11 Олӧй Сылӧн индӧд-тшӧктӧмъяс серти, мый талун висьтала тіянлы.
«Ме кӧ муса тіянлы, олӧй Менам тшӧктӧмъяс серти.
Видзчысьӧй, ставсӧ вӧчӧй сідзи, кыдзи тшӧктӧ Господь, тіян Енныд. Энӧ кежӧй веськыдвылӧ ни шуйгавылӧ.
«Израиль войтыр, кывзӧй индӧд-тшӧктӧмъяс, мыйӧ [талун] велӧда тіянӧс. Кутчысьӧй наӧ, медым ті олінныд [чужтысинныд-рӧдминныд] да босьтінныд аслыныд сійӧ мусӧ, мый Господь, тіян батьяслӧн Ен, сетӧ тіянлы.
Но Сійӧ мынтысьӧ налы, кодъяс Сійӧс мустӧмтӧны, да тэрмасьӧ бырӧдны найӧс.
Ті кӧ кутанныд кывзысьны да овны тайӧ тшӧктӧмъясыс серти, сэки Господь, тіян Енныд, тіянкӧд кӧрталӧм йитӧдсӧ оз торк да оз босьт Ассьыс буралӧмсӧ, мый йылысь кыв сетіс тіян батьяслы.
Ме велӧді тіянӧс индӧд-тшӧктӧмъясӧ, кыдзи тшӧктіс меным Господь, менам Енмӧй. Олӧй на серти сійӧ муас, кытчӧ ті мунанныд, медым босьтны сійӧс аслыныд.
Видзчысьӧй, медым энӧ вунӧдӧй Господьӧс, ассьыныд Ентӧ. Олӧй Сылӧн индӧд-тшӧктӧмъяс серти, мый талун висьтала тіянлы.