Индӧд 3:11 - Коми Библия 2023

¹¹ Васанса Ог ӧксы вӧлі рефа войтырысь медбӧръя морт. Сылӧн кӧртысь вӧчӧм гортйыс куйлӧ аммон войтырлӧн Равва карын. Сылӧн гортйыс ӧкмыс гырддза кузьта, нёль гырддза пасьта».

Индӧд 3:11 Referans Kwoze

Олӧм 14:5

Дас нёльӧд вонас Кедорлаомер ӧксы да сыкӧд ӧтувтчӧм ӧксыяс локтісны да пасьвартісны рефаясӧс Аштерот-Карнаимын, зузъясӧс Гамын, эмиясӧс Шаве-Киръятаимын,

Еремей 49:2

Воасны лунъяс, – висьталӧ Господь, – кор Ме чукӧста йӧзӧс тышӧ петны аммон войтырлӧн Равва карлы паныд. Сэки Равва кар лоӧ из чукӧрӧн, сыгӧгӧрса сиктъяссӧ биӧн сотасны. Израиль бӧр бергӧдас аслыс мусӧ, мый сылысь босьтісны, – висьталӧ Господь.

Ӧксыяслӧн 2 небӧг 12:26

Йоав уськӧдчис аммон войтырлӧн Равва кар вылӧ и босьтіс ӧксылысь изкарсӧ.

Амос 2:9

Тіян вӧсна Ме бырӧді аморейясӧс, кодъяс вӧліны сус пу кодь кузьӧсь, тупу кодь ёнӧсь. Ме бырӧді найӧс вужвыйӧдзныс, ӧти вотӧс эг коль.

Амос 1:14

Та понда Равва карлысь стенъяссӧ Ме биӧн сота. Тышкайӧзлӧн горзӧм улӧ, ыджыд тӧвнырлӧн омлялӧм улӧ изкарсӧ би ньылыштас.

Езекиль 21:20

Ӧти туйӧдыс шыпурт мед мунас аммон войтырлӧн Равва карӧ, а мӧд туйӧдыс – Иуда муӧ, зумыдмӧдӧм Ерусалим карӧ.

Ӧксыяслӧн 2 небӧг 11:1

Во мысти, буретш сійӧ кадӧ, кор ӧксыяс петавлӧны тышӧ, Давид мӧдӧдіс Йоавӧс, став израильса тышкайӧзсӧ да налысь веськӧдлысьяссӧ тыш вылӧ. Найӧ пасьвартісны аммон войтырӧс да кытшалісны Равва кар. А Давид тайӧ кадас вӧлі Ерусалимын.

Ӧксыяслӧн 1 небӧг 17:4

Филистимса чукӧрысь петіс Гефын олысь Голиаф нима вермасьысь. Сійӧ вӧлі зэв ыджыд тушаа – квайт гырддза да весьт кузьта.

Индӧд 2:20

Тайӧ мусӧ лыддисны тшӧтш рефа войтырлӧн муӧн, ӧд войдӧр найӧ олісны сэні. Аммон войтыр шуис найӧс замзум войтырӧн.

Индӧд 2:11

Енаксянь чужысьясӧс моз найӧс лыддьӧны рефа войтырӧн, а моавсаяс шуӧны найӧс эми войтырӧн.

Восьтӧм 21:17

Сэсся андел мурталіс карлысь стенсӧ, кыдзи мувывса йӧз мурталӧны, да стенлӧн джудждаыс лои сё нелямын нёль гырддза.

Нав Исус 12:4

Васанса Ог ӧксы вӧлі рефа войтырысь медбӧръя морт. Сылӧн юркаръяснас вӧліны Аштарот да Эдрей каръяс.

Нав Исус 13:12

Васан муыс вӧлі Ог ӧксылӧн, коді юраліс Аштарот да Эдрей каръясын. Сійӧ вӧлі рефа войтырысь медбӧръя морт. Мӧисей вермис тайӧ войтырсӧ да босьтіс налысь мусӧ.

Езекиль 25:5

Ме вӧча Равва карнытӧ верблюдъяслы оланінӧн, мунытӧ – ыжъяслы йирсянінӧн. Сэки ті тӧдмаланныд, мый Ме – Господь.

Олӧм 6:15

Кузьтанас ковчегыс мед лоас куимсё гырддза, пасьтанас – ветымын гырддза, а джуджданас – комын гырддза.