16 Ёрӧма тэнӧ карын да видз-му вылын.
– Ті кӧ онӧ кутӧй кывзысьны Менсьым, онӧ кӧ кутӧй сьӧлӧмсяньныд пыдди пуктыны Менӧ, – висьталӧ Господь Саваоф, – Ме ыста тіян вылӧ ёрӧм, бурсиӧм пыдди ёра тіянӧс. Но Ме тіянӧс ёри нин, ӧд ті онӧ сьӧлӧмсяньныд пыдди пуктӧй Менӧ.
Сы водзвылын мунӧ бырӧдана би, бӧрсяньыс – ыпъялысь би. Водзвылас муыс Эдэм сад кодь, бӧрвылас – кушмӧм овтӧмин. Некод оз вермы мездмынысӧ.
Лёльӧяс бӧрся коляссӧ сёйис саранча, саранча бӧрся сёйисны чиркъяс, чиркъяс бӧрся сёйисны гагъяс.
Господь эз нин вермы терпитны тіянлысь лёк да зывӧк вӧчӧмнытӧ. Та вӧсна тіян муныд лои овтӧминӧн да повзьӧдчанторйӧн, сійӧс ёрӧма, и ӧні олысьыс сэні абу.
Видз-му вылын куйлӧны шыпуртӧн виӧмаяс, карын – тшыгъялӧмысь кулӧмаяс. Пророк да поп шӧйтӧны-ветлӧны му вывті, оз тӧдны, мый вӧчны.
Лёк вӧчысьлӧн керкаыс Господьлӧн ёрӧм улын, а веськыда олысьлысь керкасӧ Сійӧ бурсиӧ.
Сійӧ бергӧдас батьяслысь сьӧлӧмсӧ пиянлань, пиянлысь сьӧлӧмсӧ – батьяслань, медым локтігӧн Ме эг ёр да эг бырӧд мусӧ.
Кучикным лои биа пач кодь, тшыглуныс сотӧ миянӧс.
Ӧтнас сулалӧ кар, а коркӧ вӧлі йӧзӧн тырӧма! Ӧні сійӧ дӧва кодь, а коркӧ вӧлі войтыръяс пӧвстын ыджыд. Сійӧ ыджыдаліс ӧксыув муяс вылын, а лои вот мынтӧм могысь уджалысьӧн.
– Ме вӧча Ерусалим карӧс из чукӧрӧн, шакалъяслы оланінӧн. Иудаса каръясӧс Ме вӧча овтӧминӧн, сэні некод оз кут овны.
Та вӧсна Ме янӧді крамын кесъялысьясӧс, лэдзи бырӧдны Яковӧс, лёкӧдны Израильӧс.
Ань вочавидзис: «Тэнад ловъя Господь Ен водзын шуа: некутшӧм пӧжас менам абу, сӧмын дозмукын ки тыр пызь да дозйын этшаник вый. Ӧні чукӧртышта пес, сэсся муна да пӧжала няньтор аслым да пилы. Няньторсӧ сёйыштам, дай кулам».
Илля вӧчис Господьлӧн тшӧктӧм серти: муніс Йӧрдан мӧдлапӧлӧ Керит шор дорӧ да кольччис сэтчӧ.
Галаад муысь Тишби карысь Илля [пророк] шуис Ахавлы: «Ловъя Господь водзын, Израильлӧн Ен водзын, ме, сылӧн кесйӧг, кыв сета: локтан воясӧ лысва войт ни зэр тусь оз усь, кытчӧдз ме ог тшӧкты».
Сійӧ оз сет налы кулӧм ныв-пиыслысь яйсӧ, но ачыс сёяс, ӧд мӧд сёяныс сылӧн оз ло, кор вӧрӧгныд дзескӧдас тіянӧс да кытшалас тіянлысь каръяснытӧ.
Сійӧ пуктіс пиыслы Ной ним шуалӧмӧн: «Сійӧ бурӧдас миянӧс, кор ми шогпырысь кутам вӧдитны Господьӧн ёрӧм му».
Ентӧг олысь ва вывті кылалысь чаг кодь. Сылысь мусӧ лоӧ ёрӧма, сылӧн виноград йӧрлань мунысьыс оз ло.
Тайӧ ёрӧмсӧ мӧдӧді Ме, – висьталӧ Господь Саваоф. – Ёрӧмыс пырас гусясьысьлӧн керкаӧ да сы ордӧ, коді пӧръясьӧмӧн кӧсйысьӧ Менам нимӧн. Ёрӧмыс овмӧдчас сылӧн керкаӧ, ставнас пазӧдас сійӧс, весиг пусӧ и изсӧ жуглас.
