Индӧд 28:27 - Коми Библия 2023

²⁷ Египетсаяс вылӧ моз Господь мӧдӧдас тіян вылӧ орзьӧм мыльяс, пыкӧс, лӧмӧссьӧм да лудӧм, и наысь ті онӧ бурдӧй.

Индӧд 28:27 Referans Kwoze

Ӧксыяслӧн 1 небӧг 5:6

Азотын да сы гӧгӧрын олысьясӧс Господь чорыда кутіс мыждыны. Ставнысӧ полӧм босьтіс. Господь дойдаліс йӧзсӧ, яй пасьталаыс налӧн петалісны мыльяс. [Му пасьталаыс рӧдмисны крысаяс. Ыджыд шог суис карын олысьясӧс.]

Индӧд 28:35

Орзьӧм мыльяс петаласны пидзӧс да кокчӧр выланыд, юр пыдӧссяньныд кок чунь йылӧдзныд ті мылльӧссянныд. Татшӧм висьӧмӧн Господь дойдас тіянӧс, и ті онӧ бурдӧй.

Левит 21:20

гӧрба, висьлӧс, чусмӧм синма, лӧмӧсь, карсӧсь либӧ тобоньыс кӧ сылӧн доймӧма.

Петӧм 15:26

Ен шуис: «Ті кӧ кутанныд кывзыны асланыд Господь Енлысь гӧлӧс шысӧ да вӧчны Сы водзын шогманасӧ, кутанныд кӧ кывзыны Сылысь индӧд-тшӧктӧмъяссӧ да овны на серти, Ме ог мӧдӧд тіян вылӧ весиг ӧти висьӧм, кутшӧмӧс мӧдӧдлі Египет вылӧ, ӧд Ме – Господь [тіян Енныд], тіянӧс Бурдӧдысь».

Петӧм 9:9

Сэки пӧимыс бусӧн кыптас Египет му пасьтала. Йӧз да ыж-мӧс орзяласны-мылльӧссясны».

Исай 3:17

Таысь Господь кушӧдз шырас сионса нывъяслысь юрнысӧ, Сійӧ янӧдас найӧс.

Ӧксыяслӧн 1 небӧг 5:12

Унаӧн кулісны. А ловйӧн кольысьяс ставныс ёна мылльӧссисны. Карса олысьяслӧн ойзӧмыс кыптіс енэжӧдз.

Ӧксыяслӧн 1 небӧг 5:9

Сэтчӧ вайӧм бӧрын Господь кутіс мыждыны и тайӧ карсӧ. Ставныс шызисны. Йӧзсӧ полӧм босьтіс. Господь чорыда дойдаліс гырысьӧс и посниӧс, ставныс найӧ мылльӧссисны.

Петӧм 9:11

Тунъяс эз вермыны паныд сувтны Мӧисейлы, ӧд став египетса моз найӧ тшӧтш вӧліны орзьӧмаӧсь-мылльӧссьӧмаӧсь.

Индӧд 7:15

Господь [тіян Енныд] ылыстас тіян дінысь висьӧмъяс, мый ті [аддзылінныд да] тӧдмалінныд Египетын. Сійӧ ыстас висьӧмъяссӧ на вылӧ, кодъяс мустӧмтӧны тіянӧс.

Индӧд 28:28

Господь синтӧммӧдас да йӧймӧдас-дурмӧдас тіянӧс.

Амос 4:10

Ме ысті тіян вылӧ пӧрӧс висьӧм, кыдзи коркӧ ысті Египет вылӧ. Ме виалі шыпуртӧн зонъяснытӧ, вӧрӧгныдлы сеті вӧвъяснытӧ. Тышкайӧзныдлӧн чукӧртчанінын шойяссянь дукыс пуркйис тіян ныр-вомӧдз. Но ті энӧ бергӧдчӧй Ме дінӧ, – висьталӧ Господь. –

Петӧм 9:10

Мӧисей да Аарон босьтісны пачысь пӧим да локтісны фараон водзӧ. Мӧисей койыштіс пӧимсӧ сынӧдас, и йӧз да ыж-мӧс орзялісны-мылльӧссисны.