Индӧд 4:5 - Коми Библия 2023

⁵ Ме велӧді тіянӧс индӧд-тшӧктӧмъясӧ, кыдзи тшӧктіс меным Господь, менам Енмӧй. Олӧй на серти сійӧ муас, кытчӧ ті мунанныд, медым босьтны сійӧс аслыныд.

Индӧд 4:5 Referans Kwoze

Матвей 28:20

Велӧдӧй найӧс овны став Менам тшӧктӧм серти. Тӧдӧй: Ме пыр тіянкӧд нэмъяс помасьтӧдз». Аминь.

Еврейяслы 3:5

Мӧисей кывзысьӧмӧн кесъяліс Ен керкаын, но сійӧ вӧлі сӧмын кесъялысь. Аслас олӧмнас сійӧ водзвыв петкӧдліс, мый Енмыс кӧсйис висьтавны бӧрынджык.

Индӧд 4:1

«Израиль войтыр, кывзӧй индӧд-тшӧктӧмъяс, мыйӧ [талун] велӧда тіянӧс. Кутчысьӧй наӧ, медым ті олінныд [чужтысинныд-рӧдминныд] да босьтінныд аслыныд сійӧ мусӧ, мый Господь, тіян батьяслӧн Ен, сетӧ тіянлы.

Ап. уджъяс 20:27

ме ӧд ланьтлытӧг висьтавлі тіянлы Енлысь став кӧсйӧмсӧ.

1 Коринфӧ 15:3

Ме висьтавлі тіянлы медколанаторсӧ, мый ачым босьті сьӧлӧмӧ: Гижӧдыс серти Кристос куліс миян мыжъяс вӧсна.

1 Коринфӧ 11:28

Быдӧн мед асьсӧ тӧдмалӧ, сэсся сёйӧ тайӧ няньсӧ да юӧ тайӧ чашасьыс.

Петӧм 18:20

Велӧд найӧс [Енлӧн] индӧд-тшӧктӧмъясӧ, инды налы [Сылысь] туйсӧ, кыті мунны, да висьтав ставсӧ, мый колӧ вӧчны.

Левит 7:38

Синай овтӧминын Господь тшӧктіс Израиль пиянлы, мед ваясны Сылы висьяс. Ставсӧ тайӧс Господь висьталіс Мӧисейлы Синай керӧсын.

Левит 26:46

Тайӧ индӧд-тшӧктӧмъяссӧ Господь сетіс Мӧисей пыр Израиль пиянлы Синай керӧсын.

Левит 27:34

Тайӧ тшӧктӧмъяссӧ Господь сетіс Мӧисей пыр Израиль пиянлы Синай керӧсын.

Индӧд 4:2

Тайӧ тшӧктӧмъясыс дінӧ, мый ме [талун] висьтала тіянлы, нинӧм энӧ содтӧй да сэтысь нинӧм энӧ чинтӧй. Олӧй асланыд Господь Енлӧн тшӧктӧмъяс серти.

Индӧд 4:4

А ті, кодъяс кутчысинныд Господь Енныд дінӧ, ӧніӧдз ловъяӧсь.

Псалтыр 71:17

Ӧксылысь нимсӧ мед ошкасны нэмъяс чӧж, сылысь нимсӧ мед оз вунӧдны, кытчӧдз югъялӧ шонді. Сійӧ лоӧ бурсиӧмӧн [став мувывса йӧзыслы], войтыръяс шуасны сійӧс майбырӧн.

Левит 19:19

Менам тшӧктӧмъяс серти ов. Пемӧстӧ мӧд сикас пемӧскӧд эн нӧйччӧд. Мутӧ кык сикас кӧйдысӧн эн кӧдз. Кык сикас шӧртысь – вурунысь да шабдіысь – сорлалӧмӧн кыӧм кӧлуй эн пасьтав.

Индӧд 4:40

Кывзысьӧй да олӧй Сылӧн индӧд-тшӧктӧмъяс серти, мый талун висьтала тіянлы, медым тіянлы да тіянсянь чужысьяслы вӧлі бур, и медым ті дыр олінныд сійӧ муас, мый Господь, тіян Енныд, сетас тіянлы пыр кежлӧ».

Индӧд 5:1

Мӧисей чукӧртіс став Израиль войтырсӧ да шуис: «Кывзы, Израиль! Талун ме висьтала тіянлы индӧд-тшӧктӧмъяс. Велӧдӧй найӧс да олӧй на серти.

Индӧд 6:1

«Господь, тіян Енныд, тшӧктіс велӧдны тіянӧс индӧд-тшӧктӧмъясӧ, медым ті олінныд на серти сійӧ муас, кытчӧ ті мунанныд сійӧс босьтӧм могысь.

Индӧд 7:11

Олӧй Сылӧн индӧд-тшӧктӧмъяс серти, мый талун висьтала тіянлы.

Индӧд 8:11

Видзчысьӧй, медым энӧ вунӧдӧй Господьӧс, ассьыныд Ентӧ. Олӧй Сылӧн индӧд-тшӧктӧмъяс серти, мый талун висьтала тіянлы.

Индӧд 11:32

Сідзкӧ, кывзысьӧмӧн олӧй [Сылӧн] став индӧд-тшӧктӧмыс серти, мый талун висьтала тіянлы».

Еремей 11:6

Господь шуис меным: «Иудаса каръясын да ерусалимса уличьяс вылын юӧрт тайӧ кывъяссӧ: кывзӧй, мый тшӧктӧма-шуӧма йитӧдас, да олӧй сы серти.

Езекиль 20:11

Сэні Ме сеті налы индӧд-тшӧктӧмъясӧс, и на серти олысь видзас ассьыс олӧмсӧ.