Индӧд 31:9 - Коми Библия 2023

⁹ Мӧисей гижис да сетіс тайӧ Индӧдсӧ Израиль войтырлӧн юрнуӧдысьяслы да попъяслы, Левий пиянлы, кодъяс новлӧдлісны Господьлысь Йитӧд кудсӧ.

Индӧд 31:9 Referans Kwoze

Лыд 4:15

Израиль войтырлӧн туйӧ петтӧдзыс Аарон пияныскӧд мед вевттяласны став вежа дозмук-кӧлуйсӧ. Сӧмын та бӧрын вермасны матыстчыны Кааф пиян, медым нуны вежа дозмук-кӧлуйсӧ. Найӧ кӧ инмӧдчасны вевттьытӧм вежа дозмук-кӧлуй дінӧ, куласны. Вежа чомйын кесъялан дозмук-кӧлуйсӧ колӧ новлӧдлыны Кааф пиянлы.

Нав Исус 3:3

да тшӧктісны: «Кор аддзанныд, мый поп-левитъяс кутасны нуны тіян Господь Енлысь Йитӧд кудсӧ, сэки ті куд бӧрсяыс тшӧтш мӧдӧдчӧй.

Иоан 5:46

Ті кӧ эсканныд Мӧисейлы, эскинныд эськӧ тшӧтш Меным, ӧд сійӧ гижис Ме йылысь.

Иоан 1:45

Филип аддзис Нафанаилӧс да шуис сылы: «Ми аддзим Сійӧс, код йылысь вӧлі висьталӧма Мӧисей Индӧдын да пророк гижӧдъясын. Тайӧ Назаретысь Исус, Ӧсиплӧн пи».

Иоан 1:17

Индӧдсӧ вӧлі сетӧма Мӧисей пыр, а буралӧмыс да збыльыс воис Исус Кристос пыр.

Лука 20:28

«Велӧдысь, Мӧисей гижӧма, мый ныв-питӧм морт кӧ кулас, вокыслы колӧ босьтны кулӧм вокыслысь дӧвасӧ гӧтырӧ да нюжӧдны вокыслысь рӧдсӧ.

Марк 12:19

«Велӧдысь, Мӧисей гижӧма, мый ныв-питӧм морт кӧ кулас, вокыслы колӧ босьтны кулӧм вокыслысь дӧвасӧ гӧтырӧ да нюжӧдны вокыслысь рӧдсӧ.

Малакий 4:4

Энӧ вунӧдӧй Менам Мӧисей кесйӧглысь Индӧдсӧ, мый Ме сеті сылы Хорив керӧсын, энӧ вунӧдӧй тшӧктӧмъяссӧ, мый Ме сеті став Израиль войтырлы.

Малакий 2:7

Поплӧн вомысь мед петас Ен йылысь тӧдӧмлуныс, сысянь йӧзыс виччысьӧны велӧдӧмсӧ, сійӧ ӧд Господь Саваофсянь юӧр вайысьыс.

Осий 4:6

Бырӧдӧма лоӧ Менсьым войтырӧс, ӧд найӧ оз тӧдны Менӧ. Тэ нинӧмӧ пуктін тӧдӧмлунсӧ, та вӧсна Ме вешта тэнӧ Ме водзын кесъялӧмысь. Тэ вунӧдін аслад Енлысь Индӧдсӧ, а Ме вунӧда тэнсьыд ныв-питӧ.

Даниил 9:13

Миянӧс суисны сійӧ сьӧкыдлунъясыс, мый йылысь висьталӧма Мӧисейлӧн Индӧдын, но ми эгӧ шыасьӧй Тэ дінӧ, Господьӧй, миян Енмӧй, эгӧ дугдӧй вӧчны мыжсӧ, эгӧ кутчысьӧй Тэнад збыляд.

1 Каднебӧг 15:2

Давид шуис, мый Енлысь кудсӧ вермасны новлӧдлыны сӧмын левитъяс, ӧд Господь бӧрйис найӧс пыр кежлӧ, медым найӧ новлӧдлісны Господьлысь кудсӧ да кесъялісны Господьлы.

Ӧксыяслӧн 3 небӧг 8:3

Израильса юрнуӧдысьяслӧн локтӧм бӧрын попъяс босьтісны Господьлысь Йитӧд кудсӧ, вежа чомсӧ да вежа дозмук-кӧлуйсӧ, мый вӧлі вежа чомйын, да ставсӧ тайӧс левитъяскӧд нуисны крамӧ.

Нав Исус 6:12

Господьлӧн куд водзвылас мунісны сизим поп да буксісны буксанӧн. Попъяс водзвылын мунісны шыпуртаяс, а Господьлӧн [Йитӧд] куд бӧрся мунісны мукӧд тышкайӧз. Мунігчӧжныс дугдывтӧг буксісны буксанӧн.

Индӧд 31:28

Чукӧртӧй ме дінӧ чужанкотыръяслысь юрнуӧдысьясӧс [ёрдысьясӧс] да веськӧдлысьясӧс. Енэжыс да муыс водзын ме висьтала налы тайӧ кывъяссӧ.

Индӧд 17:18

Ӧксыӧ пуксьӧм бӧрас сійӧ мед аслыс гижас Индӧдсӧ сійӧ небӧгсьыс, мый видзӧны поп-левитъяс.

Лыд 33:2

Овтӧминті мунӧм дырйи Мӧисей гижаліс налысь сувтланінъяссӧ Господьлӧн тшӧктӧм серти.

Петӧм 24:4

Мӧисей гижис Господьлысь кывъяссӧ. Водз асывнас чеччӧм бӧрас сійӧ вӧчис керӧс горулӧ висьпуктанін. Висьпуктанінкӧд орччӧн сувтӧдіс Израиль чужанкотыръяслӧн лыд серти дас кык вежа из.

Лыд 4:5

Израиль войтырлӧн туйӧ петтӧдзыс Аарон пияныскӧд мед пырасны вежа чомйӧ, босьтасны ӧшӧдӧм дӧрасӧ да вевттясны сыӧн Йитӧд кудсӧ.

Лыд 4:6

Йитӧд кудсӧ нӧшта мед вевттясны лӧз рӧма кучик вевттьӧдӧн, а сэсся тупкасны гӧрдовлӧз вурун вевттьӧдӧн. Куд кольчаясас мед сюясны потшъяссӧ.

Индӧд 10:8

Сійӧ кадас Господь торйӧдіс Левий чужанкотырӧс, медым найӧ новлӧдлісны Господьлысь Йитӧд кудсӧ, кесъялісны Господь водзын [кевмысисны] да бурсиисны Сылӧн нимӧн. И тайӧ ӧніӧдз тадзи.

Индӧд 33:10

Яковӧс велӧдӧ Тэнад тшӧктӧмъясӧ, Израильӧс – Тэнад Индӧдӧ. Тэ водзын тшынӧдӧ чӧскыд ӧвтантор, висьпуктанін вылын сотӧ Тэныд висьяс.

Неемий 8:2

Ездра поп вайис Индӧдсӧ, медым лыддьыны сійӧс чукӧртчӧм айулов да аньяс водзын. Сизимӧд тӧлысьлӧн медводдза лунӧ кывзыны чукӧртчисны ставныс, кодъяс сяммисны гӧгӧрвоны.

Ӧксыяслӧн 4 небӧг 17:37

Олӧй Сылӧн индӧд-тшӧктӧмъяс серти, мый Сійӧ гижис тіянлы. Кутчысьӧй Сылӧн тшӧктӧмъясӧ став олӧм чӧжныд да энӧ юрбитӧй мукӧд енъяслы.

Неемий 8:3

Ва дзиръя дорын изэрд вылын шонді петӧмсянь луншӧр кадӧдз Ездра лыддис Индӧдсӧ айуловлы да аньяслы – ставныслы, кодъяс сяммисны гӧгӧрвоны. Став войтырыс сюся кывзіс.