Индӧд 7:2 - Коми Библия 2023

² Но Господь, тіян Енныд, сетас найӧс тіян киӧ, и ті пасьвартанныд найӧс. Дзикӧдз бырӧдӧй найӧс. Энӧ кӧрталӧй накӧд йитӧд, энӧ лоӧй бур сьӧлӧмаӧсь на дінӧ.

Индӧд 7:2 Referans Kwoze

Ёрдысьяс 2:2

Сӧмын энӧ ӧтувтчӧй сійӧ муас олысьяскӧд, [энӧ юрбитӧй налӧн енъяслы, налысь бӧлбанъяссӧ бырӧдӧй,] налысь висьпуктанінъяссӧ жуглӧй”. Но ті энӧ кывзысьӧй Менсьым. Мыйла ті тадзисӧ вӧчинныд?

Ёрдысьяс 1:24

Видзӧдалысьяс аддзисны карсьыс петысь мортӧс. Найӧ [кутісны сійӧс да] шуисны сылы: «Петкӧдлы миянлы, кыті пырны карас. Ми бурӧн мынтысям тэныд».

Нав Исус 10:30

Господь сетіс Ливна кар да сэтчӧс ӧксыӧс израильсаяслӧн киӧ [и найӧ босьтісны сійӧс аслыныс]. Исус бырӧдіс карсӧ да виис шыпуртӧн сэтчӧс став ловъя олысьсӧ. Некод ловйӧн эз коль [и эз пышйы]. Ливнаса ӧксылы Исус вӧчис ериконса ӧксылы моз.

Нав Исус 2:14

Кыйӧдчысьяс шуисны сылы: «Вӧчам корӧмыд серти, а огӧ кӧ вӧчӧй, мед ми кулам тіян пыдди. Но миян йылысь некодлы энӧ висьталӧй. И кор Господь сетас миянлы тайӧ мусӧ, сэки ми лоам бур сьӧлӧмаӧсь тэ дінӧ да ассьыным кывнымӧс кутам».

Индӧд 23:14

Ӧд Господь, тіян Енныд, ветлӧ тіян чомъяс костӧд, мездӧ тіянӧс да сетӧ тіян киӧ вӧрӧгнытӧ. Та вӧсна тіян сувтанінныд мед лоӧ вежа, медым Господь эз аддзы тіян пӧвстысь зывӧксӧ да эз вешйы тіян дінысь».

Ӧксыяслӧн 2 небӧг 21:2

Давид корис Гаваонысь йӧзӧс, мед сёрнитны накӧд. Гаваонсаяс эз вӧвны израильсаясӧн, найӧ петлӧмаӧсь аморей войтырысь. Израильсаяс коркӧ кыв сетлӧмаӧсь, мый оз вӧчны налы лёксӧ. Но Израиль да Иуда войтыр вӧсна Саул кӧсйис бырӧдны найӧс.

Ёрдысьяс 1:4

Иудасянь чужысьяс петісны тышӧ. Господь сетіс ханаансаясӧс да перезейясӧс налӧн киӧ. Везекын найӧ пасьвартісны дас сюрс мортӧс.

Нав Исус 21:44

Господь быд боксянь видзис найӧс да сетіс лӧнь олӧм, кыдзи кыв сетӧмӧн кӧсйысис налӧн батьяслы. Вӧрӧгъяс эз вермыны найӧс, ӧд став вӧрӧгсӧ Господь сетіс налӧн киӧ.

Нав Исус 10:42

Ӧтчыдысь уськӧдчӧмӧн сійӧ пасьвартіс тайӧ муяссӧ да налысь ӧксыяссӧ, ӧд Господь, Израильлӧн Ен, тышкасис Израиль вӧсна.

Нав Исус 10:40

Исус босьтіс керӧсвыв му, Негев му, нӧшта рытыввыв да асыввыв керӧсбердса муяс, виис сэтчӧс ӧксыясӧс да олысьясӧс. Исус дзикӧдз бырӧдіс став ловъя олысьсӧ, кыдзи тшӧктіс Господь, Израильлӧн Ен.

Нав Исус 10:32

Мӧд луннас Господь сетіс Лакиш кар израильсаяслӧн киӧ. Ливна карӧс моз найӧ босьтісны Лакиш кар, бырӧдісны сійӧс да виисны шыпуртӧн сэтчӧс став ловъя олысьсӧ.

Нав Исус 10:28

Тайӧ лунӧ Исус босьтіс Македа кар, шыпуртӧн виис сэтчӧс олысьясӧс да налысь ӧксысӧ. Дзикӧдз бырӧдіс став ловъя олысьсӧ. Некод ловйӧн эз коль [и эз пышйы]. Македаса ӧксылы Исус вӧчис ериконса ӧксылы моз.

Нав Исус 9:24

Найӧ шуисны Исуслы: «Миянлы, тэнад кесйӧгъяслы, юӧртісны, мый Господь, тіян Енныд, тшӧктӧма Аслас Мӧисей кесйӧглы, сетны тіянлы став тайӧ мусӧ да бырӧдны [миянӧс да] тайӧ муас олысьяссӧ. Ми ёна полім, мый ті бырӧданныд миянӧс, та вӧсна тадзи вӧчим.

Нав Исус 8:24

Гайса айуловӧс овтӧминын шыпуртӧн виалӧм бӧрын израильсаяс бергӧдчисны Гай карӧ да сэтысь виалісны шыпуртӧн быдӧнӧс.

Индӧд 13:8

сэки эн кӧсйысь да эн кывзы сійӧс. Эн нормы сьӧлӧмнад сы дінӧ, эн жалит, эн дорйы,

Индӧд 3:3

Господь, миян Енным, сетіс миян киӧ тшӧтш васанса Ог ӧксыӧс да сылысь тышкайӧзсӧ. Ми пасьвартім найӧс, некод ловйӧн эз коль.

Лыд 33:52

вӧтлӧй сэтысь став олысьсӧ. Жуглӧй налысь серпасалӧм изъяссӧ, сывдӧмӧн вӧчӧм бӧлбанъяссӧ да вись ваян мылькъяссӧ.

Олӧм 14:20

Ошкӧм Медвылысса Енлы, коді сетіс вӧрӧгтӧ тэнад киӧ». Ӧврам сетіс Мелкиседеклы тышын став шедӧдӧмсьыс дасӧд юкӧнсӧ.

Петӧм 22:20

Коді вайӧ вись мукӧд енъяслы Господьлы кындзи, сійӧс мед лоӧ бырӧдӧма.

Лыд 31:17

Сідзкӧ, виӧй став зонпоснисӧ. Виӧй тшӧтш аньясӧс, кодъяс узьлісны айуловкӧд.

Индӧд 2:33

Но Господь, миян Енным, сетіс сійӧс миян киӧ. Ми пасьвартім сійӧс, сылысь пиянсӧ да став войтырсӧ.

Индӧд 2:34

Ми босьтім сылысь став карсӧ. Ми дзикӧдз бырӧдім налысь каръяссӧ, айуловӧс, аньясӧс да челядьӧс. Некодӧс ловйӧн эгӧ кольӧй.

Индӧд 7:16

Ті бырӧданныд войтыръясӧс, кодъясӧс Господь, тіян Енныд, сетас тіян киӧ. Сьӧлӧмнаныд на дінӧ энӧ нормӧй да налӧн енъяслы энӧ юрбитӧй, медым энӧ шедӧй налькйӧ.

Индӧд 19:13

Сы дінӧ сьӧлӧмнаныд энӧ нормӧй. Тадзи ті вештанныд мыжтӧм вирсӧ Израиль вылысь, и тіянлы лоӧ бур».

Индӧд 25:12

тайӧ гӧтырыслысь керыштӧй кисӧ. Энӧ нормӧй сьӧлӧмнаныд сы дінӧ.

Индӧд 31:5

Господь сетас найӧс тіян киӧ. Вӧчӧй налы, кыдзи ме тшӧкті тіянлы.

Индӧд 33:27

Тэнад сайӧдчаніныд – пыр олысь Ен, Сылӧн киыс новлӧдлӧ тэнӧ. Сійӧ вӧтлас тэ водзысь вӧрӧгтӧ, тшӧктас бырӧдны сійӧс.

Нав Исус 9:7

Израильсаяс шуисны локтӧм хивейяслы: «Гашкӧ, ті миянкӧд орччӧн оланныд? Ми огӧ вермӧй тіянкӧд йитӧд кӧртавны».

Ездра 10:3

Ми кӧрталам йитӧд асланым Енкӧд да кӧсйысям ыстыны ас дінысь гӧтыръяснымӧс ныв-пиныскӧд. Вӧчам тайӧс, ыджыдӧй, тэнсьыд кывзысьӧмӧн да миян Енлысь тшӧктӧмъяссӧ пыдди пуктысьяслысь кывзысьӧмӧн. Мед ставыс лоӧ Индӧд серти.

Псалтыр 106:34

бур муысь – сола му сэтчӧс олысьяслӧн лёк оласногныс вӧсна.

Лыд 21:2

Израиль войтыр кыв сетіс Господьлы: «Тэ кӧ сетан миян киӧ тайӧ войтырсӧ, ми дзикӧдз бырӧдам [найӧс да] налысь каръяссӧ».

Индӧд 9:3

Талун ті тӧдмаланныд, мый Господь, тіян Енныд, мунӧ тіян водзвылын, кыдзи ставсӧ сотысь би. Сійӧ пасьвартас енак войтырӧс да сетас тіян киӧ. Ті босьтанныд налысь мусӧ да регыдъя кадӧн бырӧданныд найӧс. Тадзи висьталіс тіянлы Господь.

Индӧд 13:9

а ви сійӧс. Тэ лый сійӧс изнас медводдзаӧн, а тэ бӧрся – войтырыд.

Нав Исус 11:8

Господь сетіс найӧс Израиль киӧ. Израильсаяс вермисны тышын да вӧтӧдісны найӧс войвылын ыджыд Сидон карӧдз да Мисрефот-Маимӧдз, а асыввылын Мицфе ковтысӧдз. Ставнысӧ виалісны. Некод ловйӧн эз коль [и эз пышйы].

Ӧксыяслӧн 3 небӧг 20:34

Бен-Хадад шуис сылы: «Ме бӧр сета тэныд сійӧ каръяссӧ, кодъясӧс коркӧ менам батьӧй босьтліс тэнад батьлысь. Дамаскын верман восьтны аслыд вузасянінъяс, кыдзи коркӧ менам батьӧй восьтліс Самарияын». Ахав вочавидзис: «Сёрнитчӧм бӧрын ме лэдза тэнӧ». Бен-Хададкӧд Ахав кӧрталіс йитӧд, сэсся лэдзис сійӧс.