Индӧд 4:31 - Коми Библия 2023

³¹ Ӧд Господь, тіян Енныд – [бур да] мелі сьӧлӧма Ен. Сійӧ оз эновт да оз бырӧд тіянӧс. Сійӧ оз вунӧд, мый тіян батьяскӧд кыв сетӧмӧн кӧрталіс йитӧд.

Индӧд 4:31 Referans Kwoze

Индӧд 31:8

Господь Ачыс мунас тэ водзвылын. Сійӧ лоас тэкӧд, оз эновт тэнӧ да оз коль тэнӧ. Эн пов да эн тірав!»

Иона 4:2

Сійӧ кевмысьӧмӧн норасис Господьлы: «Господьӧй, кор ме вӧлі на аслам муын, ме тӧді нин, мый тадзи лоас. Ме та понда и пышйи Фарсисӧ. Ме тӧді, мый Тэ бур да мелі сьӧлӧма Ен, Тэнад терпитӧмыд ыджыд, Тэнад буралӧмлы абу помыс. Тэ дась бӧр босьтны Ассьыд мыждана шуӧмтӧ.

Неемий 9:31

Но Аслад ыджыд буралӧмыд вӧсна Тэ найӧс дзикӧдз эн бырӧд, Тэ эн эновт найӧс, ӧд Тэ – бур да мелі сьӧлӧма Ен.

2 Каднебӧг 30:9

Ті кӧ бергӧдчанныд Господь дінӧ, сэки тіян рӧдвуж дінӧ да тіян челядь дінӧ бурсьӧлӧмтчасны найӧс пленӧ босьтысьяс, и лэдзасны найӧс бӧр бергӧдчыны тайӧ муас, ӧд Господь, тіян Енныд, бур да мелі сьӧлӧма. Сійӧ оз бергӧдчы тіянысь, ті кӧ бергӧдчанныд Сы дінӧ».

Левит 26:42

Сэки Ме тӧд вылӧ уськӧда Яковкӧд кӧрталӧм йитӧдӧс, Исааккӧд кӧрталӧм йитӧдӧс да Ӧвраамкӧд кӧрталӧм йитӧдӧс, казьтышта налӧн муыс йылысь.

Индӧд 31:6

Лоӧй зумыдӧсь да повтӧмӧсь! Энӧ полӧй наысь, ӧд Господь, тіян Енныд, Ачыс мунас тіянкӧд. Сійӧ оз коль да оз эновт тіянӧс».

Лука 1:72

лоны бур сьӧлӧмаӧн миян батьяс дінӧ да кутны тӧд вылас Ассьыс вежа йитӧдсӧ,

Еремей 14:21

Аслад нимыд ради эн ӧтдорт миянӧс, Аслад дзирдлуныдлысь юралан пуклӧссӧ эн сет увтыртны, эн вунӧд миянкӧд кӧрталӧм йитӧдтӧ, эн торк сійӧс!

Псалтыр 111:9

Сійӧ лышкыда разӧдӧ, сеталӧ гӧльяслы, сылӧн веськыда вӧчӧмыс кутас овны нэмъяс чӧж, сійӧ олӧ юрсӧ лэптӧмӧн, ӧд сійӧс пыдди пуктӧны.

Псалтыр 111:5

Бур морт буралӧ мӧдыс дінӧ да водзӧсӧн сетӧ, ставсӧ вӧчӧ веськыдлун серти.

Нав Исус 1:5

Тэныд паныд сувтны некод оз вермы став тэнад олан лунъяс чӧжыд. Ме лоа тэкӧд, кыдзи вӧлі Мӧисейкӧд. Ог эновт да ог коль тэнӧ.

Лыд 14:18

”Ме, Господь – дыр терпитысь, буралысь [да эскана]. Ме прӧстита лёк вӧчӧм да мыж, но мыжаӧс ог коль мыждытӧг. Батьяслӧн мыж вӧсна Ме водзӧс перъя челядьныслысь коймӧд да нёльӧд чужанвужйӧдз”.

Левит 26:45

На ради Ме тӧд вылӧ уськӧда Ассьым йитӧдӧс, мый кӧрталі налӧн батьяскӧд, кодъясӧс мукӧд войтыръяслӧн син водзын петкӧді Египет муысь, медым лоны налӧн Енмӧн. Ме – Господь».

Неемий 1:5

Ме шуи: «Господьӧй, енэжвывса Енмӧй, Тэ ыджыд да повзьӧдана Ен! Тэ видзан Ассьыд йитӧдтӧ да буралӧмтӧ на дінӧ, кодъяс радейтӧны Тэнӧ да олӧны Тэнад тшӧктӧмъяс серти.

Псалтыр 105:8

Но Аслас нимыс вӧсна Господь мездіс найӧс, петкӧдліс Ассьыс ыджыд вынсӧ.

Псалтыр 86:5

Сион кар йылысь шуӧны, сэтшӧмтӧ морт пӧ чужліс сэні, и Ачыс Медвылыссаыс пӧ сувтӧдіс тайӧ карсӧ.

1 Каднебӧг 28:20

Давид шуис аслас Соломон пиыслы: «Ло зумыд да повтӧм, босьтчы уджӧ! Эн пов, эн майшась, ӧд Господь Ен, менам Енмӧй, тэкӧд. Сійӧ оз коль, оз эновт тэнӧ, но отсалас помавны Господьлысь крам вӧчан уджъяссӧ.

Микей 7:18

Тэ кодь мӧд енмыс абу! Тэ прӧститан мыжъяс, Ассьыд коляс войтыртӧ лёк вӧчӧмысь он мыжды. Тэ он скӧрав нэмъяс чӧж, ӧд Тэ бур сьӧлӧма.

Еврейяслы 13:5

Сьӧм вылӧ энӧ горшасьӧй, тырмӧдӧй сійӧ, мый эм. Ачыс Енмыс ӧд шуис: – Ог коль тэнӧ, ог эновт тэнӧ.

Левит 26:44

Но весиг сэки, кор найӧ лоасны вӧрӧгныслӧн муын, Ме ог мустӧмт-зывӧкты найӧс. Ме найӧс ог бырӧд, накӧд кӧрталӧм йитӧдӧс ог торк, ӧд Ме – Господь, налӧн Ен.

Псалтыр 103:8

Керӧс вывсянь найӧ визувтӧны ласта вылӧ, сэтчӧ, кытчӧ Тэ тшӧктін.

Псалтыр 111:4

Весиг пемыдас ӧзйӧ югыдыс веськыда олысьлы, сійӧ бур да мелі сьӧлӧма, веськыда вӧчӧ.

Еремей 30:11

Ме тэкӧд, – висьталӧ Господь, – Ме мезда тэнӧ! Ме бырӧда став войтыръяссӧ, кодъяс пӧвстӧ разӧді тэнӧ. Тэнӧ Ме ог бырӧд, но мыжда тэнӧ веськыдлунӧй серти, мыждытӧг тэнӧ ог коль.

Петӧм 6:8

Ме нуӧда тіянӧс муӧ, мый киӧс лэптӧмӧн кӧсйыси сетны Ӧвраамлы, Исааклы да Яковлы. Ме сета сійӧс тіянлы, ӧд Ме – Господь».