Индӧд 6:24 - Коми Библия 2023

²⁴ Господь тшӧктіс миянлы кутчысьны став тайӧ индӧд-тшӧктӧмас да повны Господьысь, миян Енмысь, медым став олан лунъясным чӧж миянлы вӧлі бур да медым ми вӧлім ловъяӧсь, кыдзи ӧні.

Индӧд 6:24 Referans Kwoze

Еремей 32:39

Ме сета налы ӧти кӧсйӧм да ӧти туй, медым став олӧм чӧжныс найӧ вежавидзӧмӧн полісны Меысь, ӧд тайӧ лоӧ налы да налӧн челядьлы бур вылӧ.

Псалтыр 41:2

Кыдзи горш косьмигас кӧр тэрмасьӧ визув ва дорӧ, сідзи менам лолӧй ёна кӧсйӧ Тэ дінӧ, Енмӧй.

Исай 3:10

Висьталӧй веськыда олысьлы, мый сылы бур лоӧ, ӧд сійӧ кутас нимкодясьны аслас уджъяслӧн вотӧснас.

Римӧ 10:5

Индӧд серти веськыдлун йылысь Мӧисей гижӧ: «Индӧд серти олысь Индӧднас пондас овны».

Индӧд 8:1

«Олӧй став тшӧктӧмыс серти, мый талун висьтала тіянлы. Сэки ті кутанныд овны да чужтысьны-рӧдмыны, верманныд мунны да босьтны аслыныд сійӧ [бур] мусӧ, мый йылысь Господь [Ен] кыв сетіс тіян батьяслы.

Индӧд 4:1

«Израиль войтыр, кывзӧй индӧд-тшӧктӧмъяс, мыйӧ [талун] велӧда тіянӧс. Кутчысьӧй наӧ, медым ті олінныд [чужтысинныд-рӧдминныд] да босьтінныд аслыныд сійӧ мусӧ, мый Господь, тіян батьяслӧн Ен, сетӧ тіянлы.

Матвей 6:33

Медводз корсьӧй Енлысь Юралӧмсӧ да Сылысь веськыдлунсӧ, сэки тіян ставыс тайӧ лоӧ.

Шусьӧгъяс 22:4

Раммӧдчӧм да Господьысь полӧм бӧрын тэныд воас озырлун, пыдди пуктӧм да олӧм.

Шусьӧгъяс 9:12

[Пиӧй!] Тэ кӧ мывкыд морт, тэныд [да матыссаыдлы] таысь бур, мывкыдлунсӧ кӧ омӧльтан, ачыд сьӧкыдсӧ нуан. [Ылӧдчысьлӧн сёрниыс – тӧв пӧльыштӧм кодь, лэбач бӧрся вӧтлысьӧм кодь, ӧд сійӧ эновтӧ виноград йӧрӧ нуӧдан туйсӧ, вошӧ да ассьыс видз-мусӧ оз аддзы. Сійӧ ватӧм овтӧминті ветлӧ, косьмӧм муяс вуджӧ, абутӧмторсӧ чукӧртӧ.]

Индӧд 8:3

Сійӧ раммӧдіс тіянӧс – сетіс тіянлы тшыгъявны, сэсся вердіс маннаӧн. Татшӧм сёянсӧ ті и тіян батьясныд энӧ тӧдлӧй. Тадзи Сійӧ кӧсйис петкӧдлыны тіянлы, мый оз куш няньӧн мортыд ов, а Господьсянь быд шуӧм кывйӧн.

Индӧд 4:4

А ті, кодъяс кутчысинныд Господь Енныд дінӧ, ӧніӧдз ловъяӧсь.

Лука 10:28

Исус шуис сылы: «Бура вочавидзин. Вӧч тадзи, сэки кутан овны».

Петӧм 20:20

Мӧисей шуис войтырыслы: «Энӧ полӧй. Енмыс локтіс [тіян дінӧ], медым тӧдмавны тіянӧс, медым ті полінныд Сыысь да энӧ вӧчӧй мыж».

Индӧд 6:23

А миянӧс Сійӧ петкӧдіс сэтысь, медым вайӧдны сійӧ муас, мый йылысь кыв сетіс миян батьяслы.

Индӧд 6:2

Полӧй Господьысь, асланыд Енмысь, ті, тіян ныв-пиныд да налӧн ныв-пиыс. Став олӧм чӧжныд олӧй Сылӧн индӧд-тшӧктӧмъяс серти, мый ме [талун] висьтала тіянлы. Сэки тіян олӧмныд лоӧ кузь нэма.

Псалтыр 41:3

Менам лолӧй ёна гажтӧмтчӧ [вына да] ловъя Енмысь. Кор нин ме верма сувтны Енлӧн чужӧмбан водзӧ?