Индӧд 28:62 - Коми Библия 2023

⁶² Ті вӧлінныд енэжвыв кодзувъяс мында, но этшаӧн колянныд, ӧд ті энӧ кывзысьӧй Господьлысь, асланыд Енлысь.

Индӧд 28:62 Referans Kwoze

Неемий 9:23

Налысь пиянсӧ Тэ рӧдмӧдін енэжвыв кодзувъяс мында. Тэ вайӧдін найӧс сійӧ муас, мый йылысь Тэ кӧсйысьлін налӧн батьяслы.

Индӧд 10:22

Египетӧ локтігӧн тіян батьяслӧн лыдыс вӧлі сизимдас [вит] морт, а ӧні Господь, тіян Енныд, содтіс тіянӧс, и ті лоинныд енэжвыв кодзувъяс мында».

Индӧд 4:27

Господь разӧдас тіянӧс мукӧд войтыръяс пӧвстӧ. Сэні, кытчӧ Господь вӧтлас тіянӧс, ті лоанныд этша лыдаӧсь.

Марк 13:20

Господь кӧ тайӧ кадсӧ оз дженьдӧд, ловъя морт оз коль. Но Аслас бӧрйӧмаяс вӧсна Сійӧ дженьдӧдас тайӧ кадсӧ.

Еремей 42:2

да шуисны Еремей пророклы: «Корам тэнӧ, кывзы миянӧс да кевмысь Господьлы, аслад Енлы, миян вӧсна, тайӧ коляс йӧзыс вӧсна. Ми вӧлім унаӧн, а колим этшаӧн, тэ ӧд ачыд аддзан тайӧс.

Исай 24:6

Та вӧсна ёрӧмыс бырӧдӧ мусӧ, му вылын олысьяс вештысьӧны асланыс мыжысь. Му вылын олысьяс бырӧны, йӧзыс коли зэв этша.

Неемий 7:4

Ерусалим кар вӧлі паськыд да ыджыд, но олысьыс сэні вӧлі этша на, и керкаяссӧ абу на вӧлі вӧчӧма.

Ӧксыяслӧн 4 небӧг 24:14

Ерусалимысь став олысьсӧ, став веськӧдлысьсӧ да тышкайӧзсӧ Навукодоносор нуӧдіс пленӧ. Налӧн лыдыс вӧлі дас сюрс морт. Сійӧ нӧшта нуӧдіс пленӧ став тшупсьысьсӧ да дорччысьсӧ, колис Ерусалимӧ сӧмын гӧль йӧзӧс.

Исай 1:9

Господь Саваоф кӧ эз видз коляс войтырсӧ, ми эськӧ бырим Содом моз, миянӧс эськӧ суис сійӧ жӧ, мый Гомораӧс.

Ӧксыяслӧн 4 небӧг 13:7

Иохазлӧн вӧлі кольӧма сӧмын ветымын верзьӧма, дас тарантас да дас сюрс пода тышкаморт сы бӧрти, кор арамейяслӧн ӧксы пасьвартіс израильса тышкайӧзӧс, таляліс найӧс кокувса бусӧс моз.

Левит 26:22

Мӧдӧда тіян вылӧ зверъясӧс, и найӧ гусявласны ныв-пинытӧ да косявласны ыж-мӧснытӧ. Ті кутанныд чинӧмӧн чинны, и тіян туйяс вывті ветлысь-мунысьыс оз ло.

Индӧд 1:10

Господь, тіян Енныд, содтіс тіянӧс, и ті лоинныд енэжвыв кодзувъяс мында.

Индӧд 1:11

Господь, тіян батьяслӧн Ен, мед сюрс пӧвстӧн содтас тіянлысь лыднытӧ да бурсиас тіянӧс, кыдзи Сійӧ кӧсйысис тіянлы.

Исай 6:11

Сэсся ме юалі: «Господьӧй, дыр-ӧ тадзи лоӧ?» Сійӧ вочавидзис: «Кытчӧдз каръяс оз кушмыны, керкаясын оз коль олысьыс, и муыс дзикӧдз оз энды.

Исай 6:13

Весиг коляс кӧ тані олысьяс пӧвстысь дасӧд юкӧныс, найӧс тшӧтш лоӧ бырӧдӧма. Кыдзи кералӧм бӧртиыс тупулӧн да ыджыд пулӧн кольӧ вужйыс, сідзи тайӧ войтырлӧн кольӧ вежа петасыс».

Амос 5:3

Господь Ыджыдыс тадзи висьталӧ: – Израильса карысь кӧ тышӧ петас сюрс морт, ловйӧн кольӧ сӧмын сёыс. Петас кӧ сё морт, ловйӧн кольӧ дасыс.