Индӧд 30:19 - Коми Библия 2023

¹⁹ Талун енэжыс да муыс водзын вӧзъя тіянлы олӧм и кулӧм, бурсиӧм и ёрӧм. Бӧрйӧй олӧмсӧ, медым ті да тіянсянь чужысьяс олінныд

Индӧд 30:19 Referans Kwoze

Индӧд 30:15

Талун ме пукті тіян водзӧ олӧмсӧ да бурсӧ, кулӧмсӧ да лёксӧ.

Индӧд 11:26

Талун ме вӧзъя тіянлы бурсиӧм и ёрӧм.

Шусьӧгъяс 8:36

Меным паныд мыж вӧчысь аслыс лёксӧ вӧчӧ, менӧ мустӧмтысь кулӧмсӧ радейтӧ».

Индӧд 30:1

«Кор тіянлы инас бурсиӧмыс и ёрӧмыс, мый ме вӧзъя тіянлы, и кор ті сьӧлӧмнад гӧгӧрвоанныд тайӧс мукӧд войтыръяс пӧвстын, кытчӧ разӧдас тіянӧс Господь, тіян Енныд,

Лука 10:42

а коланаыс сӧмын ӧтитор. Марья бӧрйис бурджыксӧ, и тайӧс сылысь оз мырддьыны».

1 Тимофейлы 5:21

Ен водзын, Господь Исус Кристос водзын да бӧрйӧм анделъяс водзын кора тэнӧ: кутчысь тайӧ туйдӧдӧмас. Нинӧм эн вӧч ассяньыд, чужӧм вылӧ видзӧдӧмӧн.

Еремей 32:39

Ме сета налы ӧти кӧсйӧм да ӧти туй, медым став олӧм чӧжныс найӧ вежавидзӧмӧн полісны Меысь, ӧд тайӧ лоӧ налы да налӧн челядьлы бур вылӧ.

Индӧд 4:26

Талун енэжыс да муыс водзын шуа, мый татшӧмсӧ вӧчӧм вӧсна ті регыдъя кадӧн быранныд сійӧ му вывсьыс, кодӧс босьтны вуджанныд Йӧрдан ю сайӧ. Ті онӧ дыр кутӧй сэні овны, тіянӧс лоӧ бырӧдӧма.

Ап. уджъяс 2:39

Ӧд тайӧс кӧсйысьӧма тіянлы, тіян ныв-пилы да став ылісаыслы – дзик быдӧнлы, кодӧс корас Господь, миян Енным».

Индӧд 31:28

Чукӧртӧй ме дінӧ чужанкотыръяслысь юрнуӧдысьясӧс [ёрдысьясӧс] да веськӧдлысьясӧс. Енэжыс да муыс водзын ме висьтала налы тайӧ кывъяссӧ.

Индӧд 32:1

– Кывзы, енэжыс, мый ме висьтала, кывзы, муыс, менсьым кывъясӧс.

Исай 1:2

Кывзы, енэжыс, кывзы, муыс! Господь тадзи висьталӧ: – Ме быдті челядьӧс, но найӧ кыпӧдчисны Меным паныд.

Шусьӧгъяс 1:29

Ӧд тӧдӧмлунсӧ ті мустӧмтінныд, Господьысь полӧмсӧ энӧ бӧрйӧй,

Исай 56:4

Господь тадзи висьталӧ: – Евнукъяслы, кодъяс пыдди пуктӧны шойччан лун, вӧчӧны Меным шогманасӧ да кутчысьӧны Менам йитӧдӧ,

Олӧм 2:17

сӧмын бурсӧ и лёксӧ тӧдмалан пуысь эн сёй. Сёян кӧ, сійӧ жӧ лунӧ кулан».

Индӧд 4:1

«Израиль войтыр, кывзӧй индӧд-тшӧктӧмъяс, мыйӧ [талун] велӧда тіянӧс. Кутчысьӧй наӧ, медым ті олінныд [чужтысинныд-рӧдминныд] да босьтінныд аслыныд сійӧ мусӧ, мый Господь, тіян батьяслӧн Ен, сетӧ тіянлы.

Индӧд 4:6

Видзӧй тшӧктӧмъяссӧ да олӧй на серти, сэки мукӧд войтыръяс аддзасны, кутшӧм ті мывкыдӧсь да сюсьӧсь. И кор найӧ кыласны тайӧ тшӧктӧмъясыс йылысь, сэки шуасны: ”Кутшӧм мывкыд да сюсь тайӧ вына войтырыс!”

Индӧд 30:16

Кутанныд кӧ кывзыны асланыд Господь Енлысь тшӧктӧмъяссӧ, мый талун висьтала тіянлы, кутанныд кӧ радейтны Господьӧс, ассьыныд Ентӧ, ветлыны Сылӧн туйясӧд да овны Сылӧн индӧд-тшӧктӧмъяс серти, сэки ті кутанныд овны да чужтысьны-рӧдмыны. Господь, тіян Енныд, бурсиас тіянӧс сійӧ муас, кытчӧ ті мунанныд сійӧс босьтӧм могысь.

Еремей 21:8

Господь шуис меным: «Юӧрт Иуда войтырлы, мый Господь тадзи висьталӧ: Ме сета тіянлы бӧрйыны олӧмыслысь туйсӧ да кулӧмыслысь туйсӧ.

Индӧд 4:25

Сійӧ муас олігӧн, кор тіян чужасны ныв-пи, и налӧн чужасны челядь, видзчысьӧй, медым энӧ сетчӧй пежас да энӧ вӧчӧй некутшӧм бӧлбанӧс либӧ серпасалӧм идолӧс. Татшӧм шогмытӧмсӧ кӧ вӧчанныд Господь Енныд водзын, ті дӧзмӧданныд Сійӧс.

Индӧд 6:2

Полӧй Господьысь, асланыд Енмысь, ті, тіян ныв-пиныд да налӧн ныв-пиыс. Став олӧм чӧжныд олӧй Сылӧн индӧд-тшӧктӧмъяс серти, мый ме [талун] висьтала тіянлы. Сэки тіян олӧмныд лоӧ кузь нэма.

Индӧд 31:17

Сійӧ лунӧ Ме скӧрма на вылӧ да эновта найӧс. Ме тупка Ассьым чужӧмбанӧс наысь, и уна шог да сьӧкыдлун суас найӧс. Сійӧ лунӧ найӧ шуасны, мый шогъясыс суисны найӧс сы вӧсна, мый [Господь] налӧн Енныс абу накӧд.

Шусьӧгъяс 9:11

Ме, мывкыдлуныс, олан лунъястӧ тэнсьыд содта, олан воястӧ тэнсьыд нюжӧда.

Шусьӧгъяс 12:28

Веськыдлуныслӧн туйыс олӧмӧ нуӧдӧ, сэні кулӧмыс абу.

Еремей 42:21

Талун ме юӧрті тіянлы, мый висьталіс Господь, тіян Енныд, но ті энӧ кывзысьӧй Сылысь. Господь мӧдӧдіс менӧ висьтавны тіянлы, но ті энӧ кывзӧй.

Езекиль 20:11

Сэні Ме сеті налы индӧд-тшӧктӧмъясӧс, и на серти олысь видзас ассьыс олӧмсӧ.