Индӧд 33:12 - Коми Библия 2023

¹² Венямин чужанкотыр йылысь Мӧисей шуис: – Господьлӧн мусаыс олӧ повтӧг, Господь видзӧ сійӧс быд лун, Аслас морӧс бердас сійӧс шойччӧдӧ.

Индӧд 33:12 Referans Kwoze

2 Каднебӧг 15:2

и сійӧ муніс Аса дінӧ да шуис сылы: «Кывзы менӧ, Аса. Кывзӧй менӧ, Иуда да Венямин чужанкотыръяс. Господь лоӧ тіянкӧд, ті кӧ лоанныд Сыкӧд. Ті кӧ кутанныд корсьны Сійӧс, Сійӧ воссяс тіянлы. А эновтанныд кӧ Сійӧс, Сійӧ тшӧтш эновтас тіянӧс.

Матвей 23:37

«Ерусалим, Ерусалим! Пророкъясӧс виалысь да тэ дінӧ ыстӧмаясӧс изъялысь! Кымынысь Ме кӧсйи чукӧртны тэнсьыд ныв-питӧ, кыдзи лэбач чукӧртӧ ассьыс пиянсӧ борд улас, но ті энӧ кӧсйӧй.

Псалтыр 91:4

ошкыны Тэнӧ арфаӧн да гуслиӧн, дас струнаа ворсанторйӧн.

Исай 51:16

Ассьым кывъясӧс Ме пукті тэнад вомӧ, вевтти тэнӧ Аслам ки вуджӧрӧн. Ме шевкниті енэжсӧ, зумыда сувтӧді мусӧ. Ме шуа Сионлы: «Тэ – Менам войтырӧй!»

Исай 37:35

Ме видза тайӧ карсӧ, мезда сійӧс Ас ради да Аслам Давид кесйӧгӧй ради».

Исай 37:22

Со татшӧм кыв Господь висьталіс ассурса ӧксы йылысь: – Тэнӧ мустӧмтӧ сӧстӧм Сион ныв, сійӧ лёкӧдӧ тэнӧ. Юрнас довкйӧдлӧ, тэ вылын сералӧ Ерусалим ныв.

2 Каднебӧг 11:1

Ерусалимӧ локтӧм бӧрын Ровоам чукӧртіс Иуда да Венямин чужанкотырысь сё кӧкъямысдас сюрс медбур тышкамортӧс, мед петны тышӧ Израильлы паныд да бӧр босьтны аслас киӧ на вылын ӧксыалӧмсӧ.

Ӧксыяслӧн 3 небӧг 12:21

Ерусалимӧ локтӧм бӧрын Соломонлӧн Ровоам пиыс чукӧртіс Иуда да Венямин чужанкотырысь сё кӧкъямысдас сюрс медбур тышкамортӧс, мед петны тышӧ Израильлы паныд да бӧр босьтны аслас киӧ на вылын ӧксыалӧмсӧ.

Индӧд 12:10

Ті вуджанныд Йӧрдан ю сайӧ да овмӧдчанныд сійӧ муас, мый Господь, тіян Енныд, сетас тіянлы пыр кежлӧ. Сійӧ сетас тіянлы лӧнь олӧм, тіян гӧгӧр олысь вӧрӧгъясысь видзас. Ті кутанныд сэні повтӧг овны.

Ёрдысьяс 1:21

Венямин чужанкотыр эз вӧтлы Ерусалимын олысь евуссаясӧс. Найӧ ӧнӧдз олӧны Ерусалимын Венямин чужанкотыр пӧвстын.

Петӧм 28:12

да йит ефодлӧн ластавичьяс вылӧ. Изъясыс лоасны казьтыланпасӧн. Аарон кутас новлӧдлыны Израиль пиянлысь нимъяссӧ пельпом вылас Господь водзын.

Лыд 34:21

Венямин чужанкотырысь Кислонлысь Элидад писӧ,

Индӧд 4:37

Господьлы вӧліны мусаӧсь тіян батьясныд, та вӧсна Сійӧ бӧрйис тіянӧс, насянь чужысьясӧс. Сійӧ Ачыс петкӧдіс тіянӧс Египетысь Аслас ыджыд выннас.

Индӧд 32:11

Кыдзи кутш видзӧ позсӧ, лэбалӧ пияныс весьтті, сідзи Господь видзис Ассьыс войтырсӧ, бордъяссӧ шевкнитӧмӧн новлӧдліс найӧс.

Индӧд 33:11

Господьӧй, бурси сійӧс, сет сылы вын, сылӧн уджъясыс мед шогмасны Тэныд. Сылы паныд кыпӧдчысьясӧс жугӧд, сійӧс мустӧмтысьясӧс пасьварт, медым некор оз сувтны.

Псалтыр 60:5

Ме кӧсъя пыр овны Тэнад оланінын, кӧсъя сайӧдчыны Тэнад бордъяс улӧ.

Ӧксыяслӧн 1 небӧг 10:20

Самуил тшӧктіс матыстчыны израильса быд чужанкотырлы. На пиысь пудъясьӧмӧн вӧлі бӧрйӧма Веняминлысь чужанкотырсӧ.

Ӧксыяслӧн 2 небӧг 12:24

Давид бурӧдіс ассьыс Вирсавия гӧтырсӧ да узис сыкӧд. Та бӧрын Вирсавия [кутіс нӧбасьны,] чужтіс пиӧс да пуктіс сылы Соломон ним. Господьлы тайӧ кагаыс вӧлі муса.

Ӧксыяслӧн 2 небӧг 12:25

Господь мӧдӧдіс Нафан пророкӧс, и Господьлӧн кыв серти сійӧ сетіс кагалы Едидий ним.

Еремей 12:7

– Ме эновті Ассьым керкаӧс, эновті Ассьым бӧрйӧм войтырӧс, Ассьым муса войтырӧс Ме сеті вӧрӧг киӧ.