4 Кывзы, Израиль! Господь, миян Енным, эм ӧти Господь.
Господь, Израильлӧн Ӧксы да Мездысь, Господь Саваоф тадзи висьталӧ: – Ме – Медводдзаыс и Медбӧръяыс, Меысь кындзи мӧд Енмыс абу.
Енмыс ӧти. Ен да морт костын сулалысьыс тшӧтш ӧти – Морт, Исус Кристос.
Помтӧм олӧмыс – тайӧ тӧдны Тэнӧ, ӧти збыль Енмӧс, да Тэӧн мӧдӧдӧм Исус Кристосӧс.
Ме да Бать – ми ӧти».
Энӧ полӧй да энӧ майшасьӧй! Ме ӧд важысянь нин тіянлы висьталі, водзысянь юӧрті, мый лоӧ. Ті ӧд тӧданныд, мый Ме – Енмыс. Эм-ӧ Ме кындзи мӧд Енмыс? Мӧд зумыд изйыс абу, мӧдӧс Ме ог тӧд.
Ме – Господь, тайӧ Менам нимӧй. Ассьым дзирдлунӧс Ме некодлы ог сет. Ошкӧмсӧ, мый лӧсялӧ Меным, ог сет идолъяслы.
Чукӧртчӧм йӧз водзын Давид ошкис Господьӧс: «Господьӧй, миян Израиль батьлӧн Енмӧй, мед лоӧ ошкӧма Тэнӧ нэмъяс чӧж.
Илля матыстчис войтырыс дінӧ да шуис: «Дыр-ӧ на ті кутанныд чотны кыкнан кокнаныд? Господь кӧ эм Ен, кывзысьӧй Сылысь, Ваал кӧ енмыс, сылысь кывзысьӧй». Войтырыс чӧв оліс.
”Ме – Господь, тэнад Енмыд. Ме петкӧді тэнӧ Египет муысь нартитӧм улысь.
Езекей ӧксылӧн кесъялысьясыс локтісны Исай дінӧ.
Исус шуис: «Радейт Господьӧс, ассьыд Ентӧ, став сьӧлӧмнад, став олӧмнад да став мывкыднад.
Индӧдӧ велӧдысь вочавидзис: «Радейт Господьӧс, ассьыд Ентӧ, став сьӧлӧмнад, став олӧмнад, став выннад да став мывкыднад, и матыссатӧ радейт асьтӧ моз».
Енмыс ӧти. Вундыштчӧмаӧс и вундыштчытӧмӧс Сійӧ вӧчӧ веськыдӧн эскӧм пыр.
Енмыс ӧти, Сійӧ быдӧнлы Бать. Сійӧ веськӧдлӧ ставнас, уджалӧ ставыс пыр да олӧ ставным пытшкын.
Тэ эскан, мый Енмыс ӧти. Тэ бура вӧчан. Весиг пеж ловъяс тадзи эскӧны да тіралӧны полӧмнысла.
Тӧдӧй да гӧгӧрвоӧй, мый Господь [тіян Енныд] эм енэжас и му вылас Ен, и [Сыысь кындзи] мӧдыс абу.
Найӧ велӧдісны Иуда войтырӧс. Иуда муысь став карсӧ кытшовтігӧн налӧн аскӧдныс вӧлі Господьлӧн Индӧд небӧг.
[Ездра шыасис]: – Тэ – ӧти Господь! Тэ вӧчин енэжсӧ, енэжвыв енэжъяссӧ да вынъяссӧ, мусӧ да ставсӧ, мый сы вылын, саридзсӧ да ставсӧ, мый сэні эм. Тэ ставыслы сетан олӧм, енэжвыв вынъяс копрасьӧны Тэныд!
Господьӧй, дыр-ӧ пондан лӧгавны миян вылӧ? Дыр-ӧ пондас би моз ыпъявны Тэнад скӧрлуныд?
Господь лоӧ став му пасьталаыс ӧксыӧн. Сійӧ лунӧ Господь лоӧ ставныслы Енмӧн, и сӧмын Сы дінӧ пондасны шыасьны.
