяссӧ да энӧ ыштӧй тайӧ бӧлбанъяссӧ эжӧм зарни-эзысь вылӧ. Нинӧм энӧ босьтӧй аслыныд, медым энӧ шедӧй налькйӧ, ӧд тайӧ Господьлы, тіян Енлы, зывӧк.

Индӧд 7:25 Referans Kwoze

Петӧм 32:20

Сійӧ босьтіс киӧн вӧчӧм ӧшнысӧ да сотіс биын. Ниртіс сійӧс пызьӧдз да койыштіс ваӧ, а васӧ тшӧктіс юны Израиль пиянлы.

1 Каднебӧг 14:12

Филистимсаяс колисны сэтчӧ ассьыныс бӧлбанъяссӧ. Давидлӧн тшӧктӧм серти бӧлбанъяссӧ сотісны.

Индӧд 17:1

«Господьлы, асланыд Енлы, вись пыдди энӧ вайӧй висьлӧс-доймӧм ӧшкӧс либӧ ыжӧс, ӧд Господьлы, тіян Енлы, тайӧ зывӧк.

Нав Исус 7:21

Тышын шедӧдӧмтор пӧвстысь ме аддзи сеннарсаяслысь мича паськӧм, кыксё сикель мында эзысь да зарни ёкмыль, мый сьӧктанас вӧлі ветымын сикель. Ме ышті та вылӧ, босьті да дзеби чом улӧ, муас. Эзысьсӧ пыдӧджык дзебӧма».

Индӧд 12:3

Налысь висьпуктанінъяссӧ бырӧдӧй, юрбитан изъяссӧ пасьвартӧй, юрбитан пуяссӧ сотӧй да бӧлбанъяссӧ жуглӧй, медым дзикӧдз вушъяс налӧн енъяслӧн нимыс.

Исай 30:22

Сэки ті понданныд пежӧн лыддьыны эзысьӧн эжӧм бӧлбанъяснытӧ да зарниӧн эжӧм идолъяснытӧ. Ті шыбитанныд найӧс пеж шыбласӧс моз да шуанныд налы: «Весасьӧй татысь!»

Нав Исус 7:1

Но Израиль пиян торкисны Господьлы сиӧмтор йылысь тшӧктӧмсӧ [да сиӧмторйысь босьтісны аслыныс]. Акан, коді вӧлі Иуда чужанкотырысь Зерах Завдий Кармилӧн пи, Господьлы сиӧмторйысь мыйкӧ вӧлі босьтӧма аслыс. Та вӧсна Господьлӧн скӧрлуныс ӧзйис Израиль пиян вылӧ.

Индӧд 23:18

Энӧ вайӧй асланыд Господь Енлӧн керкаӧ кырсалӧм помысь босьтӧм сьӧм, медым збыльмӧдны кыв сетӧмнытӧ, ӧд кырсалысьяс зывӧкӧсь Господьлы, тіян Енлы.

Индӧд 7:5

Со мый колӧ вӧчны: жуглӧй налысь висьпуктанінъяссӧ, пасьвартӧй юрбитан изъяссӧ, кералӧй юрбитан пуяссӧ да биын сотӧй бӧлбанъяссӧ.

Восьтӧм 17:5

Плешкас сылӧн вӧлі гижӧма гуся вежӧртаса ним: «Ыджыд Вавилон – мувывса став зывӧкыслӧн да кырсалысьяслӧн мам».

Софоний 1:3

бырӧда йӧзӧс и ыж-мӧскӧс, бырӧда енэжвыв лэбачьясӧс и саридзса чериясӧс, бырӧда лёк вӧчысьясӧс да ставсӧ, мый ыштӧдіс найӧс Енсьыс кежны, бырӧда му вывсьыс став йӧзсӧ, – висьталӧ Господь. –

Индӧд 7:16

Ті бырӧданныд войтыръясӧс, кодъясӧс Господь, тіян Енныд, сетас тіян киӧ. Сьӧлӧмнаныд на дінӧ энӧ нормӧй да налӧн енъяслы энӧ юрбитӧй, медым энӧ шедӧй налькйӧ.

Петӧм 8:26

Но Мӧисей шуис: «Ми огӧ вермӧй, ӧд египетсаяслы зывӧк миян Господь Енлы вись вайӧмыс. Налӧн син водзын кӧ ми кутам вӧчны тайӧс, найӧ миянӧс изъяласны.

Петӧм 20:17

Эн ышты матыссаыдлӧн керкаыс да гӧтырыс вылӧ, [муыс вылӧ,] кесйӧгыс да кесйӧг аньыс вылӧ, ӧшкыс да осёлыс вылӧ [сылӧн ыж-мӧскыс вылӧ]. Эн ышты нинӧм вылӧ, мый сылӧн эм».

Индӧд 13:16

Став эмбурсӧ чукӧртӧй карса изэрд вылӧ, а сэсся сотӧй карсӧ Господьлы, асланыд Енлы, ваян висьӧс моз. Карсӧ мед некор оз ло выльысь лэптӧма, сэні мед некод оз кут овны.

Ӧксыяслӧн 4 небӧг 23:14

Ӧксы жугліс юрбитан изъяс, пӧрӧдіс юрбитан пуяс да тыртіс сійӧ местасӧ морт лыясӧн.

Левит 13:52

Поп мед сотас лёк проказаӧн пежасьӧм кӧлуйсӧ: паськӧмсӧ, вурун либӧ шабді шӧрт-дӧрасӧ да кучикысь вӧчӧмторсӧ.

Левит 19:4

Энӧ юрбитӧй идолъяслы, энӧ сывдӧй-вӧчӧй аслыныд бӧлбанъясӧс. Ме – Господь, тіян Енныд.

Индӧд 27:15

”Ёрӧм улӧ веськалӧ быдӧн, коді сывдӧмӧн либӧ мӧд ногӧн вӧчӧ бӧлбанӧс – Господьлы зывӧкторйӧс – да гусяинын юрбитӧ сылы”. И став войтырыс мед шуас: ”Мед лоӧ тадзи!”

Исай 41:24

Но ті – нинӧм, ті нинӧм онӧ вермӧй вӧчнысӧ. Зывӧк сійӧ мортыс, коді бӧрйӧ тіянӧс.