Biblia Todo Logo
Bib sou entènèt

- Piblisite -




Индӧд 6:5 - Коми Библия 2023

5 Радейт Господьӧс, ассьыд Ентӧ, став сьӧлӧмнад, став олӧмнад да став выннад.

Gade chapit la Kopi




Индӧд 6:5
26 Referans Kwoze  

Исус шуис: «Радейт Господьӧс, ассьыд Ентӧ, став сьӧлӧмнад, став олӧмнад да став мывкыднад.


Индӧдӧ велӧдысь вочавидзис: «Радейт Господьӧс, ассьыд Ентӧ, став сьӧлӧмнад, став олӧмнад, став выннад да став мывкыднад, и матыссатӧ радейт асьтӧ моз».


«Израиль, мый виччысьӧ тіянсянь Господь, тіян Енныд? Виччысьӧ, медым ті полінныд Господьысь, асланыд Енмысь, ветлінныд Сылӧн туйясӧд, радейтінныд Сійӧс да кесъялінныд Сылы став сьӧлӧмнад да став олӧмнад.


Господь, тіян Енныд, вундыштас тіянлысь да тіянсянь чужысьяслысь сьӧлӧмсӧ, медым ті радейтінныд Господьӧс, ассьыныд Ентӧ, став сьӧлӧмнад да став олӧмнад. Сэки ті кутанныд овны,


Но сэні кӧ кутанныд корсьны Господьӧс, ассьыныд Ентӧ, ті аддзанныд Сійӧс, сӧмын кутанныд кӧ корсьны став сьӧлӧмнад да став олӧмнад.


Тшӧктӧмъяс серти олӧмыс – тайӧ Енсӧ радейтӧм, а Сылӧн тшӧктӧмъясыс абу сьӧкыдӧсь.


Енмӧс колӧ радейтны став сьӧлӧмнад, став мывкыднад, став олӧмнад да став выннад, и матыссатӧ колӧ радейтны асьтӧ моз. Сотан вись да мукӧд вись дорысь тайӧ коланаджык».


Ті кӧ кутанныд овны Сылӧн тшӧктӧмъяс серти, мый талун висьтала тіянлы, кутанныд радейтны Господьӧс, ассьыныд Ентӧ, кутанныд кесъявны Сылы став сьӧлӧмнад да став олӧмнад,


Таӧдз эз вӧв Иосей кодь ӧксыыс, коді эськӧ став сьӧлӧмнас, олӧмнас да став выннас шыасис Господь дінӧ да оліс Мӧисейлӧн Индӧд серти. И Иосейлӧн кулӧм бӧрти сы кодь ӧксыыс эз вӧв.


Кодлы бать-мамыс Ме дорысь мусаджык, Меным сійӧ оз шогмы. Кодлы ныв-пиыс Ме дорысь мусаджык, Меным сійӧ оз шогмы.


«Радейтӧй Господьӧс, ассьыныд Ентӧ, да олӧй Сылӧн индӧд-тшӧктӧмъяс серти став олан лунъяс чӧжныд.


но ті сылысь кывъяссӧ энӧ кывзӧй. Ӧд тадзи Господь, тіян Енныд, кӧсйӧ тӧдмавны, радейтанныд-ӧ ті Господьӧс, ассьыныд Ентӧ, став сьӧлӧмнад да став олӧмнад.


кутанныд кӧ овны став тшӧктӧмыс серти, мый талун висьтала тіянлы, кутанныд кӧ радейтны Господьӧс, ассьыныд Ентӧ, да ветлыны Сылӧн туйясӧд став олӧм чӧжныд. Кор Господь ыдждӧдас-паськӧдас мунытӧ, тайӧ куим карсьыс ӧтдор нӧшта верманныд торйӧдны куим кар.


Кутанныд кӧ кывзыны асланыд Господь Енлысь тшӧктӧмъяссӧ, мый талун висьтала тіянлы, кутанныд кӧ радейтны Господьӧс, ассьыныд Ентӧ, ветлыны Сылӧн туйясӧд да овны Сылӧн индӧд-тшӧктӧмъяс серти, сэки ті кутанныд овны да чужтысьны-рӧдмыны. Господь, тіян Енныд, бурсиас тіянӧс сійӧ муас, кытчӧ ті мунанныд сійӧс босьтӧм могысь.


да радейтінныд Господьӧс, ассьыныд Ентӧ, кывзысинныд Сылысь да кутчысинныд Сы дінӧ. Сэки ті кутанныд дыр овны сійӧ муас, мый Господь [Ен] кыв сетӧмӧн кӧсйысис сетны тіян батьяслы – Ӧвраамлы, Исааклы да Яковлы».


Соломон радейтіс Господьӧс, оліс Давид батьыслӧн тшӧктӧмъяс серти, но мылькъяс вылын вайліс висьяс да тшынӧдчис.


Господьӧй, мезды менӧ пӧръясьысь йӧзысь, ылӧг вомаясысь.


Асланыд Господь Ен бӧрся мунӧй да Сыысь полӧй. Сылӧн тшӧктӧмъяс серти олӧй, Сылысь кывзысьӧй, Сылы кесъялӧй да Сы дінӧ кутчысьӧй.


Тадзи лоӧ, ті кӧ кутанныд кывзысьны Господьлысь, асланыд Енлысь, овны Сылӧн индӧд-тшӧктӧмъяс серти, мый гижӧма тайӧ Индӧд небӧгас, да бергӧдчанныд кӧ став сьӧлӧмнад да став олӧмнад Господьлань, асланыд Енлань.


Сӧмын олӧй Индӧд серти, мый тіянлы юӧртіс Мӧисей, Господьлӧн кесйӧг. Радейтӧй Господьӧс, ассьыныд Ентӧ, ветлӧй Сылӧн туйясӧд, олӧй Сылӧн тшӧктӧмъяс серти, кутчысьӧй Сы дінӧ да кесъялӧй Сылы став сьӧлӧмнад да став олӧмнад».


Найӧ кӧрталісны Господькӧд, асланыс батьяслӧн Енкӧд йитӧд, кӧсйысисны став сьӧлӧмсянь корсьны Господьӧс


Сэсся ӧксы сувтіс аслас местаӧ да Господь водзын кӧсйысис видзны йитӧд, мый Господь кӧртавліс Аслас войтыркӧд. Ӧксы кӧсйысис кывзысьны Господьлысь да став сьӧлӧмсяньыс овны Сылӧн индӧд-тшӧктӧмъяс серти, медым видзны небӧгӧ гижӧм йитӧдлысь кывъяссӧ.


Swiv nou:

Piblisite


Piblisite