Индӧд 29:13 - Коми Библия 2023

¹³ Талун Сійӧ шуӧ тіянӧс Аслас войтырӧн, а Асьсӧ шуӧ тіян Енмӧн, кыдзи Сійӧ висьталіс тіянлы да мый йылысь кыв сетліс Ӧвраам, Исаак да Яков батьясныдлы.

Индӧд 29:13 Referans Kwoze

Петӧм 6:7

Ті лоанныд Менам войтырӧн, а Ме – тіян Енмӧн. Ті тӧдмаланныд, мый Ме – Господь, тіян Енныд, коді петкӧдіс тіянӧс египетсалӧн нартитӧм улысь.

Олӧм 17:7

Ме кӧртала тэкӧд да тэсянь чужысьяскӧд нэмъяс кежлӧ йитӧд, Ме лоа тэнад да тэсянь чужысьяслӧн Енмӧн.

Индӧд 28:9

Господь [тіян Енныд] вӧчас тіянӧс Аслас вежа войтырӧн, ті кӧ кутанныд овны асланыд Господь Енлӧн тшӧктӧмъяс серти да ветлыны Сылӧн туйясӧд. Ӧд та йылысь Сійӧ кыв сетіс тіянлы [да батьясныдлы].

Еврейяслы 11:16

Но найӧ кӧсйисны овмӧдчыны бурджык муӧ – енэжӧ. Та вӧсна Енмыс оз яндысь шуны Асьсӧ налӧн Енмӧн, ӧд Сійӧ дасьтіс налы кар.

Еремей 32:38

Найӧ лоӧны Менам войтырӧн, а Ме – налӧн Енмӧн.

Индӧд 7:6

Ӧд ті – Господь Енлӧн вежа войтырыс. Господь, тіян Енныд, бӧрйис тіянӧс мувывса войтыръяс пӧвстысь, медым ті вӧлінныд Сылӧн войтырӧн.

Олӧм 17:8

Тэныд да тэсянь чужысьяслы Ме сета тайӧ мусӧ, кӧні тэ ӧні локтысь морт моз олан. Ханаан мусӧ ставнас сета тэсянь чужысьяслы нэмъяс кежлӧ да лоа налӧн Енмӧн».

Индӧд 29:12

Ті локтінныд татчӧ, медым Господь, тіян Енныд, кыв сетӧмӧн кӧрталас тіянкӧд йитӧд.