Индӧд 28:63 - Коми Библия 2023

⁶³ Кыдзи Господь нимкодясис, кор вӧчис тіянлы бурсӧ да содтіс тіянӧс, сідзи жӧ Сійӧ кутас нимкодясьны, кор бырӧдас тіянӧс. Вужнаныд тіянӧс лоӧ нетшыштӧма сійӧ мусьыс, кытчӧ ті мунанныд сійӧс босьтӧм могысь.

Индӧд 28:63 Referans Kwoze

Шусьӧгъяс 1:26

Та вӧсна ме кута серавны, кор ті кутанныд сьӧкыдсӧ нуны, кута нимкодясьны, кор тіянӧс полӧмыс босьтас,

Еремей 32:41

Ме кута нимкодьпырысь вӧчны налы бурсӧ, Ме зумыда вужйӧда найӧс тайӧ муас, и вӧча тайӧс став сьӧлӧмсянь.

Софоний 3:17

Господь, тэнад Енмыд, тэ пӧвстын, Сійӧ вына мездыны тэнӧ. Тэ вӧсна Сійӧ кутас долыда нимкодясьны, кыпыда гажӧдчыны. Сійӧ лоӧ бур сьӧлӧма тэ дінӧ, ӧд тэ Сылы муса.

Езекиль 5:13

Ме кисьта Ерусалимын олысьяс вылӧ Ассьым скӧрлунӧс, койышта на вылӧ Ассьым ярлунӧс, и сӧмын та бӧрын бурмас Менам сьӧлӧмӧй. Кор Менам скӧрлунӧй мунас на вывті, найӧ тӧдмаласны, мый вежӧгтӧмпырысь Ме, Господь, мыжді найӧс.

Исай 1:24

Вӧрӧгъясӧс Ме верма, паныд сувтысьяслысь Ме водзӧс перъя, – висьталӧ Ыджыдыс, Господь Саваоф, Израильлӧн вына Ен.

Индӧд 30:9

Господь, тіян Енныд, сетас тіянлы унасьыс-уна бурсӧ: уна ныв-пи, уна ыж-мӧс да уна мувыв быдтас-вотӧс. Тіян ставыс артмас. Господь [тіян Енныд] кутас бара нимкодясьны тіян вӧсна да тіян бур олӧмныд вӧсна, кыдзи Сійӧ нимкодясис батьясныд вӧсна.

Лука 15:32

Вокыд вӧсна колӧ гажӧдчыны-нимкодясьны, ӧд сійӧ вӧлі кулӧма, а ӧні ловъя, вӧлі вошӧма, а ӧні сюрис”».

Микей 7:18

Тэ кодь мӧд енмыс абу! Тэ прӧститан мыжъяс, Ассьыд коляс войтыртӧ лёк вӧчӧмысь он мыжды. Тэ он скӧрав нэмъяс чӧж, ӧд Тэ бур сьӧлӧма.

Даниил 7:8

Менам видзӧдігкості тайӧ сюръяс пӧвстас быдмис ӧти ичӧт сюр. Дас сюр пӧвстсьыс куимсӧ вӧлі нетшыштӧма, медым сетны места быдмыны ичӧт сюрыслы. Тайӧ сюрыслӧн вӧліны мортлӧн кодь синъяс да ышнясьӧмӧн сёрнитысь вом.

Езекиль 33:11

Шу налы, мый Ме ог кӧсйы, медым мыжа морт куліс, – висьталӧ Господь Ыджыдыс. – Но кӧсъя, медым сійӧ бергӧдчис аслас лёк туй вылысь да видзис ассьыс олӧмсӧ. Тайӧс Ме Ачым кыв сетӧмӧн шуа. Бергӧдчӧй асланыд лёк туй вылысь! Мыйла тіянлы кувнысӧ, Израиль войтыр?

Еремей 45:4

Но Господь тшӧктіс меным юӧртны тэныд, мый Сійӧ тадзи висьталӧ: ”Мый Ме лэпті, жугӧда, и мый Ме вужйӧді, нетшка. Вӧча тайӧс став му пасьталаыс.

Еремей 42:10

”Ті кӧ кольччанныд тайӧ муас, Ме ёнмӧда тіянӧс, ог пазӧд, Ме вужйӧда тіянӧс, ог нетшышт. Ме вӧчи тіянлы лёксӧ, и шогся та вӧсна.

Еремей 31:40

Став ковтысыс, кытчӧ гуалӧма морт шойяс да шыблалӧма сотӧм висьяслысь пӧимсӧ, тшӧтш асыввылын став видз-муыс Кедрон ковтысӧдз да Вӧв дзиръя пельӧсӧдз лоӧны Господьлӧн вежа карӧн. Тайӧ карсӧ сэсся некор оз ло пазӧдӧма-бырӧдӧма.

Еремей 31:28

Водзын Ме тӧждыси, медым нетшкыны-пазӧдны, жугӧдны-бырӧдны найӧс да лёксӧ вӧчны налы. Ӧні Ме тадзи жӧ тӧждыся, медым лэптыны да быдтыны найӧс, – висьталӧ Господь.

Еремей 24:6

Налы бур вылӧ Ме веськӧда Ассьым синмӧс налань да бӧр бергӧда найӧс тайӧ муас. Ме ёнмӧда найӧс, ог пазӧд, Ме вужйӧда найӧс, ог нетшышт.

Еремей 18:7

Ме верма шуны кутшӧмкӧ войтыр йылысь, мый Ме вужнас нетшышта сійӧс да пазӧда-бырӧда.

Исай 62:5

Кыдзи том зон ӧтлаасьӧ том нывкӧд, сідзи тэнад войтырыд ӧтлаасьӧ тэкӧд. Кыдзи верӧспу нимкодясьӧ гӧтырпуыс вӧсна, сідзи тэнад Енмыд пондас нимкодясьны тэ вӧсна.

Индӧд 7:22

Господь, тіян Енныд, кутас вочасӧн вӧтлыны тіян водзысь войтыръясӧс. Ті онӧ вермӧй бырӧдны найӧс регыдъя кадӧн, медым [муыс эз овтӧммы, и] звер лыдыс эз сод.

Олӧм 6:7

И шуис Господь: «Бырӧда му вылысь мортӧс, кодӧс Ме вӧчи. Бырӧда йӧзӧс и ыж-мӧскӧс, гаг-веглясьысьясӧс и енэжвыв лэбачьясӧс. Бурджык, эг кӧ вӧчлы найӧс».

Шусьӧгъяс 2:22

А лёк вӧчысьясӧс лоӧ бырӧдӧма му вывсьыс, ылӧдчысьясӧс лоӧ нетшыштӧма вужнас.

Индӧд 4:27

Господь разӧдас тіянӧс мукӧд войтыръяс пӧвстӧ. Сэні, кытчӧ Господь вӧтлас тіянӧс, ті лоанныд этша лыдаӧсь.

Исай 6:11

Сэсся ме юалі: «Господьӧй, дыр-ӧ тадзи лоӧ?» Сійӧ вочавидзис: «Кытчӧдз каръяс оз кушмыны, керкаясын оз коль олысьыс, и муыс дзикӧдз оз энды.

Еремей 42:2

да шуисны Еремей пророклы: «Корам тэнӧ, кывзы миянӧс да кевмысь Господьлы, аслад Енлы, миян вӧсна, тайӧ коляс йӧзыс вӧсна. Ми вӧлім унаӧн, а колим этшаӧн, тэ ӧд ачыд аддзан тайӧс.

Бӧрданкыв 2:9

Карса дзиръяяс муас вӧйисны, иган-тасъяссӧ Сійӧ пасьйис. Ӧксы да юралысьяс олӧны мукӧд войтыр пӧвстын, Енлысь Индӧдсӧ оз велӧдны, Господьсянь петкӧдчылӧмыс пророкъяслы абу.

Амос 5:3

Господь Ыджыдыс тадзи висьталӧ: – Израильса карысь кӧ тышӧ петас сюрс морт, ловйӧн кольӧ сӧмын сёыс. Петас кӧ сё морт, ловйӧн кольӧ дасыс.