Индӧд 30:7 - Коми Библия 2023

⁷ и Господь, тіян Енныд, став ёрӧмсӧ бергӧдас тіян вӧрӧгныд вылӧ да тіянӧс мустӧмтысьяс вылӧ, кодъяс тіянӧс дзескӧдісны.

Индӧд 30:7 Referans Kwoze

Индӧд 7:15

Господь [тіян Енныд] ылыстас тіян дінысь висьӧмъяс, мый ті [аддзылінныд да] тӧдмалінныд Египетын. Сійӧ ыстас висьӧмъяссӧ на вылӧ, кодъяс мустӧмтӧны тіянӧс.

Исай 10:12

Кор Господь помӧдз вайӧдас Ассьыс уджсӧ Сион керӧс вылын да Ерусалимын, Сійӧ мынтысяс ассурса ӧксылы сылӧн вылӧ кыпӧдчӧмысь да ышнясьӧмысь.

Лыд 24:14

Со, ме муна аслам войтыр дінӧ. Ӧні тэ кывзы, и ме висьтала, мый Израиль войтыр вӧчас тэнад войтырлы локтана кадӧ».

Закар 12:3

Сійӧ лунӧ, кор войтыръяс чукӧртчасны Ерусалимлы паныд, Ме вӧча Ерусалимӧс налы сьӧкыд изйӧн. Коді вӧрзьӧдас изсӧ, асьсӧ вирӧдз дойдалас.

Авдий 1:10

Ассьыд Яков воктӧ дзескӧдӧм вӧсна тэнӧ лоӧ янӧдӧма, Исав, тэнӧ лоӧ пыр кежлӧ бырӧдӧма.

Амос 1:13

Господь тадзи висьталӧ: – Аммон войтыр мыж бӧрся мыж вӧчисны, та вӧсна Ме ог веж Ассьым мыждана шуӧмӧс. Найӧ ӧд виисны йӧзсӧ Галаадын, весиг кынӧма аньяслысь рушкунысӧ вожӧдісны, медым паськӧдны ассьыныс оланінсӧ.

Амос 1:11

Господь тадзи висьталӧ: – Эдом войтыр мыж бӧрся мыж вӧчисны, та вӧсна Ме ог веж Ассьым мыждана шуӧмӧс. Найӧ ӧд шыпуртӧн дзескӧдісны вокъяснысӧ, эз жалитны найӧс, налӧн ыпъялан скӧрлуныс эз дугдыв, лӧгалӧмыс эз куслы.

Амос 1:9

Господь тадзи висьталӧ: – Тир карын олысьяс мыж бӧрся мыж вӧчисны, та вӧсна Ме ог веж Ассьым мыждана шуӧмӧс. Найӧ ӧд пленӧ босьтӧмаясӧс вузалісны эдом войтырлы, вокыскӧд кӧрталӧм йитӧдсӧ вунӧдісны.

Амос 1:6

Господь тадзи висьталӧ: – Газа карын олысьяс мыж бӧрся мыж вӧчисны, та вӧсна Ме ог веж Ассьым мыждана шуӧмӧс. Найӧ ӧд уна войтырӧс нуӧдісны пленӧ, вузалісны найӧс эдом войтырлы.

Амос 1:3

Господь тадзи висьталӧ: – Дамаск карын олысьяс мыж бӧрся мыж вӧчисны, та вӧсна Ме ог веж Ассьым мыждана шуӧмӧс. Найӧ ӧд кӧртысь вӧчӧм вартан гӧгыльӧн Галаад му вывті мунісны.

Езекиль 25:15

Господь Ыджыдыс тадзи висьталӧ: филистимсаяс дугдывтӧг мустӧмтісны да пыр кӧсйисны бырӧдны Иуда войтырӧс. Найӧ увтыртісны да водзӧс перйисны Иуда войтырлысь.

Езекиль 25:12

«Господь Ыджыдыс тадзи висьталӧ: эдом войтыр ёна мыжмис, ӧд чорыда водзӧс перйис Иуда войтырлысь.

Езекиль 25:8

Господь Ыджыдыс тадзи висьталӧ: моавсаяс да Сеир керӧсвыв муын олысьяс шуӧны, Иуда войтыр пӧ оз торъяв мукӧд войтыръясысь.

Езекиль 25:6

Господь Ыджыдыс тадзи висьталӧ: ті клопайтӧмӧн, чеччалӧмӧн да лёкӧдӧмӧн нимкодясинныд сыысь, мый суис Израиль муӧс.

Езекиль 25:3

Тшӧкты налы кывзыны Господь Ыджыдлысь кывсӧ. Господь Ыджыдыс тадзи висьталӧ: ті сералінныд, кор Менсьым вежаинӧс пежалісны, Израиль муӧс куштісны да Иуда войтырӧс нуӧдісны пленӧ.

Еремей 25:29

Со, тайӧ карыс вылӧ, мый сиӧма Менам нимлы, Ме мӧдӧда шог. Гашкӧ, ті чайтанныд, мый тіянӧс оз ло мыждӧма? Но мыждӧмысь ті онӧ пышйӧй, ӧд му вылас став олысьыс вылӧ Ме мӧдӧда шыпурт, – висьталӧ Господь Саваоф. –

Петӧм 23:22

[Ті кӧ кутанныд кывзысьны Менсьым да вӧчны ставсӧ, мый тшӧкта тіянлы, видзанныд кӧ йитӧдӧс, мый Ме кӧрталі тіянкӧд, сэки ті став войтыръяс пӧвстысь лоанныд Менам бӧрйӧм войтырӧн, ӧд муыс ставнас Менам. Ме – Ӧксыыс, а ті лоанныд Ӧксылӧн поп рӧднас да вежа войтырнас. Тайӧс висьтав Израиль пиянлы.] Ті кӧ кутанныд кывзысьны да вӧчны ставсӧ, мый Ме тшӧкта, сэки тіянӧс мустӧмтысьясӧс да дзескӧдысьясӧс Ме кута мустӧмтны-дзескӧдны.

Индӧд 30:8

Ті бӧр бергӧдчанныд Господьлань [асланыд Енлань], кутанныд кывзысьны Сылысь да овны Сылӧн став тшӧктӧмыс серти, мый талун висьтала тіянлы.

Лыд 24:9

Ті воданныд да куйланныд левъяс моз. Коді лысьтас чеччӧдны тіянӧс? Тіянӧс бурсиысьясӧс лоӧ бурсиӧма, тіянӧс ёрысьясӧс – ёрӧма.

Еремей 30:16

Но тэнӧ бырӧдысьясӧс лоӧ бырӧдӧма, тэнӧ дзескӧдысьясӧс лоӧ нуӧдӧма пленӧ, тэнсьыд мырддялысьяслысь лоӧ мырддьӧма, тэнӧ куштысьясӧс Ме кушта.