Индӧд 4:27 - Коми Библия 2023

²⁷ Господь разӧдас тіянӧс мукӧд войтыръяс пӧвстӧ. Сэні, кытчӧ Господь вӧтлас тіянӧс, ті лоанныд этша лыдаӧсь.

Индӧд 4:27 Referans Kwoze

Левит 26:33

Ме разӧда тіянӧс войтыръяс пӧвстӧ, бӧрсяньныд вӧтча шыпуртӧн. Тіян муныд овтӧммас, каръясныд киссясны.

Езекиль 32:26

Сэні куйлӧны Мешек да Тувал, мешекса да тувалса уна лыда войтыръяс, гӧгӧр дзебанінъяс. Шыпуртӧн виӧма тайӧ вундыштчытӧм йӧзсӧ, кодъясысь коркӧ полісны ловъяяслӧн му вылын.

Езекиль 12:15

Кор Ме разӧда найӧс войтыръяс пӧвстӧ да шердъя мукӧд муясӧ, сэки найӧ тӧдмаласны, мый Ме – Господь.

Неемий 1:3

Найӧ вочавидзисны, пленысь локтысьяс пӧ ёна сьӧкыдалӧны асланыс муын, сэні пӧ найӧс увтыртӧны. Ерусалим карлысь пӧ стенъяссӧ жуглӧма, а дзиръяяссӧ сотӧма.

Олӧм 11:4

Найӧ шуисны: «Лэптамӧй аслыным кар да башня, джуджданас мед лоӧ енэжӧдз. Тадзи нимӧдам асьнымӧс да став му пасьталаыс огӧ разалӧй».

Олӧм 34:30

Яков шуис Симеонлы да Левийлы: «Ті шогӧ уськӧдінныд менӧ. Ті вӧчинныд менӧ мустӧмӧн татчӧс олысьяслы, ханаансаяслы да перезейяслы. Ми ӧд этшаӧнӧсь. Найӧ кӧ чукӧртчасны миянлы паныд, сэки пасьвартасны миянӧс, бырӧдасны менӧ и гортсаӧс».

Индӧд 29:28

Дӧзмӧмӧн, скӧралӧмӧн да ыджыд лӧглунӧн Господь нетшыштіс найӧс асланыс муысь да шыбитіс мӧд муӧ, кӧні найӧ ӧні на олӧны”.

Индӧд 30:3

сэки Господь, тіян Енныд, бурсьӧлӧмтчас тіян дінӧ да вайӧдас тіянӧс пленысь. Господь, тіян Енныд, чукӧртас тіянӧс мукӧд войтыръяс пӧвстысь, кытчӧ разӧдліс тіянӧс.

Индӧд 32:26

Ме кӧсйи бырӧдны найӧс, вуштыны йӧз пӧвстысь на йылысь казьтылӧмсӧ,

Псалтыр 44:11

Кывзы, нылӧй, сюся кывзы! Вунӧд ассьыд войтыртӧ да бать керкатӧ.

Псалтыр 106:27

Найӧс шатлӧдліс код мортӧс моз, найӧ ӧдва сулалісны кок йыланыс, налӧн став кужӧмлуныс бырис-вошис.

Исай 17:6

и шептыс этша кольӧ. Израилькӧд лоӧ сійӧ жӧ, – висьталӧ Господь, Израильлӧн Ен, – кыдзи овлӧ олив чукӧртӧм бӧрын: пу йылас кольӧ сӧмын кык-куим, вож вылас – нёль-ӧ-вит олив.

Еремей 16:13

Та вӧсна Ме вӧтла тіянӧс тайӧ мусьыс мӧд муӧ, мый ті ни тіян батьясныд энӧ тӧдлӧй. Сэні лун и вой ті понданныд кесъявны мукӧд енъяслы, ӧд Ме ог ло бур сьӧлӧма тіян дінӧ.

Езекиль 20:23

Овтӧминын Ме киӧс лэптӧмӧн кыв сеті налы, мый разӧда найӧс войтыръяс пӧвстӧ, шыблала найӧс мукӧд муясӧ

Езекиль 22:15

Ме разӧда тэнӧ войтыръяс пӧвстӧ, шердъя мукӧд муясӧ. Ме пукта пом тэнад пеж уджъяслы.

Даниил 9:7

Господьӧй, Тэ веськыда вӧчан, а миянлы ставнымлы ӧні юръяндзим. Ми эновтім Тэнӧ, та вӧсна Тэ вӧтлін миянӧс Иуда муысь, Ерусалимысь да став Израиль муысь ылі да маті муясӧ.

Закар 7:14

Ме разӧді найӧс войтыръяс пӧвстӧ, кодъясӧс найӧ эз тӧдлыны водзын. Налӧн эновтӧм муыс кушмис, сэтчӧ некод эз кут волыны. Тадзи на вӧсна бур муныс пӧри овтӧминӧ.

Индӧд 28:36

Тіянӧс да ӧксынытӧ, кодӧс пуктанныд юравны, Господь нуӧдас войтыр дінӧ, кодӧс ті ни тіян батьясныд онӧ тӧдӧй. Сэні ті понданныд кесъявны мукӧд енъяслы, пуысь да изйысь вӧчӧмторъяслы.

Псалтыр 44:12

Тэнад мичлуныд мед кыскас тэ дінӧ ӧксыӧс. Копыртчыв сылы, ӧд сійӧ – тэнад ыджыдыд.

Езекиль 11:16

Та вӧсна шу, мый Господь Ыджыдыс тадзи висьталӧ: Ме вӧтлі найӧс мӧд муясӧ мукӧд войтыръяс пӧвстӧ, но сэні Ме Ачым лои налы вежаинӧн.

Осий 9:17

Менам Енмӧй эновтас найӧс, ӧд найӧ эз кывзысьны Сылысь, найӧ лоӧны мукӧд войтыръяс пӧвстын шӧйтысьясӧн.