Индӧд 4:28 - Коми Библия 2023

²⁸ Сэні ті кутанныд кесъявны мукӧд енъяслы, пуысь да изйысь киӧн вӧчӧмторъяслы, кодъяс оз аддзыны, оз кывны да оз сёйны.

Индӧд 4:28 Referans Kwoze

Индӧд 28:64

Господь [тіян Енныд] разӧдас тіянӧс мукӧд войтыръяс пӧвстӧ, му ӧтар помсянь мӧдар помӧдзыс. Сэні ті кутанныд юрбитны пуысь да изйысь вӧчӧмторъяслы, мукӧд енъяслы, кодъясӧс ті ни тіян батьясныд энӧ тӧдлӧй.

Еремей 16:13

Та вӧсна Ме вӧтла тіянӧс тайӧ мусьыс мӧд муӧ, мый ті ни тіян батьясныд энӧ тӧдлӧй. Сэні лун и вой ті понданныд кесъявны мукӧд енъяслы, ӧд Ме ог ло бур сьӧлӧма тіян дінӧ.

Исай 46:7

Найӧ лэптӧны ассьыныс енсӧ пельпом выланыс, нуӧны сійӧс да сувтӧдӧны аслас местаӧ. Сійӧ сулалӧ, оз вешйыв места вывсьыс. Найӧ горзӧмӧн шыасьӧны сы дінӧ, но сійӧ оз вочавидз, оз мезды шогъясысь.

Индӧд 28:36

Тіянӧс да ӧксынытӧ, кодӧс пуктанныд юравны, Господь нуӧдас войтыр дінӧ, кодӧс ті ни тіян батьясныд онӧ тӧдӧй. Сэні ті понданныд кесъявны мукӧд енъяслы, пуысь да изйысь вӧчӧмторъяслы.

Езекиль 20:39

Господь Ыджыдыс тадзи висьталӧ: Израиль войтыр, ті кӧ онӧ кӧсйӧй Менсьым кывзысьны, мунӧй асланыд идолъяс дінӧ да юрбитӧй налы. Менсьым вежа нимӧс ті онӧ нин пежалӧй асланыд идолъясӧн да налы вайӧм козинъясӧн.

Исай 45:20

Чукӧртчӧй да локтӧй, матыстчӧй ставныд, кодъяс ловйӧн колинныд войтыръяс пӧвстысь. Вежӧртӧмӧсь найӧ, кодъяс новлӧдлӧны ассьыныс пу идолъяснысӧ да кевмысьӧны енлы, коді оз мезды.

Исай 44:9

Идолъясӧс вӧчысьяс – нинӧм кодьӧсь, налӧн муса бӧлбанъясыс нинӧм вылӧ оз шогмыны. Налы юрбитысьяс оз аддзыны и оз гӧгӧрвоны, та вӧсна найӧс лоӧ янӧдӧма.

Ӧксыяслӧн 1 небӧг 26:19

Кывзы менӧ, ӧксыӧй-ыджыдӧй! Господь кӧ ышӧдіс тэнӧ меным паныд, мед висьлӧн чӧскыд дукыс бурмӧдас Сылысь сьӧлӧмсӧ. А йӧз кӧ ышӧдісны, мед лоӧ ёрӧма найӧс Господь водзын, ӧд найӧ вӧтлісны менӧ Господьлӧн муысь да тшӧктісны юрбитны мукӧд енъяслы.

Ап. уджъяс 7:42

Енмыс бергӧдчис наысь да эновтіс найӧс юрбитны тӧлысь-кодзувъяслы. Та йылысь гижӧма пророкъяслӧн небӧгын: – Израиль войтыр! Нелямын во чӧжнас овтӧминын вайлінныд-ӧ ті Меным начкӧм ыж-мӧскӧс да мукӧд вись?

Еремей 10:9

Фарсисысь вайӧны эзысь, Уфазысь – зарни, вӧчасьысьяс вӧчӧны бӧлбанъясӧс, пасьтӧдӧны найӧс гӧрдовлӧз да пемыдгӧрд паськӧмӧ. Ставыс тайӧ – кужысь мортлӧн вӧчӧмторъяс.

Еремей 10:3

Ӧд войтыръяс эскӧны-юрбитӧны абутӧмыслы. Вӧрын кодкӧ пӧрӧдӧ пу, пуысь вӧчасьысь вӧчӧ бӧлбанӧс,

Езекиль 20:32

Ті шуанныд, мукӧд муясын олысь войтыръяс моз ми пӧ пондам юрбитны пуысь да изйысь вӧчӧмторъяслы. Но тадзи оз ло.

Ап. уджъяс 19:26

Ті асьныд аддзанныд да кыланныд, мый вӧчӧ тайӧ Павелыс. Сійӧ висьтавлӧ, киӧн вӧчӧмторъясыд пӧ абу енъяс, и уна йӧзӧс нин эскӧдіс Ефесын да став Асияын.

Восьтӧм 9:20

Мукӧд йӧзыс, кодъяс тайӧ бырӧданторъяссьыс ловйӧн колины, эз бергӧдчыны асланыс лёк уджъясысь. Найӧ важ мозыс копрасисны мутияслы да зарниысь, эзысьысь, ыргӧнысь, изйысь да пуысь вӧчӧм идолъяслы, кодъяс оз вермыны аддзыны, кывны ни ветлыны.

Индӧд 29:17

Ті аддзылінныд налысь пуысь, изйысь, эзысьысь да зарниысь вӧчӧм зывӧк бӧлбанъяссӧ.

Исай 26:14

Найӧ кулӧмаӧсь, оз ловзьыны, гортйын куйлӧны, оз нин чеччыны, ӧд Тэ мыждін да бырӧдін найӧс, бырӧдін весиг на йылысь казьтывлӧмсӧ.

Исай 44:12

Дорччысь вӧчӧ кӧрт нӧш, кучкалӧ сыӧн биа ӧгыръяс вылын донӧдӧм вӧчӧмторсӧ, артмӧдӧ бӧлбанӧс аслас вына киӧн. Ачыс сійӧ сёйны кӧсйӧ, вынтӧммӧ, сылӧн горшыс косьмӧ, рудзмунӧ.

Ӧксыяслӧн 4 небӧг 17:40

Но Самарияын олысьяс эз кывзысьны Господьлысь, а важ мозыс кутчысисны асланыс оласногӧ.

Исай 44:11

Идолъяслы юрбитысьясӧс лоӧ янӧдӧма, ӧд налысь идолъяссӧ вӧчӧма морт. Мед найӧ ставныс чукӧртчасны, сувтасны ёрд водзӧ, сэки найӧс полӧм босьтас, ставнысӧ лоӧ янӧдӧма.

Еремей 10:5

Бӧлбанъяс – град йӧрын сулалысь повзьӧдчанторъяс кодьӧсь, сёрнитны оз вермыны. Найӧс новлӧдлӧны, ӧд асьныс ветлыны оз вермыны. Энӧ полӧй наысь, ӧд лёксӧ вӧчны найӧ оз вермыны, и бурсӧ вӧчны тшӧтш оз вермыны.