Индӧд 32:17 - Коми Библия 2023

¹⁷ Найӧ вайисны висьяссӧ эз Енлы, а пеж ловъяслы, тӧдтӧм выль енъяслы, орччӧн олысь войтыръяслӧн енъяслы, кодъясӧс батъясныс эз тӧдлыны.

Индӧд 32:17 Referans Kwoze

Ёрдысьяс 5:8

Войтырыс вӧлі бӧрйӧма выль енъясӧс, та вӧсна дзиръя дорӧдз вӧрӧг локтіс. Израильын вӧлі нелямын сюрс тышкаморт, но сайӧдыс-шыпуртыс налӧн эз вӧв.

Индӧд 28:64

Господь [тіян Енныд] разӧдас тіянӧс мукӧд войтыръяс пӧвстӧ, му ӧтар помсянь мӧдар помӧдзыс. Сэні ті кутанныд юрбитны пуысь да изйысь вӧчӧмторъяслы, мукӧд енъяслы, кодъясӧс ті ни тіян батьясныд энӧ тӧдлӧй.

Левит 17:7

Израильсаяс мед дугдасны вайны висьнысӧ овтӧминса мутияслы, кодъяслы сетчисны кырсалысь ань моз. Тайӧ тшӧктӧмыс лоӧ налы нэмъяс кежлӧ чужысьяссянь чужысьясӧдз.

1 Тимофейлы 4:1

Лов веськыда висьталӧ, мый бӧръя кадас кодсюрӧ кежасны эскӧмысь. Найӧ пондасны кывзыны ылӧдчысь ловъясӧс да кутчысясны пеж ловъяслӧн велӧдӧмӧ.

Исай 44:8

Энӧ полӧй да энӧ майшасьӧй! Ме ӧд важысянь нин тіянлы висьталі, водзысянь юӧрті, мый лоӧ. Ті ӧд тӧданныд, мый Ме – Енмыс. Эм-ӧ Ме кындзи мӧд Енмыс? Мӧд зумыд изйыс абу, мӧдӧс Ме ог тӧд.

Индӧд 32:21

Ылӧг енъяслы юрбитӧмнас найӧ кыпӧдісны Ме пытшкын вежӧгтӧм, идолъяснас дӧзмӧдісны Менӧ. Та вӧсна Ме кыпӧда на пытшкын вежӧгтӧм войтыр пыр, кодӧс оз позь шуны войтырӧн, дӧзмӧда найӧс вежӧртӧм войтыр пыр.

Восьтӧм 9:20

Мукӧд йӧзыс, кодъяс тайӧ бырӧданторъяссьыс ловйӧн колины, эз бергӧдчыны асланыс лёк уджъясысь. Найӧ важ мозыс копрасисны мутияслы да зарниысь, эзысьысь, ыргӧнысь, изйысь да пуысь вӧчӧм идолъяслы, кодъяс оз вермыны аддзыны, кывны ни ветлыны.

1 Коринфӧ 8:4

Ӧні висьталышта идоллы вайӧм сёян йылысь. Ми тӧдам, мый идолыс збыльвылас абу, эм сӧмын ӧти Ен.

Еремей 10:15

Найӧ нинӧм дон оз сулавны, найӧ тешкодь вӧчӧмторъяс, мыждан лунӧ найӧ бырасны.

Петӧм 32:8

Найӧ ӧдйӧ кежисны Менам туйысь, вунӧдісны Менсьым тшӧктӧмъясӧс. Найӧ вӧчисны аслыныс ӧшкӧс да копыртчисны сылы, вайисны сылы висьяс да шуисны: ”Израиль, тайӧ тэнад ен, сійӧ петкӧдіс тэнӧ Египет муысь!”»

Еремей 44:3

Тайӧ каръясас олысьясыс кесъялісны да сотісны висьяс мукӧд енъяслы. Татшӧм лёк вӧчӧмнаныс найӧ скӧрмӧдісны Менӧ. Тайӧ енъяссӧ найӧ эз тӧдлыны, энӧ тӧдлӧй ни ті ни тіян батьясныд.

Амос 5:25

Израиль войтыр! Нелямын во чӧжнас овтӧминын вайлінныд-ӧ ті Меным начкӧм ыж-мӧскӧс да мукӧд вись?

Индӧд 13:8

сэки эн кӧсйысь да эн кывзы сійӧс. Эн нормы сьӧлӧмнад сы дінӧ, эн жалит, эн дорйы,

Еремей 19:4

Ерусалимын олысьяс эновтісны Менӧ, пежалісны тайӧ ковтыссӧ, сотӧны тані висьяс мукӧд енъяслы, кодъясӧс эз тӧдлыны ни найӧ, ни налӧн батьясныс, ни иудаса ӧксыяс. Найӧ тыртісны тайӧ ковтыссӧ мыжтӧм йӧзлӧн вирӧн.