Индӧд 28:7 - Коми Библия 2023

⁷ Господь сетас тіянлы вермыны вӧрӧгнытӧ, кодъяс сувтасны тіянлы паныд. Найӧ локтасны ӧти туйӧд, а пышъясны тіянысь сизимлаӧд.

Индӧд 28:7 Referans Kwoze

2 Каднебӧг 19:4

Иосафат оліс Ерусалимын. Бер-Шевасянь да Ефрем керӧсвыв муӧдз сійӧ унаысь кытшовтіс мусӧ да аддзысьліс войтырыскӧд. Сійӧ бӧр бергӧдіс найӧс Господьлань, налӧн батьяслӧн Енлань.

Нав Исус 8:22

Карсӧ сотӧм бӧрын израильса кыйӧдчысьяс тшӧтш уськӧдчисны гайса айулов вылӧ. Тадзи израильсаяс кыкнанладорсяньыс топӧдісны найӧс да виалісны ставнысӧ. Некод ловйӧн эз коль, некод эз вермы пышйыны.

Индӧд 28:25

Господь сетас вӧрӧгныдлы вермыны тіянӧс. Налы паныд ті мунанныд ӧти туйӧд, а пышъянныд наысь сизимлаӧд. Став войтыръяс повзясны сыысь, мый лоӧ тіянкӧд.

Нав Исус 10:42

Ӧтчыдысь уськӧдчӧмӧн сійӧ пасьвартіс тайӧ муяссӧ да налысь ӧксыяссӧ, ӧд Господь, Израильлӧн Ен, тышкасис Израиль вӧсна.

Индӧд 32:30

Кыдзи нӧ ӧти мортыс сюрсӧс вермис вӧтлыны, а кыкӧн – дас сюрсӧс, эз кӧ Дорйысьныс вузав найӧс, эз кӧ Господь сет найӧс вӧрӧг киӧ.

Индӧд 28:6

Бурсиӧма тэнӧ гортад локтігӧн и гортсьыд мунігӧн.

Индӧд 28:8

Господь бурсиас тіянӧс да тіянлысь нянь йӧртӧднытӧ. Господь, тіян Енныд, бурсиас тіянӧс быд уджын сійӧ муас, мый сетас тіянлы.

Нав Исус 23:10

Тіян ӧти морт вӧтлас сюрс мортӧс, ӧд Ачыс Господь, тіян Енныд, вермасьӧ тіян вӧсна, кыдзи и кӧсйысис тіянлы.

Ӧксыяслӧн 4 небӧг 7:5

Рытъя рӧмыднас найӧ мӧдӧдчисны арамейяслӧн сувтанінӧ. Кор воисны сэтчӧ, некодӧс эз аддзыны.