Индӧд 4:2 - Коми Библия 2023

² Тайӧ тшӧктӧмъясыс дінӧ, мый ме [талун] висьтала тіянлы, нинӧм энӧ содтӧй да сэтысь нинӧм энӧ чинтӧй. Олӧй асланыд Господь Енлӧн тшӧктӧмъяс серти.

Индӧд 4:2 Referans Kwoze

Индӧд 12:32

Вӧчӧй сійӧс, мый ме тшӧкта тіянлы, нинӧм энӧ содтӧй сэтчӧ да нинӧм энӧ чинтӧй сэтысь».

Шусьӧгъяс 30:6

Содтан кӧ мыйкӧ Сылӧн кывъясыс дінӧ, ылӧдчысь лоан – и Сійӧ янӧдас тэнӧ.

Нав Исус 1:7

Ло зумыд да повтӧм! Ов став Индӧдыс серти, кыдзи тшӧктіс тэныд Мӧисей, Менам кесйӧгӧй. Эн кеж Индӧдысь веськыдвылӧ ни шуйгавылӧ. Сэки тэнад ставыс артмас.

Матвей 5:18

Веськыда висьтала тіянлы: енэжыс да муыс быртӧдз, ставыс збыльмытӧдз весиг ӧти шыпас, ӧти чуттор оз вош Индӧдысь.

Галатӧ 3:15

Вокъяс, весигтӧ олӧмас тадзи овлӧ: мортыс кӧ кольӧ ас бӧрсяыс вынсьӧдӧм кӧсйысян гижӧд, сэки некод оз вермы торкны гижӧмасӧ да мыйкӧ содтыны сэтчӧ.

Еклесиаст 12:13

Ставыслы, мый тэ кылін, кывкӧртӧдыс татшӧм: пов Енсьыс да ов Сылӧн тшӧктӧмъяс серти. Тайӧ тшӧктӧмыс – быд мортлы.

Матвей 5:43

«Ті кывлінныд, вӧлі шуӧма: ”Радейт матыссатӧ да мустӧмт тэнӧ мустӧмтысьӧс”.

Индӧд 1:3

Египетысь петӧмсянь нелямынӧд воӧ, дас ӧтиӧд тӧлысьлӧн медводдза лунӧ, Мӧисей висьталіс Израиль пиянлы ставсӧ, мый Господь тшӧктіс.

Индӧд 4:5

Ме велӧді тіянӧс индӧд-тшӧктӧмъясӧ, кыдзи тшӧктіс меным Господь, менам Енмӧй. Олӧй на серти сійӧ муас, кытчӧ ті мунанныд, медым босьтны сійӧс аслыныд.

Индӧд 4:14

Господь тшӧктіс меным велӧдны тіянӧс тайӧ индӧд-тшӧктӧмъясас, медым ті олінныд на серти сійӧ муас, кытчӧ ті мунанныд сійӧс босьтӧм могысь.

Индӧд 4:40

Кывзысьӧй да олӧй Сылӧн индӧд-тшӧктӧмъяс серти, мый талун висьтала тіянлы, медым тіянлы да тіянсянь чужысьяслы вӧлі бур, и медым ті дыр олінныд сійӧ муас, мый Господь, тіян Енныд, сетас тіянлы пыр кежлӧ».

Индӧд 33:4

Мӧисей сетіс миянлы Индӧд, козьналіс сійӧс Яков котырлы.

Псалтыр 78:7

Ӧд найӧ бырӧдісны Яковсянь чужысьясӧс, куштісны налысь оланіннысӧ.

Еремей 26:2

«Господь тадзи висьталӧ: сувт Господьлӧн крам йӧрас. Иуда каръясысь олысьяс кор локтасны сэтчӧ, медым юрбитны Господьлӧн крамын, висьтав налы ставсӧ, мый Ме тшӧкта тэныд висьтавны, нинӧм эн чинты.

Индӧд 5:29

Найӧ кӧ став олан лунъяс чӧжыс сьӧлӧмсяньныс кывзысисны Менсьым да олісны став Менам тшӧктӧм серти, сэки эськӧ налы да насянь чужысьяслы нэмъяс чӧж вӧлі бур.

Индӧд 5:32

Видзчысьӧй, ставсӧ вӧчӧй сідзи, кыдзи тшӧктӧ Господь, тіян Енныд. Энӧ кежӧй веськыдвылӧ ни шуйгавылӧ.

Индӧд 13:1

«Тіян пӧвстысь кӧ сувтас пророк либӧ вӧтъяс аддзылысь, коді висьталас индысьпас либӧ шензьӧданатор йылысь,

Нав Исус 8:35

Кор Исус ставсӧ лыддис Израиль войтырлы, сійӧс кывзісны айулов, аньяс да челядь, тшӧтш на пӧвстын олысь йӧз муысь локтысьяс. Ставсьыс, мый Мӧисей тшӧктіс, весиг ӧти кыв эз коль лыддьытӧг.