Индӧд 5:16 - Коми Библия 2023

¹⁶ Пыдди пукты ассьыд бать-мамтӧ, кыдзи тшӧктіс тэныд Господь, тэнад Енмыд, медым олӧмыд вӧлі кузь нэма да тэныд вӧлі бур сійӧ муас, мый Господь, тэнад Енмыд, сетас тэныд.

Индӧд 5:16 Referans Kwoze

Петӧм 20:12

Пыдди пукты ассьыд бать-мамтӧ, медым [тэныд вӧлі бур да] олӧмыд вӧлі кузь нэма сійӧ муас, мый Господь, тэнад Енмыд, сетас тэныд.

Колосӧ 3:20

Челядь, быдторйын кывзысьӧй бать-мамныдлысь, ӧд Господьлы нимкодь таысь.

Индӧд 27:16

”Ёрӧм улӧ веськалӧ быдӧн, коді увтыртӧ батьсӧ либӧ мамсӧ”. И став войтырыс мед шуас: ”Мед лоӧ тадзи!”

Индӧд 4:40

Кывзысьӧй да олӧй Сылӧн индӧд-тшӧктӧмъяс серти, мый талун висьтала тіянлы, медым тіянлы да тіянсянь чужысьяслы вӧлі бур, и медым ті дыр олінныд сійӧ муас, мый Господь, тіян Енныд, сетас тіянлы пыр кежлӧ».

Лука 18:20

Тэ ӧд тӧдан тшӧктӧмъяссӧ: гозъякост олӧм эн пежав, эн ви, эн гусясь, эн пӧръясь, пыдди пукты ассьыд бать-мамтӧ».

Левит 19:3

Пыдди пуктӧй бать-мамнытӧ. Видзӧй Менсьым шойччан лунӧс. Ме – Господь, тіян Енныд.

Марк 10:19

Тэ ӧд тӧдан тшӧктӧмъяссӧ: гозъякост олӧм эн пежав, эн ви, эн гусясь, эн пӧръясь, эн мырддьы мукӧдлысь, пыдди пукты ассьыд бать-мамтӧ».

Марк 7:10

Мӧисей шуӧма: ”Пыдди пукты ассьыд бать-мамтӧ”, нӧшта шуӧма: ”Омӧльтан кӧ бать-мамтӧ, тэнӧ кулӧм вылӧ мыждасны”.

Матвей 19:19

пыдди пукты ассьыд бать-мамтӧ, радейт матыссатӧ асьтӧ моз».

Индӧд 5:29

Найӧ кӧ став олан лунъяс чӧжыс сьӧлӧмсяньныс кывзысисны Менсьым да олісны став Менам тшӧктӧм серти, сэки эськӧ налы да насянь чужысьяслы нэмъяс чӧж вӧлі бур.

Индӧд 11:9

кӧні визувтӧ йӧв да ма. Ті кутанныд дыр овны сійӧ муас, мый Господь кыв сетӧмӧн кӧсйысис сетны тіян батьяслы да насянь чужысьяслы.

Езекиль 22:7

Ерусалимын бать-мамӧс пыдди оз пуктыны, йӧз муысь локтысьясӧс топӧдӧны, батьтӧм-мамтӧмӧс да дӧваӧс дзескӧдӧны.

Индӧд 5:33

Олӧй сідзи, кыдзи тшӧктӧ Господь, тіян Енныд, медым тіянлы вӧлі бур и ті дыр олінныд сійӧ муас, мый босьтанныд аслыныд».

Индӧд 6:2

Полӧй Господьысь, асланыд Енмысь, ті, тіян ныв-пиныд да налӧн ныв-пиыс. Став олӧм чӧжныд олӧй Сылӧн индӧд-тшӧктӧмъяс серти, мый ме [талун] висьтала тіянлы. Сэки тіян олӧмныд лоӧ кузь нэма.

Шусьӧгъяс 3:1

Пиӧй, эн вунӧд менсьым туйдӧдӧмӧс, сьӧлӧмад видз менсьым тшӧктӧмъясӧс,