Индӧд 33:5 - Коми Библия 2023

⁵ Кор юралысьяс да Израильлӧн чужанкотыръяс чукӧртчисны, Ешурунлы ыджыдӧ пуксис ӧксы.

Индӧд 33:5 Referans Kwoze

Индӧд 32:15

[Яков сёйис,] Ешурун тшӧгис да лои асныра, тшӧгис, кызіс да госсяліс. Сійӧ эновтіс Енсӧ, ассьыс Вӧчысьсӧ, мустӧмтіс ассьыс вына Мездысьсӧ.

Ёрдысьяс 17:6

Сійӧ кадас Израильын эз вӧв ӧксыыс. Быдӧн вӧчис сійӧ, мый чайтіс веськыдӧн.

Ёрдысьяс 9:2

«Юалӧй Сикем карса олысьяслысь, бурджык-ӧ лоӧ налы, Еровааллӧн сизимдаснан пияныс кӧ юраласны либӧ ӧти морт юралас. Энӧ вунӧдӧй, мый ме тіян рӧдвуж, и миян пытшкын визувтӧ ӧти вир».

Ёрдысьяс 8:22

Израиль войтыр шуисны Гедеонлы: «Тэ ло миянлы юралысьнас, тэ бӧрся лоас пиыд, а пиыд бӧрся – сылӧн пиыс. Тэ ӧд миянӧс мездін мадиансаяслӧн киысь».

Лыд 23:21

Яковлӧн шогыс абу, Израильлӧн ставыс бур. Господь, налӧн Енмыс, накӧд, ӧксыӧс моз найӧ паныдалӧны Сійӧс.

Петӧм 18:19

Кывзы менӧ. Лэдз меным туйдӧдны тэнӧ, и Енмыс лоас тэкӧд. Войтырыд вӧсна сувт Ен водзӧ да висьтав Сылы налысь могъяссӧ.

Петӧм 18:16

Асланыс вензьӧмъясӧн найӧ локтӧны ме дінӧ. Ме ёрдысь на костын. Ме тӧдмӧда найӧс Енлӧн индӧд-тшӧктӧмъясӧн».

Олӧм 36:31

Израиль войтырлӧн ӧксыясӧдз Эдом муын вӧліны нин ӧксыяс.

Исай 44:2

Тэнӧ вӧчысь да тэнӧ артмӧдысь, мам кынӧмсяньыд тэныд отсалысь Господь тадзи висьталӧ: – Яков, Менам кесйӧгӧй, эн пов, Ешурун, [Израиль,] Ме бӧрйи тэнӧ.

Петӧм 15:18

Господь юралӧ нэмъяс чӧж!

Индӧд 33:26

Ешурунлӧн Ен кодь мӧдыс абу. Верзьӧма моз Сійӧ локтӧ енэжӧд, юралысь моз – кымӧръяс вывті, медым отсавны тэныд.