Индӧд 31:19 - Коми Библия 2023

¹⁹ Сідзкӧ, гижӧй аслыныд тайӧ сьыланкывсӧ да велӧдӧй сьывны Израиль пиянӧс. Тайӧ сьыланкывйыс серти Ме мыжда найӧс, найӧ кӧ оз кывзысьны Менсьым.

Индӧд 31:19 Referans Kwoze

Индӧд 6:7

Велӧд наӧ ныв-питӧ. Висьтав гортад и туйын, висьтав водігад и чеччигад.

Индӧд 31:26

«Босьтӧй тайӧ Индӧд небӧгсӧ да пуктӧй сійӧс асланыд Господь Енлӧн Йитӧд кудкӧд орччӧн, медым Индӧдыс серти тіянӧс лыддьыны мыжаӧн.

Иоан 12:48

Коді оз сибӧд Менӧ да оз босьт Менсьым кывъясӧс, сылӧн эм аслас мыждысь: Менам висьталӧм кывйӧй медбӧръя лунӧ мыждас сійӧс.

Ӧксыяслӧн 2 небӧг 14:3

Мун ӧксы дінӧ да висьтав сылы, мый ме тэныд тшӧкта». Йоав велӧдіс аньӧс, мый шуны ӧксылы.

Индӧд 31:30

Став Израиль войтыр чукӧртчис кывзыны Мӧисейӧс. И Мӧисей сьыліс налы водзысяньыс помӧдзыс тайӧ сьыланкывсӧ.

Индӧд 11:19

Велӧдӧй наӧ ныв-пинытӧ. Висьталӧй гортаныд и туйын, висьталӧй водіганыд и чеччиганыд.

Матвей 10:18

Ме вӧсна тіянӧс нуӧдасны юралысьяс да ӧксыяс водзӧ, медым найӧ да ентӧдтӧмъяс тӧдісны Ме йылысь.

Езекиль 2:5

Кывзас-ӧ тэнӧ тайӧ асныра войтырыс либӧ оз, но найӧ мед тӧдасны, мый на дінӧ воліс пророк.

Еремей 1:9

Господь нюжӧдіс кисӧ, инмӧдчыліс менам вомӧ да шуис меным: – Ассьым кывъясӧс Ме пукті тэнад вомӧ.

Исай 59:21

Тэкӧд, Менам войтырӧй, Ме кӧртала татшӧм йитӧд, – висьталӧ Господь, – Менам Лолӧй лоас тэ вылын, Менам кывъясӧй, мый пукті тэнад вомӧ, пыр лоӧны тэнад вомын, тэсянь чужысьяслӧн вомын да насянь чужысьяслӧн вомын ӧні и нэмъяс чӧж, – висьталӧ Господь.

Исай 51:16

Ассьым кывъясӧс Ме пукті тэнад вомӧ, вевтти тэнӧ Аслам ки вуджӧрӧн. Ме шевкниті енэжсӧ, зумыда сувтӧді мусӧ. Ме шуа Сионлы: «Тэ – Менам войтырӧй!»

Петӧм 4:15

Тэ висьтав сылы Менсьым кывъясӧс, пукті вомас, мый шуны. Ме лоа тіянкӧд, кор ті кутанныд сёрнитны, да велӧда, мый колӧ вӧчны.

Индӧд 31:18

Ме тупка наысь Ассьым чужӧмбанӧс налӧн мыж вӧчӧм вӧсна, ӧд найӧ бергӧдчисны мукӧд енъяслань.

Псалтыр 102:18

Сійӧ веськыда вӧчӧ ныв-пиныдлӧн ныв-пиыслы, кодъяс видзӧны Сылысь йитӧдсӧ, оз вунӧдны Сылысь тшӧктӧмъяссӧ, а олӧны на серти.

Индӧд 32:1

– Кывзы, енэжыс, мый ме висьтала, кывзы, муыс, менсьым кывъясӧс.

Нав Исус 24:27

Исус шуис войтырыслы: «[Локтан кадӧ] тайӧ изйыс казьтылас, мый ті мыжаӧсь, ті кӧ соссянныд [Господьысь,] асланыд Енмысь. Ӧд тайӧ изйыс кывліс Господьлысь став кывсӧ, мый Сійӧ висьталіс миянлы [талун]».