Индӧд 4:36 - Коми Библия 2023

³⁶ Енэжсянь Сійӧ сетіс тіянлы кывны гӧлӧс шысӧ, медым велӧдны тіянӧс. Му вылын сійӧ петкӧдліс тіянлы Ассьыс ыджыд бисӧ, и ті кылінныд Сылысь кывъяссӧ би пытшсянь.

Индӧд 4:36 Referans Kwoze

Петӧм 19:19

Буксан шы гораммис и гораммис. Мӧисей сёрнитіс, а Ен вочавидзис сылы гӧлӧс шыӧн.

Петӧм 19:9

Господь шуис Мӧисейлы: «Ме локта тэ дінӧ сук кымӧр пытшкын да кута сёрнитны тэкӧд, медым войтырыд кылас да водзӧ кутас эскыны тэныд». Сы бӧрын, кор Мӧисей висьталіс Господьлы войтырыслысь кывъяссӧ,

Неемий 9:13

Тэ лэччин Синай керӧс вылӧ, сёрнитін накӧд енэжсяньыс, сетін налы веськыд Индӧд, бур шуӧмъяс да тшӧктӧмъяс.

Индӧд 4:33

Кывліс-ӧ кутшӧмкӧ войтыр тіян моз [ловъя] Енлысь би пытшсянь сёрнисӧ да ловйӧн колис?

Еврейяслы 12:25

Видзчысьӧй, медым энӧ бергӧдчӧй тіянлы Висьталысьысь! Енмыс сёрнитіс му вылас Израиль войтыркӧд, но найӧ бергӧдчисны Сыысь. Та вӧсна найӧс вӧлі мыждӧма. Сідзкӧ, миянӧс ёнджыка на лоӧ мыждӧма, огӧ кӧ кывзӧй енэжсянь Висьталысьӧс.

Еврейяслы 12:18

Ті матыстчинныд энӧ мувывса ыпъялысь керӧс дінӧ, паныдасинныд энӧ бушковкӧд да сап пемыдыскӧд,

Петӧм 24:16

Енлӧн дзирдлуныс лэччис сэтчӧ. Квайт лун чӧж керӧсыс вӧлі кымӧр вевттьӧд улын. Сизимӧд луннас Господь шыасис Мӧисей дінӧ кымӧр пытшсяньыс.

Индӧд 8:5

Тӧдӧй, мый Господь, тіян Енныд, велӧдӧ тіянӧс, кыдзи бать велӧдӧ писӧ.

Петӧм 19:18

Синай керӧс ставнас тшыналіс, ӧд Господь лэччис сэтчӧ биӧн. Керӧсыс ёна вӧрис, и пачысь моз сэтысь кайис тшын.

Индӧд 4:12

[Керӧсвывса] би пытшсянь тіянкӧд сёрнитіс Господь. Ті кылінныд Сылысь кывъяссӧ, но энӧ аддзылӧй Сійӧс.

Индӧд 4:15

Кор Господь Хорив керӧсын сёрнитіс тіянкӧд би пытшсянь, ті Сійӧс энӧ аддзылӧй. Сідзкӧ, ас бӧрсяныд сюся видзӧдӧй,