Индӧд 32:15 - Коми Библия 2023

¹⁵ [Яков сёйис,] Ешурун тшӧгис да лои асныра, тшӧгис, кызіс да госсяліс. Сійӧ эновтіс Енсӧ, ассьыс Вӧчысьсӧ, мустӧмтіс ассьыс вына Мездысьсӧ.

Индӧд 32:15 Referans Kwoze

Индӧд 31:20

Ме вайӧда найӧс [бур] муӧ, мый йылысь кыв сеті налӧн батьяслы, муӧ, кӧні визувтӧ йӧв да ма. Сэні найӧ кутасны пӧттӧдзныс сёйны да тшӧгасны. Та бӧрын найӧ бергӧдчасны мукӧд енъяслань да кутасны юрбитны налы. А Менӧ найӧ эновтасны да торкасны йитӧдӧс, мый Ме кӧрталі накӧд.

Осий 13:6

Но кор тэнад вӧліны йирсянінъяс, тэ пӧттӧдз сёйлін. А кор пӧтлін, сьӧлӧмад ыкшаасин да вунӧдлін Менӧ.

Индӧд 33:5

Кор юралысьяс да Израильлӧн чужанкотыръяс чукӧртчисны, Ешурунлы ыджыдӧ пуксис ӧксы.

Ап. уджъяс 28:27

Чорзьӧма тайӧ войтырыслӧн сьӧлӧмныс, найӧ сьӧкыд пеляӧсь, куньса синмаӧсь. Аддзынысӧ оз зільны, кывзынысӧ оз кӧсйыны, сьӧлӧмнаныс оз гӧгӧрвоны. Мелань бергӧдчынысӧ оз кӧсйыны, медым Ме бурдӧді найӧс.

Ӧксыяслӧн 1 небӧг 2:29

Мыйла ті нинӧмӧ пуктанныд Меным вайӧм висьяссӧ да вайӧмторъяссӧ, мый Ме тшӧкті вайны Аслам керкаӧ? Мыйла тэ ассьыд пиянтӧ пуктан Меысь вылӧджык? Ті тшӧгӧдчанныд медбур яйнас, мый вайӧ Меным Израиль войтырӧй.

Индӧд 32:4

Сійӧ – зумыд изйыс, Сылӧн уджъясыс тыр-бурӧсь, Сылӧн туйясыс веськыдӧсь. Сійӧ – эскана Ен, Сы пытшкын ылӧгыс абу, Сійӧ – веськыда вӧчысь Ен.

Еремей 5:28

тшӧгнысла найӧ лӧсталӧны, пӧтлытӧг вӧчӧны лёксӧ, найӧ оз веськыда мыждыны, батьтӧм-мамтӧмъясӧс оз дорйыны, гӧльяслы оз отсавны ёрд вылын.

Исай 44:2

Тэнӧ вӧчысь да тэнӧ артмӧдысь, мам кынӧмсяньыд тэныд отсалысь Господь тадзи висьталӧ: – Яков, Менам кесйӧгӧй, эн пов, Ешурун, [Израиль,] Ме бӧрйи тэнӧ.

Исай 6:10

Чорзьӧд тайӧ войтырыслысь сьӧлӧмнысӧ, найӧ мед лоӧны сьӧкыд пеляӧсь, куньса синмаӧсь. Синнаныс мед оз аддзыны, пельнаныс мед оз кывны, сьӧлӧмнаныс мед оз гӧгӧрвоны, Мелань мед оз бергӧдчыны, медым Ме бурдӧді найӧс».

Исай 1:4

Курыд шог мыжа войтырлы! Налӧн мыжъясыс личкӧны найӧс. Курыд шог лёк вӧчысьяслӧн котырлы, тшыкӧм оласнога йӧзлы! Найӧ эновтісны Господьӧс, нинӧмӧ пуктісны Израильлысь вежа Енмӧс, дзикӧдз бергӧдчисны Сыысь.

Псалтыр 95:1

Сьылӧй Господьлы выль сьыланкыв, му вылын олысьяс, сьылӧй Господьлы!

Псалтыр 73:7

Найӧ сотісны Тэнсьыд вежаинтӧ, пежалісны Тэнад нимлысь оланінсӧ.

Неемий 9:25

Найӧ босьтісны изкаръяс да бур муяс, овмӧдчисны эмбур тыра керкаясӧ, налы вичмисны изкыртаын кералӧм вайӧртӧдъяс, виноград йӧръяс, олив расъяс да уна мукӧд вотӧса пуяс. Найӧ пӧттӧдзныс сёйисны-тшӧгӧдчисны, нимкодясисны Тэнад бур козинъясысь.

Ӧксыяслӧн 2 небӧг 22:47

Господь ловъя! Ме ошка Тэнӧ, Дорйысьӧй! Мед лоӧ нимӧдӧма Тэнӧ, Енмӧй! Тэ – менам мездмӧмлӧн зумыд подулыс.

Индӧд 33:26

Ешурунлӧн Ен кодь мӧдыс абу. Верзьӧма моз Сійӧ локтӧ енэжӧд, юралысь моз – кымӧръяс вывті, медым отсавны тэныд.

Индӧд 32:6

Тадзи ӧмӧй тэ, мывкыдтӧм да вежӧртӧм войтыр, мынтысян Господьлы? Абу-ӧ Сійӧ тіян Бать, тіянӧс Вӧчысьыс? Сійӧ тіянӧс вӧчис да ёнмӧдіс.

Индӧд 31:16

Господь шуис Мӧисейлы: «Регыд тэ вуджан батьясыд дінӧ. А тайӧ войтырыс эновтас Менӧ сійӧ муас, кытчӧ пырас. Кырсалысь ань моз найӧ сетчасны мукӧд енъяслы да торкасны йитӧдӧс, мый Ме кӧрталі накӧд.

Ап. уджъяс 9:5

Сійӧ юаліс: «Коді Тэ, Господьӧй?» Господь шуис сылы: «Ме эм Исус, кодӧс тэ вӧтлан. Сьӧкыд тэныд мунны ёсь зорлы паныд».

Еремей 5:7

– Кыдзи Меным прӧститны Ерусалимын олысьясӧс? Найӧ эновтісны Менӧ, ылӧг енъяс водзын кыв сетӧны. Ме пӧткӧді найӧс, а найӧ пежалӧны гозъякост олӧм, чукӧръясӧн ветлӧдлӧны кырсалысь аньяслӧн керкаясӧ.

Еремей 2:5

Господь тадзи висьталӧ: – Аддзылісны ӧмӧй тіян батьясныд, мый Ме ог веськыда вӧч? Таысь ӧмӧй найӧ ылыстчисны Меысь? Найӧ вӧтчисны идолъяс бӧрся, нинӧм бӧрся моз, и асьныс лоины татшӧмӧсь.

Псалтыр 17:10

Сійӧ доровтіс енэжсӧ да лэччис, сувтіс кокнас сьӧд кымӧръяс вылӧ.

Иов 15:27

Тшӧгӧмысла сылӧн чужӧмыс паськаліс, лядьвейыс госсяліс.

Ёрдысьяс 10:6

Израиль пиян бара вӧчисны Господь водзын шогмытӧмсӧ. Найӧ юрбитісны Ваал да Астарта идолъяслы, тшӧтш арамей, сидон, моав, аммон да филистим войтыръяслӧн енъяслы. Найӧ эновтісны Господьӧс, дугдісны Сылы кесъявны.

1 Каднебӧг 5:25

Но Рувимсянь да Гадсянь чужысьяс да Манассейлӧн джын чужанкотырыс эновтісны асланыс батьяслысь Енсӧ да кырсалысь ань моз сетчисны тайӧ муас олысь войтыръяслӧн енъяслы. Тайӧ войтыръяссӧ Енмыс коркӧ бырӧдіс на водзысь.

2 Каднебӧг 26:16

Но кор Озейлӧн юралӧмыс зумыдмис, сійӧ пондіс ышнясьны, и тайӧ вайӧдіс сійӧс кулӧмӧдз. Сійӧ мыж вӧчис аслас Господь Енлы паныд, ӧд сійӧ пырис Господьлӧн крамӧ, медым тшынӧдчан висьпуктанін вылын тшынӧдчыны.

Еремей 2:31

Ӧнія олысьяс, гӧгӧрвоӧй Господьлысь кывсӧ: Вӧлі-ӧ Ме Израиль войтырлы овтӧминӧн? Вӧлі-ӧ Ме сылы пемыд муӧн? Мыйла Менам войтырӧй шуӧ, ми пӧ мунам, кытчӧ кӧсъям, огӧ пӧ бергӧдчӧй Тэ дінӧ?

2 Каднебӧг 12:1

Кор Ровоамлӧн юралӧмыс зумыдмис, и сійӧ лои вына юралысьӧн, сэки сійӧ да став Израиль войтырыс эновтісны Господьлысь Индӧдсӧ.

Неемий 9:26

Но найӧ кутісны пыксьыны Тэныд, кыпӧдчисны Тэныд паныд, ӧтдортісны Тэнсьыд Индӧдтӧ, виалісны Тэнсьыд пророкъястӧ, кодъяс ӧлӧдісны найӧс, медым веськӧдны Тэлань. Найӧ вӧчисны уна пеж,

Псалтыр 100:3

Став шогмытӧмсӧ ме ылыста аслам син водзысь, лёк вӧчӧмсӧ ме мустӧмта, сійӧ оз ляксьы ме дінӧ.

Исай 43:1

Господь, коді вӧчис тэнӧ, Яков, коді вӧчис тэнӧ, Израиль, ӧні тадзи висьталӧ: – Эн пов, Ме ньӧби тэнӧ, чукӧсті тэнӧ нимнад, тэ – Менам.

Еремей 2:32

Том ныв ӧмӧй вунӧдас пасьтавны мичмӧдчанторъяссӧ, гӧтырпу – кӧлысь паськӧмлысь вӧньсӧ? Но Менам войтырӧй важӧн нин вунӧдіс Менӧ.

Езекиль 14:5

Израиль войтыр мед сьӧлӧмнас гӧгӧрвоас, мый идолъяс вӧснаыс найӧ ставныс ылыстчисны Меысь.

Осий 4:7

Кымын содӧ попъяслӧн лыдыс, сымын содӧ Меным паныд мыжныс. Налысь нималӧмсӧ Ме бергӧда яналӧмӧ.