Индӧд 5:24 - Коми Библия 2023

²⁴ да шуисны: ”Господь, миян Енным, петкӧдліс миянлы Ассьыс дзирдлунсӧ да ыджыд вынсӧ. Ми кылім Сылысь гӧлӧс шысӧ би пытшсянь. Талун ми тӧдмалім, мый Енмыс сёрнитӧ морткӧд, и мортыс ловйӧн кольӧ.

Индӧд 5:24 Referans Kwoze

Индӧд 4:33

Кывліс-ӧ кутшӧмкӧ войтыр тіян моз [ловъя] Енлысь би пытшсянь сёрнисӧ да ловйӧн колис?

Петӧм 19:19

Буксан шы гораммис и гораммис. Мӧисей сёрнитіс, а Ен вочавидзис сылы гӧлӧс шыӧн.

Петӧм 33:20

Сэсся Господь шуис: «Тэ он вермы видзӧдны Менам чужӧмбан вылӧ. Ме вылӧ видзӧдлӧм бӧрын мортыс оз вермы ловйӧн кольны».

Олӧм 32:30

Яков шуис: «Аслам синмӧн Енмӧс аддзылі и ловйӧн коли». Та вӧсна нимтіс тайӧ местасӧ Пенуэлӧн.

Ёрдысьяс 13:22

да шуис гӧтырыслы: «Ӧні ми кулам, ӧд ми Енмӧс аддзылім».

Петӧм 20:22

Господь шуис Мӧисейлы: «Висьтав [Яков рӧдлы, шу] Израиль пиянлы: ті аддзылінныд, кыдзи Ме енэжсянь сёрниті тіянкӧд.

Индӧд 5:23

Кор керӧсыс ыпъяліс биӧн, и ті кылінныд пемыд пытшкысь гӧлӧс шы, сэки тіян юрнуӧдысьясныд да чужанкотыръяслӧн юралысьясныд матыстчисны ме дінӧ

Индӧд 5:25

А ӧні мыйла миянлы кувнысӧ? Ӧд тайӧ ыджыд биыс сотас-ньылыштас миянӧс. Ми кулам, нӧшта кӧ ӧтчыдысь кылам миян Господь Енлысь гӧлӧс шысӧ.

Индӧд 32:3

Ошка Господьлысь нимсӧ. Ошкӧй-нимӧдӧй миянлысь Енмӧс!

Олӧм 32:31

Кыпӧдчис шонді. Яков муніс Пенуэлсянь чотігтырйи.

Лыд 14:14

Найӧ висьталасны та йылысь татчӧс олысьяслы, кодъяс кывлісны нин, мый Тэ, Господьӧй, олан Аслад войтырыд пӧвстын да аддзана ногӧн петкӧдчылан сылы. Найӧ кывлісны, мый Тэнад кымӧрыд сулалӧ войтырыд весьтын, и мый Тэ мунан сы водзвылын луннас кымӧр сюръя пытшкын, а войнас би сюръя пытшкын.