Индӧд 28:10 - Коми Библия 2023

¹⁰ Мувывса войтыръяс аддзасны, мый ті Господьлӧн [тіян Енлӧн] войтыр, да кутасны повны тіянысь.

Индӧд 28:10 Referans Kwoze

2 Каднебӧг 7:14

и Менам нимӧн пасйӧм войтырӧй кӧ раммӧдчас, шыасяс Ме дінӧ кевмысьӧмӧн, эновтчас аслас лёк туйясысь да кутас корсьны Менӧ, сэки Ме кыла найӧс енэжсяньыс, прӧстита налысь мыжсӧ да бурдӧда налысь мусӧ.

Индӧд 11:25

Некод оз вермы тіянлы паныд сувтны, ӧд Господь, тіян Енныд, кӧдзас тіянысь полӧм-тіралӧм быдлаын, кытчӧ ті сувтанныд кокнад. Та йылысь Сійӧ висьтавліс тіянлы.

Еремей 33:9

Мувывса став войтыръяс водзын тайӧ карыс ваяс Меным нимкодьлун, ошкӧм да нималӧм. Кор войтыръяс кыласны бурыс да лӧньлуныс йылысь, мый Ме сета тайӧ карас олысьяслы, найӧс полӧм-дзӧрӧм босьтас.

Малакий 3:12

Сэки войтыръяс шуасны тіянӧс майбыръясӧн, ӧд тіян муын олӧмыс лоӧ вывті бур, – висьталӧ Господь Саваоф.

1 Каднебӧг 14:17

Давидӧс кутісны нимӧдны быд муын, и Господь вӧчис сідзи, мый став войтыръяс кутісны повны Давидысь.

Лыд 6:27

Тадзи Менам нимсянь Аарон да сылӧн пияныс мед бурсиасны Израиль войтырӧс, и Ме [Господь] бурсиа найӧс».

Нав Исус 5:1

Йӧрдан ю рытыввылын олысь аморейяслӧн ӧксыяс да саридз бокын олысь ханаанса ӧксыяс кывлісны, мый Господь [Ен] косьтӧма Йӧрдан ю, и Израиль пиян вуджӧмаӧсь сійӧс. Таысь ӧксыясӧс полӧм босьтіс, Израиль пиянлы паныд сувтны найӧ эз лысьтны.

Петӧм 14:25

Господь вӧчис сідзи, мый тарантасысь гӧгыльясыс усьласисны, и египетсаяс ӧдва вермисны муннысӧ. «Колӧ пышйыны Израиль войтырысь, – шуисны найӧ, – ӧд Ачыс Господь на пыдди тышкасьӧ Египеткӧд».

Петӧм 12:33

Египетсаяс тшӧктісны Израиль войтырлы ӧдйӧджык петны Египет муысь. Найӧ шуалісны, ставным пӧ ми кулам.

Исай 63:19

Ми лоим сэтшӧм войтырӧн, код вылын Тэ быттьӧ некор эн юравлы, коді быттьӧ некор эз вӧв Тэнад войтырӧн.

Восьтӧм 3:9

Со, Ме сета тэныд сӧтаналӧн йӧз чукӧрысь найӧс, кодъяс шуӧны асьнысӧ иудейясӧн, но найӧ абу иудейяс, а пӧръясьысьяс. Ме вӧча тадзи: найӧ локтасны да уськӧдчасны тэнад кок улӧ. Сэки тӧдмаласны, мый тэ – Меным муса.

Ап. уджъяс 15:17

Сэки кутасны корсьны Господьӧс мукӧд йӧз, войтыръяс, кодъясӧс Ме шуа Асламӧн, – висьталӧ Господь, ставсӧ тайӧс Вӧчысь.

Индӧд 2:25

Талунсянь енэжувса войтыръяс пӧвстын Ме понда кӧдзны полӧм-тіралӧм. Кодъяс кыласны тіян йылысь, повзясны тіянысь да весьӧпӧрасны”.

Еремей 14:9

Мыйла Тэ шӧйӧвошӧм морт кодь, мездыны вермытӧм вына тышкаморт кодь? Но Тэ, Господьӧй, миян пӧвстын, миянӧс сиӧма Тэныд, эн эновт миянӧс!