Индӧд 28:20 - Коми Библия 2023

²⁰ Господь мӧдӧдас тіян вылӧ ёрӧм, шызьӧм да шӧйӧвошӧм быдторйын, кытчӧдз тіянӧс оз ло бырӧдӧма. Ті куланныд лёк вӧчӧмныд вӧсна, ӧд эновтінныд Господьӧс.

Индӧд 28:20 Referans Kwoze

Малакий 2:2

– Ті кӧ онӧ кутӧй кывзысьны Менсьым, онӧ кӧ кутӧй сьӧлӧмсяньныд пыдди пуктыны Менӧ, – висьталӧ Господь Саваоф, – Ме ыста тіян вылӧ ёрӧм, бурсиӧм пыдди ёра тіянӧс. Но Ме тіянӧс ёри нин, ӧд ті онӧ сьӧлӧмсяньныд пыдди пуктӧй Менӧ.

Исай 66:15

Со, Господь локтӧ би моз, Сылӧн тарантасъясыс ыджыд тӧвныр кодьӧсь. Сійӧ кисьтас Ассьыс скӧрлунсӧ ыджыд ярлунӧн, петкӧдлас Ассьыс мыждӧмсӧ ыпъялысь биӧн.

Исай 51:20

Лэчкӧ шедӧм антилопа моз тэнад пияныд вынтӧммисны, куйлӧны быд туйвежын. Найӧ пӧтісны Господьлӧн скӧрлунысь, тэнад Енлӧн чорыда мыждӧмысь.

Индӧд 4:26

Талун енэжыс да муыс водзын шуа, мый татшӧмсӧ вӧчӧм вӧсна ті регыдъя кадӧн быранныд сійӧ му вывсьыс, кодӧс босьтны вуджанныд Йӧрдан ю сайӧ. Ті онӧ дыр кутӧй сэні овны, тіянӧс лоӧ бырӧдӧма.

Иоан 3:36

Коді эскӧ Пиыслы, сылӧн эм помтӧм олӧм. Коді оз эскы Пиыслы, сылӧн оз ло олӧмыс, но Енлӧн скӧрлуныс лоӧ сы вылын.

Исай 30:17

Ӧти мортлӧн повзьӧдӧмысь тіян сюрс морт пышъяс, вит мортлӧн повзьӧдӧмысь ті ставныд пышъянныд. А тіян пӧвстысь колясыс лоӧ керӧс йылын сулалысь майӧг кодьӧн, мыльк йылын дӧлалысь дӧрапас кодьӧн.

Исай 28:19

Сійӧ кутас локны выльысь и выльысь, асывнас, луннас и рытнас, быд лун сійӧ кутас кылӧдны тіянӧс. Тайӧ висьталӧмсӧ гӧгӧрвоигӧн полӧмныдла ті кутанныд дзӧрны.

Нав Исус 23:16

Ті кӧ торканныд асланыд Господь Енлысь йитӧдсӧ, мый Сійӧ кӧрталіс тіянкӧд, да кутанныд кесъявны-юрбитны мукӧд енъяслы, сэки Господьлӧн скӧрлуныс ӧзъяс тіян вылӧ, и регыдъя кадӧн ті быранныд тайӧ бур му вывсьыс, мый Господь сетіс тіянлы».

Левит 26:38

Ті куланныд мукӧд войтыръяс пӧвстын, тіянӧс ньылыштас вӧрӧгныдлӧн муыс.

1 Фессалоникаӧ 2:16

Найӧ оз лэдзны миянлы бурвисьтавлыны ентӧдтӧмъяслы, медым найӧ мездмисны. Тадзи найӧ содтӧны ассьыныс мыжъяссӧ. Но Енлӧн скӧрлуныс суис нин найӧс.

Псалтыр 7:11

Енмыс – менам сайӧдыс, Сійӧ мездӧ веськыд сьӧлӧмаясӧс.

Ӧксыяслӧн 1 небӧг 14:20

Саул чукӧртіс ассьыс тышкайӧзсӧ, и найӧ котӧртісны тышкасянінӧ. Филистимсаяс сэтшӧма вӧлі шӧйӧвошӧмаӧсь, мый виалісны ӧта-мӧднысӧ.

Индӧд 28:8

Господь бурсиас тіянӧс да тіянлысь нянь йӧртӧднытӧ. Господь, тіян Енныд, бурсиас тіянӧс быд уджын сійӧ муас, мый сетас тіянлы.

Еремей 1:16

Ме понда мыждыны Иуда муын олысьясӧс став налӧн лёк вӧчӧмысь, ӧд найӧ эновтісны Менӧ, сотісны висьяс мукӧд енъяслы да копрасисны асланыс киӧн вӧчӧмторъяслы.

Еремей 19:4

Ерусалимын олысьяс эновтісны Менӧ, пежалісны тайӧ ковтыссӧ, сотӧны тані висьяс мукӧд енъяслы, кодъясӧс эз тӧдлыны ни найӧ, ни налӧн батьясныс, ни иудаса ӧксыяс. Найӧ тыртісны тайӧ ковтыссӧ мыжтӧм йӧзлӧн вирӧн.

Ёрдысьяс 2:15

Кор израильсаяс петлісны тышӧ, Господь кыпӧдліс кисӧ налы паныд, и найӧс пасьвартлісны, кыдзи налы кыв сетӧмӧн шуліс Господь. Израиль войтырлы вӧлі вывті сьӧкыд.

Иов 24:18

Ентӧг олысь ва вывті кылалысь чаг кодь. Сылысь мусӧ лоӧ ёрӧма, сылӧн виноград йӧрлань мунысьыс оз ло.