Индӧд 3:22 - Коми Библия 2023

²² Энӧ полӧй наысь. Господь, тіян Енныд, Ачыс тышкасьӧ тіян пыдди”».

Индӧд 3:22 Referans Kwoze

Индӧд 20:4

Ӧд Господь, тіян Енныд, тышӧ петас тіянкӧд ӧтвылысь, медым тіян пыдди тышкасьны вӧрӧгныдкӧд да сетны тіянлы вермӧм”.

Петӧм 14:14

Ачыс Господь кутас тышкасьны тіян пыдди, а ті чӧв олӧй!»

Индӧд 1:30

Господь, тіян Енныд, мунӧ тіян водзвылын. Сійӧ вермасьӧ тіян пыдди. Асланыд синмӧн ті аддзылінныд, мый Сійӧ вӧчис тіянлы Египетын.

2 Каднебӧг 20:29

Став муясын олысьяс кутісны повны Енсьыс, кор найӧ кылісны, мый Ачыс Господь тышкасис Израильлӧн вӧрӧгкӧд.

2 Каднебӧг 20:17

Энӧ тышкасьӧй накӧд, сӧмын сулалӧй да видзӧдӧй, кыдзи Господь мездас тіянӧс. Иудаын да Ерусалимын олысьяс, энӧ полӧй да энӧ тіралӧй! Петӧй аски налы паныд. Господь лоӧ тіянкӧд».

Нав Исус 10:42

Ӧтчыдысь уськӧдчӧмӧн сійӧ пасьвартіс тайӧ муяссӧ да налысь ӧксыяссӧ, ӧд Господь, Израильлӧн Ен, тышкасис Израиль вӧсна.

Псалтыр 44:3

Ӧксыӧй, став йӧзыс пӧвстысь тэ медся мичаыс, тэнад вомысь петӧны мелі кывъяс, та вӧсна Енмыс бурсиис тэнӧ нэмъяс кежлӧ.

2 Каднебӧг 13:12

Енмыс миянкӧд, Сійӧ – миян юралысьным. Кор Сылӧн попъясыс кутасны тутсыны трубаясӧ, ми петам тышӧ тіянлы паныд. А ті, Израиль войтыр, энӧ тышкасьӧй Господькӧд, тіян батьяслӧн Енкӧд, ӧд тіян оз ло вермӧмыс».

Лыд 21:34

Господь шуис Мӧисейлы: «Эн пов сыысь. Тэнад киӧ Ме сета сійӧс, сылысь войтырсӧ да мусӧ. Пасьварт сійӧс, кыдзи тэ пасьвартін аморей войтырлысь Сигон ӧксысӧ, коді юраліс Хешбонын».

Индӧд 3:21

Сійӧ кадас ме шуи Исуслы: ”Аслад синмӧн тэ аддзылін, мый вӧчис тайӧ кык ӧксыыслы Господь, тіян Енныд. Тадзи Господь вӧчас ӧксылы быд муын, кытчӧ тэ кокнад сувтан.

Индӧд 3:23

«Сійӧ кадас ме кевмыси Господьлы:

Индӧд 20:1

«Кор ті петанныд тышӧ да аддзанныд, мый вӧрӧглӧн вӧв-тарантасыс да тышкайӧзыс унджык тіян дорысь, энӧ полӧй, ӧд тіянкӧд Господь, тіян Енныд, коді петкӧдіс тіянӧс Египет муысь.

Нав Исус 23:10

Тіян ӧти морт вӧтлас сюрс мортӧс, ӧд Ачыс Господь, тіян Енныд, вермасьӧ тіян вӧсна, кыдзи и кӧсйысис тіянлы.

Неемий 4:20

Та вӧсна, кысянь кыланныд буксан шы, сэтчӧ миян дінӧ чукӧртчӧй. Миян Енным кутас тышкасьны миян пыдди!»

Петӧм 14:25

Господь вӧчис сідзи, мый тарантасысь гӧгыльясыс усьласисны, и египетсаяс ӧдва вермисны муннысӧ. «Колӧ пышйыны Израиль войтырысь, – шуисны найӧ, – ӧд Ачыс Господь на пыдди тышкасьӧ Египеткӧд».