Индӧд 31:4 - Коми Библия 2023

⁴ И тайӧ войтыръясыслы Господь вӧчас сійӧ жӧ, мый вӧчис Сигонлы да Оглы, [Йӧрдан ю таладорын олысь] аморейяслӧн ӧксыяслы, кор бырӧдіс найӧс да налысь мусӧ.

Индӧд 31:4 Referans Kwoze

Индӧд 7:16

Ті бырӧданныд войтыръясӧс, кодъясӧс Господь, тіян Енныд, сетас тіян киӧ. Сьӧлӧмнаныд на дінӧ энӧ нормӧй да налӧн енъяслы энӧ юрбитӧй, медым энӧ шедӧй налькйӧ.

Индӧд 3:21

Сійӧ кадас ме шуи Исуслы: ”Аслад синмӧн тэ аддзылін, мый вӧчис тайӧ кык ӧксыыслы Господь, тіян Енныд. Тадзи Господь вӧчас ӧксылы быд муын, кытчӧ тэ кокнад сувтан.

Индӧд 2:33

Но Господь, миян Енным, сетіс сійӧс миян киӧ. Ми пасьвартім сійӧс, сылысь пиянсӧ да став войтырсӧ.

Индӧд 7:2

Но Господь, тіян Енныд, сетас найӧс тіян киӧ, и ті пасьвартанныд найӧс. Дзикӧдз бырӧдӧй найӧс. Энӧ кӧрталӧй накӧд йитӧд, энӧ лоӧй бур сьӧлӧмаӧсь на дінӧ.

Индӧд 31:3

Господь, тіян Енныд, Ачыс мунас тіян водзвылын. Сійӧ бырӧдас войтыръясӧс тіян водзысь, и ті босьтанныд налысь мусӧ. Тіянӧс нуӧдас Исус, кыдзи висьтавліс Господь.

Индӧд 31:5

Господь сетас найӧс тіян киӧ. Вӧчӧй налы, кыдзи ме тшӧкті тіянлы.

Нав Исус 24:12

Эз тіян шыпуртныд, эз тіян ньӧввужныд вӧтлы аморейяслысь кык ӧксыӧс тіян водзвылысь, а Меӧн мӧдӧдӧм гырысь зіяс.